ايماقتار • 22 مامىر، 2019

ورالدا سەنات كوميتەتىنىڭ كوشپەلى وتىرىسى ءوتتى

752 رەت كورسەتىلدى

ورال قالاسىندا قازاقستان رەسپۋبليكاسى پارلامەنتى سەناتى الەۋمەتتىك-مادەني دامۋ جانە عىلىم كوميتەتىنىڭ قازاقستان رەسپۋبليكاسىنىڭ ەڭبەك زاڭناماسىن جەتىلدىرۋ ماسەلەسىن قاراۋ بويىنشا كوشپەلى وتىرىسى ءوتتى.

كوشپەلى وتىرىستى قازاقستان رەسپۋبليكاسى پارلامەنتى سەناتى الەۋمەتتىك-مادەني دامۋ جانە عىلىم كوميتەتىنىڭ ءتورايىمى بىرعانىم ءايتىموۆا جۇرگىزىپ، جيىنعا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اقمادي سارباسوۆ، باتىس قازاقستان وبلىسىنىڭ اكىمى التاي كولگىنوۆ، سەناتورلار جانە جەرگىلىكتى كاسىپورىن-مەكەمە باسشىلارى قاتىستى.

- ءبىزدىڭ كوميتەتتىڭ كوشپەلى وتىرىسىن وسى جەردە وتكىزۋگە بارلىق جاعداي جاساعان ءوڭىر باسشىسى التاي كولگىنوۆكە العىس ايتامىز. سەنات دەپۋتاتتارى سەرىك بەكتۇرعانوۆ، مۇرات باقتيار ۇلى، سەرگەي ەرشوۆ، باقىتجان جۇماعۇلوۆ، دينار نوكەتاەۆا، ناريمان تورەعاليەۆ، ەربولات مۇقاەۆ، عۇمار دۇيسەمباەۆ ەكى توپقا ءبولىنىپ، باتىس قازاقستان وبلىسىندا جۇمىس ساپارىمەن بولدىق. اق جايىق ولكەسىنە كەلگەن بىرنەشە كۇن ىشىندە ءبىز جەرگىلىكتى كاسىپورىنداردى ارالادىق، ەڭبەك ۇجىمدارىمەن كەزدەستىك. بۇگىن عانا قاراشىعاناق كەنىشىندە بولىپ، كاسىپوداق وكىلدەرىمەن جۇزدەستىك. بورلىدەگى ورتا بۋىن ماماندار دايارلايتىن كاسىپتىك ليتسەي جۇمىسىمەن تانىستىق. ارينە، توزىعى جەتكەن عيمارات مورالدىق تۇرعىدا ەسكىرگەن جانە شۇعىل كۇردەلى جوندەۋدى قاجەت ەتەدى. سوعان قاراماستان كوللەدج ۇجىمى ەڭبەك نارىعىندا باسەكەگە قابىلەتتى ماماندار دايارلاپ وتىر. سەناتورلار ەلىمىزدىڭ قورعانىس مەكەمەلەرىنە ارنالعان كەمەلەر مەن شاعىن كەمەلەر شىعاراتىن ورالداعى «زەنيت» زاۋىتى» اكتسيونەرلىك قوعامىندا بولدى، ەڭبەك ۇجىمىمەن كەزدەستى، زاۋىتتىڭ قىزمەتىمەن تانىستى. مۇنىڭ ءبارى ءبىزدىڭ ناقتى احۋالدى ءبىلۋىمىز ءۇشىن وتە ماڭىزدى بولدى. بۇل ساپارىمىز پرەزيدەنت بەرگەن تاپسىرمالاردى جۇزەگە اسىرۋ ماقساتىندا جانە سەناتتىڭ ءىس-شارالار جوسپارىنا سايكەس جۇرگىزىلىپ وتىر. ەلباسى «Nur Otan» پارتياسىنىڭ XVIII سەزىندە «ءبىزدىڭ جۇمىستىڭ نەگىزگى باسىمدىعى حالىقتىڭ ءال-اۋقاتى ءوسۋىن قامتاماسىز ەتۋ جانە ازاماتتاردىڭ ءومىر ءسۇرۋ ساپاسىن ارتتىرۋ بولۋى ءتيىس» دەگەن بولاتىن. سوندىقتان بۇگىنگى تاڭدا ەڭبەك زاڭناماسىن جەتىلدىرۋ، ەڭبەك ادامدارىن قورعاۋ – اسا ماڭىزدى ماسەلەنىڭ ءبىرى. تۇڭعىش پرەزيدەنت تاپسىرماسىن ىسكە اسىرۋ ماقساتىندا 2018 جىلى پارلامەنت قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزدى. شىندىعىندا ەڭبەك زاڭناماسىن جەتىلدىرۋ – جۇمىس بەرۋشىلەردىڭ دە، قىزمەتكەرلەردىڭ دە قۇقىعىن تەڭ قوزعايتىن، بارىنە تەڭ كاسىبي كوزقاراستى تالاپ ەتەتىن پروتسەسس. قازىرگى تاڭدا ەڭبەك قاۋىپسىزدىگى، ەڭبەكتى قورعاۋدى ۇيىمداستىرۋ، قىزمەتكەرلەردىڭ ەڭبەك قۇقىقتارىن قورعاۋ، ۇجىمدىق شارتتاردىڭ بولۋى، كاسىپوداقتاردىڭ جۇمىسى، ۇجىمدا ەڭبەك زاڭناماسى ساقتالۋىن باقىلايتىن قىزمەتكەردىڭ بولۋى، الەۋمەتتىك-ەڭبەك قاتىناستارىن تسيفرلاندىرۋ سەكىلدى ماڭىزدى ماسەلەلەرگە ەرەكشە نازار اۋدارۋىمىز كەرەك، - دەدى ءوز سوزىندە بىرعانىم سارىقىزى.

باتىس قازاقستان وبلىسىنىڭ اكىمى التاي كولگىنوۆ ءوز سوزىندە جىل سايىن جەر بەتىندە وندىرىستىك جاراقات سالدارىنان 3 ملن ادام ومىرىمەن قوشتاسىپ، 400 ملن ادام ءتۇرلى جاراقات الاتىنىنا توقتالدى. سوندىقتان وڭىردە قىزمەتكەرلەردىڭ كاسىبي دايىندىعىنا ەرەكشە كوڭىل بولىنەدى. تاياۋداعى ءۇش جىل ىشىندە باتىس قازاقستان وبلىسىنداعى 36 كوللەدج بەن 4 جوو-نىڭ ماتەريالدىق-تەحنيكالىق بازاسىن نىعايتۋ قولعا الىنباق.

- ەلىمىزدە 2017 جىلدان بەرى «بارلىق ادامدار ءۇشىن ەركىن كاسىپتىك ءبىلىم بەرۋ» اتتى باعدارلاما جۇزەگە اسىرىلىپ جاتىر. بۇل جوبا اياسىندا جىل سايىن اق جايىق وڭىرىندە 800-دەي ادام جاڭا ماماندىق يگەرەدى. بيىل دا كوللەدجدەردە 800-دەي ادامدى وقىتىپ، 2 مىڭداي ادامدى قىسقا مەرزىمدى قايتا دايارلاۋ كۋرستارىنان وتكىزۋ جوسپارلانعان. ەكىنشىدەن، وبلىستا ۇزاق مەرزىمدى، ساپالى جۇمىس ورىندارىن اشۋ ەرەكشە نازاردا. وبلىستا ەكونوميكالىق بەلسەندى حالىق سانى – 337 404 ادام. 2019 جىلى 25 مىڭعا جۋىق ادامدى جۇمىسپەن قامتۋ جوسپارلانىپ وتىر. «جاستار تاجىريبەسى» بويىنشا 1500 تۇلەكتى قامتۋ جوسپارلانۋدا. قازىردىڭ وزىندە 500 مامان جۇمىسقا ورنالاسۋعا جولداما الدى. بىلتىر 508 مامان «ديپلوممەن اۋىلعا» باعدارلاماسى بويىنشا ەلگە بارىپ، 304 ملن تەڭگە كولەمىندە بىرجولعى جاردەماقى الدى. «جاسىل ەل» باعدارلاماسى اياسىندا 1000-نان اسا جاس ەڭبەكپەن قامتىلدى. مۇمكىندىگى شەكتەۋلى جانداردىڭ دا ەڭبەككە ارالاسۋىن ءاردايىم قولداپ وتىرامىز. «بيزنەس-باستاۋ» جوباسىنا سايكەس جىل سايىن جۇزدەگەن ادام وقىپ، كاسىبىن باستايدى. بيىلدىڭ وزىندە 561 ادام كۋرستان ءوتىپ، 543 ادامعا 100 اەك كولەمىندە گرانت بەرۋ جوسپارلاندى، - دەيدى التاي كولگىنوۆ.

ءوڭىر باسشىسىنىڭ ايتۋىنشا، باتىس قازاقستان وبلىسىندا تۇڭعىش رەت «وتباسى-بيزنەس» باعدارلاماسى جۇزەگە اسپاق. ول ەلباسىنىڭ «الەۋمەتتىك قامقورلىق» باعدارلاماسى اياسىندا «اتامەكەن» ۇلتتىق كاسىپكەرلەر پالاتاسىمەن بىرلەسە جۇرگىزىلەدى. جوبا بويىنشا كوپ بالالى جانە از قامتىلعان وتباسىلاردان جالپى سانى 1200 ادامعا كاسىپكەرلىك كەڭەس بەرىلەدى. 200 ادامدى كاسىپكەرلىك نەگىزدەرىنە وقىتىپ، جەڭىلدەتىلگەن نەسيە نەمەسە قايتارىمسىز گرانت بەرۋ جوسپارلانعان.

كوشپەلى وتىرىس كەزىندە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اقمادي سارباسوۆ ءسوز الىپ، جاڭا ەڭبەك كودەكسى، جاڭا ەڭبەك ستاندارتارىن ەنگىزۋ بويىنشا اتقارىلىپ جاتقان جۇمىستار تۋرالى باياندادى. باتىس قازاقستان وبلىسى اكىمىنىڭ ورىنباسارى بيبىگۇل قونىسباەۆا، «جايىق مۇناي» جشس باس ديرەكتورى جومارت داركەەۆ، باتىس قازاقستان وبلىستىق ءماسليحاتىنىڭ دەپۋتاتى قاتاۋوللا اشىعاليەۆ، سەناتور ناريمان تورەعاليەۆ ءسوز سويلەپ، كوتەرىلگەن تاقىرىپ بويىنشا ناقتى ماسەلەلەرگە توقتالدى. وتىرىستا ەڭبەك كودەكسىنە ءىرى جەكە كاسىپورىنداردىڭ ۇجىمدىق شارتىن مىندەتتى تۇردە جاساۋ تۋرالى وزگەرىستەر مەن تولىقتىرۋلار ەنگىزۋ جونىندە ۇسىنىستار ايتىلدى. سونداي-اق جۇمىسپەن قامتۋ ءبولىمى مەن جۇمىسپەن قامتۋ ورتالىعى ءبىر-ءبىرىنىڭ قىزمەتىنىڭ قايتالاماۋى ۇسىنىلاتىن بولدى.

كوشپەلى وتىرىستى قورىتىندىلاعان بىرعانىم ءايتىموۆا تۇڭعىش پرەزيدەنت نۇرسۇلتان نازارباەۆتىڭ «قازاقستاندىقتاردىڭ ءال-اۋقاتى، ەڭ الدىمەن، تابىستارىنىڭ تۇراقتى ءوسىمى مەن تۇرمىس ساپاسىنا بايلانىستى. ادام ەڭبەكقور بولىپ، ءوز كاسىبىن جاقسى مەڭگەرگەندە جانە لايىقتى جالاقى الۋعا نەمەسە جەكە كاسىپ اشىپ، ونى دامىتۋعا مۇمكىندىك بولعان كەزدە تابىس ارتادى» دەگەن سوزىنە جينالعانداردىڭ نازارىن تاعى دا اۋدارتتى.

22 مامىردا سەناتورلار ءوڭىردىڭ بىرقاتار الەۋمەتتىك-مادەني، ءبىلىم بەرۋ نىساندارىن ارالايدى.


سۋرەتتى تۇسىرگەن رافحات حالەلوۆ

باتىس قازاقستان

سوڭعى جاڭالىقتار

اقش – الەم چەمپيونى

سپورت • بۇگىن، 07:59

ەل چەمپيوندارى انىقتالدى

تەننيس • بۇگىن، 07:57

الەم كۋبوگىندا توپ جاردى

سپورت • بۇگىن، 07:55

جىگىتتەر جاراپ تۇر

سپورت • بۇگىن، 07:52

جادىگەردە – الاش بەلگىسى

احمەت بايتۇرسىن ۇلى • بۇگىن، 07:45

بەس ءوندىرىس ورنى ىسكە قوسىلادى

ايماقتار • بۇگىن، 07:44

تۇلعاعا تاعزىم

رۋحانيات • بۇگىن، 07:41

الدىمىزداعى ۇلكەن مىندەتتەر

ساياسات • بۇگىن، 07:40

باستى قادام

پىكىر • بۇگىن، 07:39

جەتى جىل – جەتكىلىكتى ۋاقىت

پىكىر • بۇگىن، 07:37

العاشقى ۇمىتكەر

ساياسات • بۇگىن، 07:35

وڭىرگە ەرەكشە ءمان بەرىلەدى

پىكىر • بۇگىن، 07:33

وتاندى ءسۇيۋ – ەڭبەكتەن

پىكىر • بۇگىن، 07:32

جاستاردى دەمەيتىن باستاما

پىكىر • بۇگىن، 07:30

اقاڭنىڭ تويى – الاشتىڭ مەرەيى

احمەت بايتۇرسىن ۇلى • كەشە

«اق ءپىل» سيندرومى

قوعام • كەشە

امبەباپ وقۋ ورتالىعى

ءبىلىم • كەشە

بىلىمدىگە جول اشىق

ءبىلىم • كەشە

يت يەسىنە تارتادى

قازاقستان • كەشە

كوكشەدەگى جارمەڭكە

ايماقتار • كەشە

ءجۇز جىلعى قۇدىق

تانىم • كەشە

ۇقساس جاڭالىقتار