رۋحانيات • 27 مامىر، 2019

باس جۇلدەگە بەرگىسىز جەڭىس

936 رەت كورسەتىلدى

كەزىندە قاي­تالانباس ۇنىمەن پاريج حالقىن تاڭداي قاقتىرعان امىرە قاشاۋباەۆ قۇبىلىسى اراعا تۋرا عاسىر ۋاقىت سالىپ ديماشتىڭ دارا داۋىسى، ەرجاننىڭ ەرەك ءۇنى بولىپ ورتامىزعا قايتا ورالعانداي.

وسىدان ەكى جىل بۇرىن قى­­تايدىڭ «I am a singer» جوباسى ارقىلى تەڭدەس­­سىز تا­لانتىمەن دي­­ماش قۇداي­بەر­گەن جاھان نازارىن جاۋلاسا، كۇ­نى كەشە رەسەيلىك «گولوس. دە­تي» بايقاۋى جانە ءبىر جاس دا­رىننىڭ جۇلدىزىن جاعىپ، قازاق اتىن الەمگە ءماشھۇر ەت­تى. ول – ەرجان ماك­سيم فەنو­مە­نى.

1925 جىلى پاريجدە وتكەن ءدۇ­نيە­ج ۇلىك ەتنوگرافيالىق كور­مەدە شىڭىلتىر ءۇننىڭ شەكسىز مۇمكىندىگىن كور­سەتىپ، ەۋروپانىڭ تال­عامپاز تىڭدارمانىن باس يگىز­گەن امىرە فەنومەنى ءان سا­لىپ شى­نى ستاقاندى شى­تى­ناتقان ەر­جان ماكسيم داۋى­سى ارقىلى تورتكۇل ءدۇ­نيە تىڭ­دارمانىن تاعى ءبىر مارتە ءدۇر سىلكىنتتى.

ون ءبىر جاسار ورالدىق ورەننىڭ ونە­رىن جوبا باستال­عالى ءجىتى باقى­لاپ، جانكۇيەر بول­عان تىڭدارمان قاۋىم باي­قاۋ سوڭىنا دەيىن تاقىم قىسىپ، دەمىن ىشىنە تارتا جاس تا­­­لانتتىڭ جەڭىم­پاز بو­لۋ ءساتىن اسى­عا كۇتكەنى راس. ءويت­كەنى كومبە سى­­زىعىن ءبى­رىنشى بولىپ كەسەرىنە جەر­­لەس جانكۇيەرلەرى عانا ەمەس، اللا پۋگاچەۆا، يگور كرۋتوي، ۆالەري مە­­­­­­لادزە، ماكسيم گالكين باستاعان رە­سەي­دىڭ بەلگىلى مۋزىكا ماماندارى دا سەنىمدى بولعان. ايتسە دە بايقاۋ بولعان سوڭ كۇت­كەن ناتيجەنىڭ بارلىعى بىردەي ادىلەتتى بولىپ، اقي­قاتقا اينالا بەرمەيتىنىن «گولوس. دەتي» جوباسى جانە ءبىر مارتە دالەلدەپ بەردى.

2019  جىلدىڭ  26  ساۋىرىندە جا­ريا­­لانعان اقتىق فينال قورى­تىن­دىسى، ياعني تەلەفون ارقىلى جال­پىحالىقتىق داۋىس بەرۋ ءناتي­جەسى كوپ­تىڭ نا­را­زىلىعىن تۋدىردى. رەسەيلىك زا­مان­­­­­­­­­داسى مي­كەللا اب­را­موۆادان كە­يىن­گى 2-ورىن تۇ­­­عى­­رىنان كورىنگەن ەر­جاننىڭ جە­­­ڭى­سى جانكۇيەرلەر مەن مۋزىكا­ ما­­مان­دارىنىڭ كوڭىلىنەن شىق­پا­دى. الەۋمەتتىك جەلى ار­­قىلى ءۇن­­­دەۋ جولداعان رە­سەيدىڭ بەلگىلى ەسترادا ءان­­شىلەرى بايقاۋدىڭ ءادى­لەت­تى وتكەنىنە كوز جەتكىزۋ ءۇشىن قو­رى­تىن­دى ناتيجەنى جوبا ۇيىمداس­تى­رۋشىلارىنان قاي­­­تا قاراپ، تەك­سەرۋىن تالاپ ەتتى. كوپتىڭ تالابى ەس­كەۋ­سىز قال­ماي، بايقاۋ ءنا­­­تي­جەسى قاي­تا قارالىپ، داۋىس بە­رۋدەگى ولقىلىقتار انىقتالدى. ءنا­تي­جەسىندە، جوبا تاريحىندا تۇڭ­­­­عىش رەت اقتىق فينال ەكىنشى رەت وتكىزىلەتىن بولىپ شەشىم قا­بىلداندى. ءسويتىپ 24 مامىردا قو­رى­تىندى گالا-كونتسەرت قايتا ۇيىمداستىرىلىپ، اقتىق فينالعا شىققان بار­لىق ونەرپازعا بىردەي 1 ميلليون رۋبل كو­لەمىندەگى سىيلىق پەن ارنايى ديپلوم تابىس ەتىلدى.

