جالپى اۋماعى30 گەكتارجەردى الىپ جاتقان كۇن ەلەكتر ستانساسى 14 مۆت ەلەكتر قۋاتىن وندىرەتىن بولادى. جەكە جانە ەۋروپالىق دامۋ بانكىنەن 7 ملرد. تەڭگە قارالعان ستانسا ىسكە قوسىلعاندا 30 ادام تۇراقتى جۇمىسپەن قامتىلماق. سونداي-اق كۇنى كەشە پرەمەر-مينيستر اسقار ءماميننىڭ تۇركىستانعا جۇمىس ساپارى بارىسىندا ەنەرگەتيكا مينيسترلىگى, تۇركىستان وبلىسىنىڭ اكىمدىگى جانە «Kazakhstan CHN-KZ electric industrial park group» قىتاي كومپانياسى اراسىندا 225 ملن.$ سوماسىنا كەنتاۋ قالاسىندا قۋاتتىلىعى 200 مۆت بولاتىن «قوتىربۇلاق» جەل ەلەكتر ستانساسى مەن كۇن ەلەكتر ستانساسىن سالۋ جونىندەگى ءوزارا تۇسىنىستىك تۋرالى مەموراندۋمعا قول قويىلدى. تۇركىستان وبلىسىنىڭ اكىمدىگى مەن «KazPV LTD» جشس اراسىنداعى 100 ملن. دوللار سوماسىنا قۋاتتىلىعى 100 مۆت بولاتىن كۇن ەلەكتر ستانسالارىن سالۋ جونىندە جاسالعان مەموراندۋمنىڭ نەگىزىندە دە ەلىمىزدىڭ 2050 جىلعا قاراي تۇتىناتىن ەلەكتر ەنەرگياسىنىڭ 50 پايىزىن بالامالى قۋات كوزدەرىنەن الۋ ماقساتى جاتىر.
تۇركىستان وبلىسى
