توعاندار كەڭەيتىلىپ, ارىق جۇيەسى تولىقتاي جاڭارتىلادى. جوبانى جاڭارتۋ كەزىندە مۇمكىندىگى شەكتەۋلى جاندارعا ارنالعان پاندۋستار, زاعيپتەر ءۇشىن ارنايى بەلگىلەر قويۋعا اسا ءمان بەرىلەدى. ماماندار قۇرىلىس جۇمىستارى كەزىندە جاسىل جەلەككە ەشقانداي زيان كەلتىرمەۋ جاعدايى ءجىتى نازاردا بولاتىنىن جەتكىزدى.
«ءبىز باققا بيىل كۇزدە 1000-عا جۋىق اعاش جانە 10 مىڭ گۇل وتىرعىزۋدى جوسپارلاپ وتىرمىز. ەگەر مۇمكىندىك بولسا, ودان دا كوپ ەگەمىز. بەينەباقىلاۋ قۇرىلعىلارىن ورناتۋ دا جوسپاردا بار. ازىرگە ونىڭ ناقتى سانى قانشا بولارى بەلگىسىز. دەگەنمەن, بۇل ۆانداليزممەن كۇرەسىپ, حالىقتىڭ قاۋىپسىزدىگى ماقساتىندا قويىلادى», – دەيدى «ۆەرنىي كاپيتال» كومپانيالار توبىنىڭ باس ديرەكتورى ەرلان وسپانوۆ.
باقتاعى جاقسارتۋ جۇمىستارىن كورۋگە كەلگەن قالا اكىمى باۋىرجان بايبەك, بارىنشا تابيعي لاندشافتى ساقتاپ, ونى از عانا وزگەرتۋ كەرەكتىگىن تاپسىردى.
ەسكە سالساق, بوتانيكالىق باق 17 گەكتاردان استام اۋماقتى الىپ جاتىر. قۇرىلىس جۇمىستارى بارىسىندا باق جابىلمايدى. تۇرعىندار بۇرىنعىسىنشا جۇپار اۋامەن تىنىستاپ, سەرۋەندەي الادى.