ءيا، بۇل جولى گران-پري بولمادى. بايقاۋ اقتىق في­نالعا شىققان بارلىق قا­تى­سۋشىنى جەڭىمپاز دەپ تانىدى. ءسوز سوڭىندا جوبا ۇيىم­­­داس­­تى­رۋشىلارى ەرجان ماك­­سيمگە قاراتا مۇن­داي ول­قى­لىقتىڭ الدا­­عى باي­قاۋ­لاردا ورىن الۋىنا جول بەر­مەي­­تىندىكتەرىن ايتىپ، كوپ­شىلىك قا­ۋىم الدىندا ۋادە بەردى.

«ءبىرىنشى ارنانىڭ» باس ديرەكتورى كونستانتين ەرنستىڭ ءوزى قازاق­ستاندىق انشىگە: «ەرجان، ءبىرىنشى ارنادا ەشتەڭە ساتىلمايتىنىن ءبى­لە­سىڭ ەندى» دەپ ايتقانىنىڭ ءوزى قازاق ورە­­­نىنە دەگەن ەرەكشە قۇرمەت، تا­لان­تىن باعا­لاعاندىق بولىپ تابىلادى.

ال جاس ءانشىنىڭ ءوزى بولسا: «مەنىڭ بۇل بايقاۋدا باس جۇلدە ال­ماعانىم دۇرىس تا بولعان سە­كىلدى. ەگەر جە­ڭىم­پاز بولسام، بار­لىعى قۇت­تىقتاپ قا­نا قويا سالار ما ەدى. ال گران-پري­ ەمەس، 2-ورىن الۋىم قوعامدا ءۇل­كەن رەزونانس تۋ­دىرىپ، كوپتەگەن مۋ­زى­كا ما­مان­­­­ىنىڭ، جالپى تىڭدار­مانداردىڭ نازارىن اۋداردى. جوبا قورى­تىندىسى قايتا قا­رال­دى. ءدال مۇن­داي سىلكىنىس بولادى دەپ ءتىپتى دە ويلاماعان ەدىم.­ بىراق، بايقاۋ ءناتي­جەسىنە، جاس ونەرپازداردىڭ تالانتىنا دەگەن مۋزىكا ماماندارىنىڭ جان­اشىر­لىعى بالالار باي­قاۋىندا ءادى­لەتتىلىكتىڭ بار ەكەنىن كور­سەتىپ بەردى. مە­نىمەن ءبىر­گە اقتىق في­نال­عا وتكەن دوس­تارىمنىڭ ءبا­رىن جەڭىمپاز دەپ سانايمىن. ولار­دىڭ بار­لىعى ءبىر­دەي مىقتى، تا­لانت­تى. مەن ءۇشىن جەڭىس ەمەس، تىڭ­­دار­مانداردىڭ مەنىڭ ونە­­رىمە وسى­­لاي جانكۇيەر بو­لۋىنان ار­تىق باعا جوق»، دەيدى.

مىنە، وسىلايشا قازاقتىڭ قا­را با­لاسىنىڭ تەڭدەسسىز تالانتى بايقاۋ تاريحىندا تۇڭعىش رەت رە­سەيدەگى ەڭ اۋقىمدى دا بەدەلدى جو­بانىڭ ءنا­تيجەسىن وزگەرتىپ، ونەر الە­مىندە شىن مانىندە سىلكىنىس تۋدىرا الدى. ال بۇل – ءسوزسىز باس جۇلدەگە بەرگىسىز جەڭىس!

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار