قۇتىرۋ – ولىمگە اكەلەتىن اسا قاۋىپتى جۇقپالى اۋرۋ
سەيسەنبى, 5 اقپان 2013 7:20
تاراز قالاسىندا دەنساۋلىق ساقتاۋ مينيسترلىگى مەملەكەتتىك سانەپيدقاداعالاۋ كوميتەتىنىڭ جامبىل وبلىسى بويىنشا دەپارتامەنتىنىڭ ۇيىمداستىرۋىمەن «قۇتىرۋ ىندەتىنىڭ كلينيكاسى, دياگنوستيكاسى جانە الدىن الۋ شارالارى» اتتى وبلىستىق سەمينار وتكىزىلدى. ونىڭ بارىسىندا قۇتىرۋ ىندەتىنىڭ الدىن الۋعا قاتىستى ماسەلەلەر جان-جاقتى تالقىلاندى.
سەيسەنبى, 5 اقپان 2013 7:20
تاراز قالاسىندا دەنساۋلىق ساقتاۋ مينيسترلىگى مەملەكەتتىك سانەپيدقاداعالاۋ كوميتەتىنىڭ جامبىل وبلىسى بويىنشا دەپارتامەنتىنىڭ ۇيىمداستىرۋىمەن «قۇتىرۋ ىندەتىنىڭ كلينيكاسى, دياگنوستيكاسى جانە الدىن الۋ شارالارى» اتتى وبلىستىق سەمينار وتكىزىلدى. ونىڭ بارىسىندا قۇتىرۋ ىندەتىنىڭ الدىن الۋعا قاتىستى ماسەلەلەر جان-جاقتى تالقىلاندى.
قۇتىرۋ ىندەتى – جەدەل ۆيرۋستى اۋرۋلاردىڭ ەڭ قاتەرلىسىنىڭ ءبىرى.
جامبىل وبلىستىق بالالار جۇقپالى اۋرۋلار اۋرۋحاناسىنىڭ ءبولىم مەڭگەرۋشىسى مۇحتار سەرجانوۆتىڭ ايتۋىنشا, 2006-2010 جىلداردا قازاقستاندا 39 ناۋقاس قۇتىرۋ ىندەتىنەن قايتىس بولعان. ولاردىڭ دەنى ەرەسەك ادامدار. ال, 2012 جىلى تاراز قالاسىندا ءبىر ادامنىڭ قۇتىرۋدان قايتىس بولعانى تىركەلگەن.
جوعارىدا اتقانىمىزداي, قۇتىرۋ – جانۋارلار مەن ادامدارعا ورتاق اسا قاۋىپتى ينفەكتسيالىق اۋرۋ. ول ادامعا اۋرۋ جانۋار ءتىستەگەندە, تىرناعاندا نەمەسە جاراقاتتانعان جەرگە سىلەكەيى تيگەندە جۇعادى. بۇل قاۋىپتى ىندەتپەن كۇرەسۋ ءۇشىن, ىندەت كوزى بولىپ تابىلاتىن اڭداردى جويۋ جانە ءۇي جانۋارلارىنا ۋاقىتىلى قۇتىرۋعا قارسى پروفيلاكتيكالىق ەگۋ جاساتۋ كەرەك. سەمينارعا قاتىسۋشىلار وسى جاعىن ەسكەرتە وتىرىپ, 2011 جىلى جامبىل وبلىسى بويىنشا قۇتىرۋمەن اۋىراتىن 75 ءىرى قارا مال انىقتالعانىن ەسكە سالدى. ونىڭ 45 پايىزى مويىنقۇم اۋدانىنا تيەسىلى. مۇندا تۇلكى, قاسقىر ولەكسەلەرى تابىلعان, مىنەزى وزگەرگەن اڭدار انىقتالعان بولاتىن. قۇتىرۋ تەراپياسىنىڭ ءتيىمدى ءادىسى ءالى جوق. سوندىقتان, بۇل اۋرۋدان اراشالاپ قالاتىن جالعىز جول – قۇتىرۋعا قارسى ەمدەۋ-پروفيلاكتيكالىق ەگۋ شارالارى. 2011 جىلى 1578 ادامعا قۇتىرۋعا قارسى ەگۋ جاسالسا, 2012 جىلى 1665 ادام وسى مۇمكىندىكتى پايدالانعان. «قۇتىرۋدىڭ بولجامى جاعىمسىز. قۇتىرۋدان تولىق جازىلۋ تۋرالى مالىمەتتەر جوق», – دەيدى №1 قالالىق اۋرۋحاناسىنىڭ جاراقات ءبولىمىنىڭ مەڭگەرۋشىسى ولەگ شايۋنۋسوۆ. كەز كەلگەن جانۋار تىستەگەندە نە تىرناعاندا, ءمىندەتتى تۇردە دارىگەرگە قارالۋ كەرەك. ەگەر جانۋار اۋرۋ بولسا, ءار مينۋتتىڭ ءوزى شەشۋشى ءرول اتقارادى.
تولقىن ومىرباەۆا,
جامبىل وبلىسى اكىمدىگى دەنساۋلىق ساقتاۋ باسقارماسى ءباسپاسوز ورتالىعىنىڭ جەتەكشىسى.
