شاراينا
جۇما, 4 قاڭتار 2013 7:15
اكتەرگە ازاماتتىق بەرەتىن بولدى
رەسەي پرەزيدەنتى ۆلاديمير پۋتين تانىمال اكتەر جەرار دەپاردەگە رەسەي ازاماتتىعىن بەرۋ تۋرالى جارلىققا قول قويدى. بۇل جونىندە كرەملدىڭ سايتىندا حابارلانعان.
سايتتا حابارلاعانىنداي, اكتەرگە ازاماتتىق ەل كونستيتۋتسياسىنىڭ 89-بابىنا سايكەس بەرىلىپ وتىر. وسى باپتا پرەزيدەنت «رەسەي فەدەراتسياسىنىڭ ازاماتتىعىن جانە ساياسي باسپانا بەرۋ ماسەلەلەرىن شەشەتىندىگى» كورسەتىلگەن. جەرار دەپاردە 2012 جىلعى جەلتوقساننىڭ باسىندا فرانتسيا پرەزيدەنتى فرانسۋا وللاندتىڭ اسا داۋلەتتى جەكە تۇلعالارعا سالىق كولەمىن 75 پايىزعا دەيىن كوتەرۋ تۋرالى جوسپارىمەن كەلىسپەي, فرانتسيادان بەلگياعا قونىس اۋدارعان ەدى. ۆلاديمير پۋتين 20 جەلتوقساندا وتكىزگەن ءباسپاسوز ءماسليحاتى كەزىندە دەپاردەگە رەسەي ازاماتتىعىن بەرۋگە دايىن ەكەندىگىن مالىمدەگەن بولاتىن.
جۇما, 4 قاڭتار 2013 7:15
اكتەرگە ازاماتتىق بەرەتىن بولدى
رەسەي پرەزيدەنتى ۆلاديمير پۋتين تانىمال اكتەر جەرار دەپاردەگە رەسەي ازاماتتىعىن بەرۋ تۋرالى جارلىققا قول قويدى. بۇل جونىندە كرەملدىڭ سايتىندا حابارلانعان.
سايتتا حابارلاعانىنداي, اكتەرگە ازاماتتىق ەل كونستيتۋتسياسىنىڭ 89-بابىنا سايكەس بەرىلىپ وتىر. وسى باپتا پرەزيدەنت «رەسەي فەدەراتسياسىنىڭ ازاماتتىعىن جانە ساياسي باسپانا بەرۋ ماسەلەلەرىن شەشەتىندىگى» كورسەتىلگەن. جەرار دەپاردە 2012 جىلعى جەلتوقساننىڭ باسىندا فرانتسيا پرەزيدەنتى فرانسۋا وللاندتىڭ اسا داۋلەتتى جەكە تۇلعالارعا سالىق كولەمىن 75 پايىزعا دەيىن كوتەرۋ تۋرالى جوسپارىمەن كەلىسپەي, فرانتسيادان بەلگياعا قونىس اۋدارعان ەدى. ۆلاديمير پۋتين 20 جەلتوقساندا وتكىزگەن ءباسپاسوز ءماسليحاتى كەزىندە دەپاردەگە رەسەي ازاماتتىعىن بەرۋگە دايىن ەكەندىگىن مالىمدەگەن بولاتىن.
وتستاۆكاداعى گەنەرال قاماۋعا الىندى
تۇركيا باس شتابىنىڭ بۇرىنعى باسشىسى, وتستاۆكاداعى ارميا گەنەرالى يسمايىل حاككي كارادايى قاماۋعا الىندى. تاراتىلعان اقپاراتتار بويىنشا, بۇعان ارميا گەنەرالىنىڭ 1997 جىلعى اسكەري توڭكەرىسكە قاتىسۋى سەبەپ بولعان.
