وبلىس اكىمى ومىرزاق شوكەەۆتىڭ توراعالىعىمەن وتكەن اپپارات جيىنىندا تاپسىرمانى ورىنداماعان اۋدان باسشىلارىنا ءتيىستى شارا قولدانىلاتىندىعى ەسكەرتىلدى. سەلەكتورلىق جيىندا 2019 جىلعى قاڭتار-ءساۋىر ايلارى ارالىعىندا وبلىستىڭ الەۋمەتتىك-ەكونوميكالىق دامۋى مەن بيۋدجەتتىڭ ورىندالۋى بويىنشا بايانداعان ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ارمان ابدۋللاەۆ جالپى وڭىرلىك ءونىم كولەمى 2018 جىلدىڭ الدىن الا قورىتىندىسىمەن 1 ترلن 650,5 ملرد تەڭگە سوماسىندا قالىپتاسقانىن اتاپ ءوتتى. «2017 جىلدىڭ ءتيىستى كەزەڭىمەن سالىستىرعاندا ءوسىم 6,2 پايىزدى قۇرادى. جالپى وڭىرلىك ءونىمدى جان باسىنا شاققاندا 833,8 مىڭ تەڭگەدەن كەلەدى. الدىڭعى جىلدىڭ كورسەتكىشتەرىمەن سالىستىرعاندا ءوسىم بار. ونەركاسىپ ءونىمىنىڭ كولەمى 153,9 ملرد تەڭگەنى قۇراپ, ناقتى كولەم يندەكسى 2018 جىلدىڭ سايكەس كەزەڭىمەن سالىستىرعاندا 3,8 پايىزعا ارتتى», دەدى ا.ابدۋللاەۆ.
سونداي-اق جيىن بارىسىندا تۇركىستان قالاسىنىڭ اكىمى الىپبەك وسەرباەۆ بۇگىندە وبلىس ورتالىعىندا مەملەكەت مۇقتاجدىعى ءۇشىن 303 نىسان بوساتىلعانىن ءمالىم ەتتى. وبلىس اكىمى سۇرىلەتىن نىسانداردىڭ يەلەرىمەن تۇسىندىرمە جۇمىستارىن جىلدامداتۋدى تاپسىردى. بۇدان وزگە, ءوڭىر باسشىسى وبلىس ورتالىعىن كوگالداندىرۋ, اعىن سۋمەن قامتاماسىز ەتۋ جۇمىستارىن قولعا الۋ كەرەكتىگىن ايتتى.
