تىل ارداگەرى, ارداقتى انا قاسىل قاتىقباەۆا اتىنداعى ءبىلىم گرانتىن جەڭىپ العان, باتىر انانىڭ اتىمەن اتالاتىن №168 مەكتەپتىڭ 11 سىنىپ وقۋشىسى توعجان بايانوۆا. زەردەلى تۇلەك اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تەگىن ءبىلىم الۋ مۇمكىندىگىنە يە بولىپ وتىر. باس جۇلدە وقۋ گرانتى بولسا, ءبىرىنشى ورىنعا – 500 مىڭ تەڭگە, ەكىنشى ورىنعا – 300 مىڭ تەڭگە, ءۇشىنشى ورىن يەسىنە 200 مىڭ تەڭگە قارجىلاي سىياقى تابىستالدى.
«جاستار جىلى» اياسىندا قالا اكىمدىگىنىڭ قولداۋىمەن ۇيىمداستىرىلعان بايقاۋعا الماتى قالالىق ءماسليحات دەپۋتاتى مۇرات ءادىلحان ۇلى دەمەۋشىلىك جاساعان. ۇيىمداستىرۋشىلار ءىس-شارانىڭ نەگىزگى ماقساتى ۇستازداردىڭ مارتەبەسىن ارتتىرىپ, وقۋشىلاردى ۇستازدىق ماماندىققا تاربيەلەۋ ەكەندىگىن ايتادى.
«ءارتۇرلى بايقاۋلار بولىپ جاتادى. بىراق مىنا بايقاۋدىڭ ەرەكشەلىگى, بىرىنشىدەن, مۇندا بولاشاق قازاق ءتىلى ءپانىنىڭ ۇستازى تاڭدالدى. مەنىڭشە, قازاق ءتىلىن, ءوز انا ءتىلىن كوتەرگەن ادام جامان بولمايدى. ۇستاز بولام دەگەن ادام شىن مانىندە وسىعان سەنۋى كەرەك», – دەيدى جەڭىمپازداردى ماراپاتتاۋعا كەلگەن قالا اكىمى باۋىرجان بايبەك.
الماتى
