«مارتارت» ستۋدياسىنىڭ وقۋشىلارى كورەي ۇلتتىق موتيۆتەرىن, سونداي-اق ۇلى دالا جەتى قىرىن بەينەلەيتىن تۋىندىلاردى جۇرتشىلىقتىڭ نازارىنا ۇسىندى.
- كورمەدە بۇرىندا جارىق كورمەگەن, سەكسەننەن استام جۇمىستار قويىلدى. جينالعان حالىقتى, كارىس موتيۆتەرىندە بەينەلەگەن جاس شەبەرلەردىڭ جۇمىستارى قىزىقتىردى. اسىرەسە, اتا مەن انالاردىڭ كوڭىلىنە ەرەكشە اسەر قالدىردى دەپ ويلايمىن. ەلباسىنىڭ « ۇلى دالانىڭ جەتى قىرى» باعدارلاماسىنىڭ نەگىزگى ماقالالارىن جاناما تۇردە بەينەلەيتىن تۋىندىلار دا بار, دەيدى «مارتارت» ديرەكتورى مارتا كۋتاليەۆا.
بۇل تاقىرىپتىق كورمەگە 4 جاستان 14 جاسقا دەيىنگى بالالار قاتىستى. جاس سۋرەتشىلەردىڭ 80-نەن استام تۋىندىلارى ۇسىنىلدى.
يۋسۋپ شاحشاەۆ, اننا لاگاي, ەحمان كيم, دەۆيد يان, ۆالەنتينا كيم جانە باسقالار شىعارماشىلىق جاستاردىڭ وتە قابىلەتتى جانە مەيىرىمدى ەكەندەرىن اتاپ ءوتتى.
ماڭعىستاۋ وبلىسىنداعى اكىم اپپاراتىنىڭ «قوعامدىق كەلىسىم» كمم ديرەكتورى امانكۇل دجايلحانوۆا وسىنداي شىعارماشىلىق ءىس-شارالار جاستاردىڭ شىعارماشىلىق جوسپارلارىن جۇزەگە اسىرۋدىڭ بىردەن-ءبىر مەحانيزمى ەكەنىن ايتا كەلە,
- جاستار كەلەشەگىمىزدىڭ نەگىزى رەتىندە ءوز بىلىمىمەن, جاسامپاز ەڭبەگىمەن جانە كۇش-جىگەرىمەن ءوز بولاشاعىن قۇرۋدىڭ جاڭا مۇمكىندىكتەرىن الۋ قاجەت, - دەدى ول.
كارىس ەتنومادەني بىرلەستىگىنىڭ توراعاسى رايسا مادەنوۆا بارلىق قاتىسۋشىلارعا العىسىن ءبىلدىردى. سونىڭ ىشىندە, «مارتارت» ستۋدياسىنىڭ ديرەكتورى مارتا كۋتاليەۆانىڭ, جاسوسپىرىمدەردى دۇرىس تاربيەلەۋ جولىنداعى, ۇلكەن جەتىستىكتەرىن اتاپ ءوتتى.
«مارتارت» ستۋدياسىنىڭ ديرەكتورى, وسىنداي شىعارماشىلىق ءىس-شارانى ۇيىمداستىرعانى ءۇشىن ريزاشىلىق بەلگىسى رەتىندە «چوسونعا» ستۋديا شەبەرى سالعان سۋرەتتى تارتۋ ەتتى.
بارلىق قاتىسۋشىلار «چوسون» كارىس ەتنومادەني بىرلەستىگىنىڭ العىس حاتتارى مەن سىيلىقتارى بەرىلدى.
كونتسەرتتىك باعدارلامادا ماڭعىستاۋ وبلىسىنىڭ قحا ونەر شەبەرلەرىنىڭ ورىنداۋىندا دوستىق, بەيبىتشىلىك تۋرالى اندەر شىرقالدى.
تاقىرىپتىق كورمە قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ جاريالاعان «جاستار جىلى» اياسىندا, سونداي-اق 31 مامىردا ەلىمىزدە اتاپ وتىلەتىن ساياسي قۋعىن-سۇرگىن قۇرباندارىن ەسكە الۋ كۇنى قارساڭىندا ۇيىمداستىرىلدى.
ماڭعىستاۋ وبلىسى
