بۇل جونىندە تۇركىستان وبلىسىنىڭ اكىمى ءو.شوكەەۆتىڭ جەتىساي اۋدانىنا ساپارى بارىسىندا ءمالىم ەتىلدى. جاڭا شاعىناۋدان جوباسىمەن تانىسقان وبلىس باسشىسى ىنتىماق اۋىلىندا ورنالاسقان «جەتىساي» بيوفابريكاسىنا ايالدادى. فابريكا جىلىنا 50 مىڭ گەكتار القاپتى زيانكەستەردەن قورعايتىن جاندىك وسىرۋمەن اينالىسادى. اتاپ ايتقاندا, تريحوگرامما (44كگ), التىن كوز (7 ملن دانا), براكون (9 ملن دانا) سىندى ونىمدەردى وندىرەدى. بۇگىنگى تاڭدا كاسىپورىندا 24 ادام تۇراقتى جۇمىسپەن قامتىلعان. بيوفابريكانىڭ ءماجىلىس زالىندا اۋدان اكىمى جامانتاي بەيسەنباەۆ ايماقتىڭ دامۋ جوسپارى جونىندە باياندادى. اۋدانداعى يندۋستريالدى ايماققا ورنالاساتىن جوبالار, ينفراقۇرىلىممەن قامتۋ ماسەلەلەرى مەن وتكەن جىلى اتقارىلعان جۇمىستارعا كەڭىنەن توقتالدى. جيىندى قورىتىندىلاعان ومىرزاق شوكەەۆ جالپى وبلىستىڭ وڭتۇستىك ايماقتارىنداعى اۋدانداردىڭ دامۋى باياۋ ءجۇرىپ جاتقاندىعىن تىلگە تيەك ەتتى. ينفراقۇرىلىم مەن الەۋمەتتىك نىسانداردى كوبەيتۋدى تاپسىرىپ, بۇل ماسەلە ءوزىنىڭ جەكە قاداعالاۋىندا بولاتىنىن جەتكىزدى.
سونداي-اق وبلىس اكىمى ش.ءۋاليحانوۆ جالپى ورتا مەكتەبىنىڭ عيماراتىندا بولىپ, اۋدان باسشىلىعىنا توزىعى جەتكەن نىساننىڭ ورنىنا جاڭا زاماناۋي ۇلگىدەگى مەكتەپ سالۋدى تاپسىردى. جىلىسۋ اۋىل وكرۋگىنىڭ جىلىسۋ, مىرزاشوقى, بايقونىس, باققونىس, ءال-فارابي ەلدى مەكەندەرىن سۋمەن قامتۋ جۇيەلەرىمەن تانىستى.
تۇركىستان وبلىسى
