دەسانتشىلار ءومىرىنىڭ ءبىر كۇنى
جۇما, 1 ناۋرىز 2013 7:07
قىس ايلارى قارۋلى كۇشتەر ءۇشىن قاربالاسقا تولى. 2013 جىلعى وقۋ باعدارلاماسىنا سايكەس اسكەرلەردە ءبىرىنشى جارتىجىلدىققا جوسپارلانعان ءىس-شارالاردىڭ دەنى جاۋىنگەرلىك ازىرلىكتى ارتتىرۋعا ارنالعان.
استانادا شوعىرلانعان دەسانتتى-شابۋىلداۋشىلار ءبولىمى بۇقارالىق اقپارات قۇرالدارى وكىلدەرىنە ارناپ جەكە قۇرامىنىڭ ءبىر كۇندىك جاۋىنگەرلىك قىزمەتىن كورسەتتى. بۇگىندە وسى بولىمدەگى دەسانتشى ساربازداردىڭ وقۋ دايىندىعى ءۇشىن بارلىق قاجەتتى جاعدايلار جاسالعان. وقۋ-ماتەريالدىق بازا جەتكىلىكتى. نۇسقاۋشىلاردىڭ دەنىن جوعارى بىلىكتى وفيتسەرلەر قۇرايدى.
جۇما, 1 ناۋرىز 2013 7:07
قىس ايلارى قارۋلى كۇشتەر ءۇشىن قاربالاسقا تولى. 2013 جىلعى وقۋ باعدارلاماسىنا سايكەس اسكەرلەردە ءبىرىنشى جارتىجىلدىققا جوسپارلانعان ءىس-شارالاردىڭ دەنى جاۋىنگەرلىك ازىرلىكتى ارتتىرۋعا ارنالعان.
استانادا شوعىرلانعان دەسانتتى-شابۋىلداۋشىلار ءبولىمى بۇقارالىق اقپارات قۇرالدارى وكىلدەرىنە ارناپ جەكە قۇرامىنىڭ ءبىر كۇندىك جاۋىنگەرلىك قىزمەتىن كورسەتتى. بۇگىندە وسى بولىمدەگى دەسانتشى ساربازداردىڭ وقۋ دايىندىعى ءۇشىن بارلىق قاجەتتى جاعدايلار جاسالعان. وقۋ-ماتەريالدىق بازا جەتكىلىكتى. نۇسقاۋشىلاردىڭ دەنىن جوعارى بىلىكتى وفيتسەرلەر قۇرايدى.
جۋرناليستەر دەسانتشىلاردىڭ وقۋ-جاتتىعۋلارى ءوتىپ جاتقان بىرنەشە وقۋ نۇكتەسىندە بولىپ, ولاردىڭ كۇندەلىكتى جاۋىنگەرلىك دايىندىقتارىنا كۋا بولدى.
دەسانتشى-جاۋىنگەرلەر الدىمەن اۋە دەسانتى كەشەنىندە وتكىزىلەتىن جاتتىعۋلارىمەن ءتانتى ەتتى. ودان سوڭ كەدەرگى جولاعىنداعى كۇردەلى قيمىلداردى پىسىقتادى. بۇل جەردە ءاربىر اسكەري قىزمەتشى ءۇشىن مىندەتتى تۇردە اتلەتيزم, تەز ارادا شەشىم قابىلداۋ سياقتى قاسيەتتەردى يگەرۋ شارت.
ەلورداداعى دەسانتشىلار ءبولىمى قۇرىلعان كۇننەن بەرى استانامىزدا ءوتىپ تۇراتىن مەملەكەتتىك جانە حالىقارالىق ساياسي ماڭىزى بار ءىس-شارالاردىڭ قاۋىپسىزدىگىن قامتاماسىز ەتۋگە اتسالىسىپ كەلەدى. وسىدان بىرەر جىل بۇرىن باس قالامىزدا بولىپ وتكەن ازيادا ويىندارى مەن ەقىۇ سامميتىندە قاۋىپسىزدىكتى باقىلاۋعا تارتىلعان بولاتىن. وسىنداي مەملەكەتتىك ماڭىزى بار ءىس-شارالارداعى ارنايى جابدىقتالعان بلوگ-بەكەتتەردەگى قىزمەتىن ولار بۇگىن دە جۇرت نازارىنا ۇسىندى.
ودان سوڭ دەسانتشىلار بۇقارالىق اقپارات قۇرالدارى وكىلدەرىنە ارناپ ءبولىم قولدانىسىنداعى زاماناۋي بايلانىس قۇرالدارىنىڭ مۇمكىندىكتەرىن كورسەتتى. جەكە قارۋدان اتىپ, جاتتىعىپ جاتقان جاۋىنگەرلەردىڭ ساباقتارىمەن تانىستى.
كوگىلدىر بەرەتتى دەسانتشىلاردىڭ جاۋىنگەرلىك ازىرلىگىن جەكپە-جەك ۇرىسىنسىز ەلەستەتۋ مۇمكىن ەمەس. مۇزداي قارۋلانعان, شىنىققان شىمىر جىگىتتەر كورسەتكەن بۇل ۇرىس ءتۇرىنىڭ ەلەمەنتتەرى دەسانتشىلاردىڭ ەرجىگىت دەگەن اتقا لايىق ەكەنىن تاعى ءبىر رەت دالەلدەدى. ودان سوڭ جۋرناليستەر ءبولىمنىڭ برونەدرومىندا بولىپ, ت-72 تانكىسىنىڭ جاۋىنگەرلىك مۇمكىندىكتەرىن باقىلادى.
جۋرناليستەرگە شاعىن سۇحبات بەرگەن ءبولىم كومانديرى گەنەرال-مايور الماس جۇماكەەۆ:
– ءبىزدىڭ ساربازدار كۇندەلىكتى وقۋ-جاتتىعۋلار بارىسىندا كاسىبي تاجىريبەلەرىن جەتىلدىرىپ, جاۋىنگەرلىك شەبەرلىكتەرىن ارتتىرۋعا مۇمكىندىك الادى. سول سەبەپتى دەسانتشىلارعا جۇكتەلەر نەگىزگى تاپسىرما مورالدىق جاعىنان تۇراقتى, دەنساۋلىعى مىقتى, ساۋاتتى, كەز كەلگەن تاپسىرمانى ورىنداۋعا قابىلەتتى كاسىپقويدى دايىنداۋ بولىپ تابىلادى, – دەدى.
داستان كەنجالين,
«ەگەمەن قازاقستان».
