سالتاناتتى ءىس-شارانىڭ قۇرمەتتى قوناعى رەتىندە اسكەري قىزمەتشىلەردىڭ اتا-انالارى, تۋىسقاندارى, قارۋلى كۇشتەردىڭ ارداگەرلەرى, جەرگىلىكتى باسقارۋ ورگاندارى مەن قوعامدىق ۇيىم وكىلدەرى قاتىستى. قوناقتاردىڭ نازارىنا اسكەريلەردىڭ جاۋىنگەرلىك دايارلىق ەلەمەنتتەرى بويىنشا كورسەتىلىمدەر ۇسىنىلدى.
25744, 30238, 41433 جانە 99116 اسكەري بولىمىنە مىڭ جارىمنان استام ساربازدىڭ اتا-انالارى مەن تۋعان-تۋىسقاندارى كەلگەن بولتىن. شالعايدان كەلگەن اتا-انالارمەن ءبولىم كومانديرلەرى مەن ولاردىڭ ورىنباسارلارى وتكىزدى. وڭىرلىك قولباسشىلىق اسكەري بولىمدەرىنىڭ كومانديرلەرى اتا-انالارمەن اڭگىمەلەسىپ, بارلىق قىزىقتىرعان ساۋالدارىنا جاۋاپ بەردى, قوناقتاردى اسكەري قىزمەتشىلەردىڭ الەۋمەتتىك-تۇرمىستىق جاعدايىمەن تانىستىرىپ, كازارلامالاردى, اسحانالاردى, ترەناجەرلىق زالدار مەن وقۋ سىنىپتارىن كورسەتتى.
-بىزدەر تاۋەلسىز قازاقستانعا, ونىڭ ايبىندى قارۋلى كۇشتەرىنە قىزمەت ەتەتىڭىمىزدى ماقتان تۇتامىز! ءبىز وتانىمىزدىڭ يگىلىگى ءۇشىن ءوزىمىزدىڭ اسكەري بورىشىمىزدى ادال ورىندايتىنىمىزعا كامىل سەنەمىن», دەيدى اقتاۋ قالاسىنىڭ 25744 اسكەري بولىمىنە شاقىرىلعان گۆارديا قاتارداعى جاۋىنگەر الماس قۋانىشەۆ.
اسكەري انت قابىلداعان جاس ساربازدار ەندىگى كەزەكتە جاس مامانداردى دايارلاۋ باعدارلاماسىنا سايكەس جاۋىنگەرلىك ۇردىسكە بەلسەنە كىرىسەدى. جارتى جىلدان سوڭ ولار اسكەري ماماندىق يەسى اتانىپ, ارتيللەرياشى, تانكىشى, اتقىش, بايلانىسشى لاۋازىمدارىندا تولىققاندى وتان قورعاۋشىلار مارتەبەسىنە يە بولادى.
-قازىرگى ۋاقىتتا اسكەرگە دەنە ءبىتىمى شىنىققان, ءبىلىمدى, مورالدىق تۇرعىدا تۇراقتى بوزبالالار كەلەدى. ارداگەرلەر مەن اسكەري بولىمدەردىڭ كومانديرلەرى ولار داڭقتى جاۋىنگەرلىك ءداستۇردىڭ لايىقتى ۇرپاعىنا اينالىپ, قازاقستان رەسپۋبليكاسىنا قالتقىسىز قىزمەت ەتۋدىڭ ۇلگىسى بولاتىندارىنا كامىل سەنەدى, دەيدى «باتىس» وڭىرلىك قولباسشىلىعى باسقارماسىنىڭ ءباسپاسوز قىزمەتىنەن كاپيتان رۋستەم يگيسينوۆ.
