ازاماتتاردىڭ سۇراقتارىنا دەپارتامەنت باسشىسى ق. تايمەردەنوۆ باستاعان دەپارتامەنت باسشىلىعى, سونداي-اق اكىمشىلىك پوليتسيا, جەرگىلىكتى پوليتسيا جانە كوشى-قون قىزمەتى, كادر ساياساتى قىزمەتكەرلەرى, "نۇر وتان" پارتياسى وكىلدەرى جاۋاپ بەردى.
ازاماتتار ءوتىنىش بىلدىرگەن نەگىزگى ماسەلەلەر - كولىكتى تىركەۋ, جۇرگىزۋشى كۋالىگىن اۋىستىرۋ, ازاماتتىق الۋ, قالا جولدارىنداعى تاڭبالاردى جاڭارتۋ جانە اكىمشىلىك ايىپپۇلداردى تولەۋ.
ءتيىستى باننەرلەرمەن بەلگىلەنگەن ارنايى جابدىقتالعان اۆتوبۋستارمەن جۇرگىزىلگەن اكتسياعا جەرگىلىكتى جانە رەسپۋبليكالىق باق وكىلدەرى قاتىستى. ءىس-شارا Facebook جانە Instagram الەۋمەتتىك جەلىلەرىنىڭ رەسمي پاراقشالارى ارقىلى تىكەلەي ەفيردە كورسەتىلدى. ازاماتتاردى قابىلداۋ وبلىستىڭ بارلىق اۋداندارى مەن قالالارىندا وتۋدە.
ەكىكۇندىك شاراعا 1000-نان استام ازامات كەلدى. سونىمەن قاتار 34 30 60 "قاۋىرت جەلى" جۇمىس ىستەدى.
سونداي-اق, شارا اياسىندا اقتاۋ قالاسى پوليتسيا باسقارماسىنىڭ ۋچاسكەلىك ينسپەكتورلارى 2 جانە 3 شاعىن اۋدانداردىڭ تۇرعىندارىمەن كەزدەسىپ, وتىنىشتەرىن تىڭداپ, ساۋالدارىنا جاۋاپ بەردى.
ماڭعىستاۋ وبلىسى
