بىلتىر ارنايى ەكونوميكالىق ايماققا تارتىلعان ينۆەستيتسيا كولەمى 6,6 ملرد تەڭگەنى قۇرادى, ونىڭ ىشىندە 3,9 ملرد تەڭگەسى شەتەلدىك ينۆەستورلارعا تيەسىلى. بۇگىنگى كۇنى جالپى ينۆەستيتسيا كولەمى 98,5 ملرد تەڭگەنى, ونىڭ 60,5 ملرد تەڭگەگەسىن شەتەلدىك ينۆەستيتسيالار قۇراپ وتىر.
سونىمەن قاتار, وڭىردە 27 قاتىسۋشى تىركەلىپ, جالپى سوماسى 93,4 ملرد تەڭگەگە 17 جوبا جۇزەگە اسىرىلعان.
بيىل وبلىستا 364 جۇمىس ورنىن قۇرۋمەن جالپى سوماسى 12 ملرد تەڭگە بولاتىن 6 جوبانى جۇزەگە اسىرۋ جوسپارلانىپ وتىر, ولاردىڭ ىشىندە: بولات بۇيىمدارىن, بيتۋم ەمۋلسياسى نەگىزىندە سۋ وتكىزبەيتىن ماتەريالداردى, جۇمساق ىدىستىق كونتەينەرلەردى, ترانسفورماتورلار مەن كابەلدەردى ءوندىرۋ جانە پوليمەرلى وراۋ ءوندىرىسى بويىنشا بىرنەشە ءوندىرىس وشاعى بار.
2020-2021 جىلدارعا ارنالعان جوسپار بويىنشا وبلىستا جالپى سوماسى 70,3 ملرد تەڭگە بولاتىن 365 جۇمىس ورنىن قۇرۋمەن 3 جوبا جۇزەگە اسىرىلماق.
