بەساسپاپ
جۇما, 22 اقپان 2013 7:02
كەنتاۋ قالاسىندا كەۋدەسىنە تاس قويىپ, بالعامەن ۇرعىزىپ سىندىرتاتىن, ماڭدايىمەن جاڭعاق شاعاتىن جەڭىس بەرىكقارا دەگەن قاريا تۇرادى. ءاردايىم سالاماتتى ءومىر سالتىن ناسيحاتتاپ جۇرەتىن جاكەڭ كۇندەلىكتى تۋرنيككە تارتىلىپ, جۇگىرۋدى ادەتكە اينالدىرعان. سونداي-اق, ول قالا تۇرعىندارىنا اقىندىعىمەن جانە حالىق اندەرىن ناقىشىنا كەلتىرە ورىندايتىن سەرىلىك ونەرىمەن دە ەتەنە تانىس. قالالىق سوعىس جانە ەڭبەك ارداگەرلەرى حورىنا قوسىلعانىنا دا ءبىراز جىل بولىپ قالىپتى.
جۇما, 22 اقپان 2013 7:02
كەنتاۋ قالاسىندا كەۋدەسىنە تاس قويىپ, بالعامەن ۇرعىزىپ سىندىرتاتىن, ماڭدايىمەن جاڭعاق شاعاتىن جەڭىس بەرىكقارا دەگەن قاريا تۇرادى. ءاردايىم سالاماتتى ءومىر سالتىن ناسيحاتتاپ جۇرەتىن جاكەڭ كۇندەلىكتى تۋرنيككە تارتىلىپ, جۇگىرۋدى ادەتكە اينالدىرعان. سونداي-اق, ول قالا تۇرعىندارىنا اقىندىعىمەن جانە حالىق اندەرىن ناقىشىنا كەلتىرە ورىندايتىن سەرىلىك ونەرىمەن دە ەتەنە تانىس. قالالىق سوعىس جانە ەڭبەك ارداگەرلەرى حورىنا قوسىلعانىنا دا ءبىراز جىل بولىپ قالىپتى.
– مەن بۇل ورتادا جانعا راحات تابامىن. مۇندا پىكىرلەس, سىيلاس ادامدار كوپ. حوردا كوپشىلىكپەن بىرگە جانە جەكە داۋىسپەن حالىق اندەرىن ايتامىن, – دەيدى جەڭىس بەرىكقارا.
ال سالاماتتى ءومىر سالتىن ۇستانۋعا بەل بۋعان كەزىن قاريا بىلايشا ەسكە الادى:
– مەن 11 جىل بويى «مىرعالىمسايدا» كەنشى بولىپ جۇمىس ىستەدىم. ونداعى جۇمىستار اۋىر بولدى. كەيىننەن ورگانيزمىمدى تازالاۋ ءۇشىن سپورتپەن شۇعىلدانۋىم, سالاماتتى ءومىر سالتىن ۇستانۋىم قاجەتتىگىن ءتۇسىنىپ, وسى جولدى تاڭدادىم. قازىر تاڭەرتەڭ ەرتە تۇرىپ, ءتورت-بەس شاقىرىم جۇگىرىپ كەلىپ, دەنە جاتتىعۋلارىن جاسايمىن. ءوز باستاماممەن «سەگىز سەرى» دەگەن كلۋب اشتىم. ونىڭ مۇشەلەرىنىڭ كوپشىلىگى زەينەت جاسىنداعى جاندار. اراسىندا جاستار دا بار. بەكزات ساتتارحانوۆ اتىنداعى بالالار جانە جاسوسپىرىمدەر سپورت مەكتەبىندە اپتاسىنا ءۇش كۇن جينالىپ, ءارتۇرلى جاتتىعۋلارمەن شىنىعىپ تۇرامىز.
جاكەڭ وتكەن جىلى ءوزى ءوسىرگەن ءتۇرلى تابيعي گۇلدەر مەن ءۇيىندەگى كىتاپتاردىڭ بارلىعىن جيناپ ءمادەنيەت سارايى مەن ورتالىق كىتاپحاناعا وتكىزىپتى. ولاردىڭ ءىشىندە «اباي جولى», «سىرىم باتىر», «ماناس» ەپوسى, «باتىرلار جىرى», مۇحتار اۋەزوۆ, ءسابيت مۇقانوۆ, تاحاۋي احتانوۆ, ءانۋار ءالىمجانوۆ, باۋىرجان مومىش ۇلى, ءازىلحان نۇرشايىقوۆ سەكىلدى اقىن-جازۋشىلاردىڭ كىتاپتارى مەن سپورت, مەديتسينا تاقىرىبىنداعى وتە سيرەك كەزدەسەتىن, باعالى ەڭبەكتەر بار.
بۇدان بولەك, اقساقال قاراپايىم قۇرىلىس ماتەريالدارىنان ءتۇرلى كومپوزيتسيالار جاساۋمەن اينالىسادى. ماسەلەن, قازاقستان ەقىۇ-عا توراعالىق ەتكەن جىلدارى ەسكەرتكىش بالبالتاستى قۇراستىرسا, ۇلى جەڭىستىڭ 65 جىلدىعى قارساڭىندا مايدانگەرلەردىڭ ەرلىگىن بەينەلەيتىن كومپوزيتسيا جاسادى.
قايرات زاينيشەۆ.
وڭتۇستىك قازاقستان وبلىسى.