يسمايىل كارادايى 1994-1998 جىلدار اراسىندا تۇركيانىڭ باس شتابىنا جەتەكشىلىك ەتكەن. 1997 جىلى ەلدىڭ اسكەري قولباسشىلىعى يسلامدىق ۇكىمەتكە باسشىلىق جاساعان ن.ەرباكاندى وتستاۆكاعا كەتۋگە ءماجبۇر ەتكەن. ال ەرباكان تۇركيانىڭ قازىرگى پرەمەر-ءمينيسترى رەجەپ تايىپ ەردوعاننىڭ ساياسي سەرىكتەسى بولىپ ەسەپتەلەتىن كورىنەدى. ايتا كەتەيىك, وتكەن جىلدىڭ ساۋىرىندە 1997 جىلى بيلىكتىڭ اۋىسۋى سەبەپتەرىن تەكسەرۋگە بايلانىستى ءتورت گەنەرال مەن ونداعان وفيتسەر تۇتقىنعا الىنعان ەدى.
اقش رىنوگىنا جاڭالىقتارمەن شىقپاق
رەيتەر اقپاراتتار اگەنتتىگىنىڭ حابارلاۋىنشا, كاتارلىق «ءال-جازيرا» جاڭالىقتار تەلەكومپانياسى امەريكالىق Current TV كابەلدى ارناسىن ساتىپ الۋ تۋرالى ۋاعدالاستىققا قول جەتكىزگەن.
اگەنتتىكتىڭ اقپاراتىنا قاراعاندا, ءمامىلە جاساۋ جاعدايى قازىرگە قۇپيا تۇردە ساقتالىپ وتىر. كەيبىر دەرەكتەر بويىنشا, «ءال-جازيرا» اتالعان تەلەارنا اياسىندا جاڭا جاڭالىقتار ارناسىن اشپاق. وسى ارقىلى ولار اقش رىنوگىنا شىعۋدى جوسپارلاپ وتىرعان كورىنەدى.
مەملەكەتتىك دەپارتامەنتكە تاپسىرما بەرىلدى
اقش-تىڭ مەملەكەتتىك دەپارتامەنتىنە امەريكالىق ازاماتتارعا سولتۇستىك كورەيادان جەتىم بالالاردى اسىراپ الۋعا مۇمكىندىك بەرەتىن ءىس-قيمىل ستراتەگياسىن دايىنداۋعا تاپسىرما بەرىلدى.
جەرگىلىكتى باسىلىمداردىڭ جازۋىنشا, بۇعان رەسپۋبليكاشىلدار پارتياسىنان سايلانعان كونگرەسسمەن يلەانا روس-لەيتينەن باستاماشى بولعان. بۇل ءۇشىن مەملەكەتتىك دەپارتامەنت قىزمەتكەرلەرى امەريكالىق وتباسىلاردىڭ سولتۇستىك كورەيادان بالالار اسىراپ الۋىنا كەدەرگى كەلتىرەتىن ديپلوماتيالىق جانە تورەشىلدىك «كەدەرگىلەرگە» ءتيىستى باعا بەرۋلەرى قاجەت. سودان كەيىن ديپلوماتتار سول «كەدەرگىلەردى» الۋ جولدارى كورسەتىلگەن ماسەلەلەردى كونگرەسكە ۇسىنۋلارى ءتيىس.
بىرەۋگە – سۋدان, بىرەۋگە – وتتان… دەگەندەي
يرلانديالىق الپينيست كليماندجارو شىڭىن باعىندىرۋ كەزىندە نايزاعاي سوعىپ, وپات بولدى. اقپارات اگەنتتىكتەرىنىڭ حابارلاۋىنشا, 42 جاستاعى يەن ماككيۆەردىڭ ءولىمىن يرلانديا سىرتقى ىستەر مينيسترلىگى ءمالىم ەتكەن.
افريكاداعى ەڭ بيىك شىڭدى باعىندىرۋدا ماككيۆەرمەن بىرگە بولعان الپينيستەر توبىنىڭ مۇشەلەرى دە جاي تۇسۋدەن زارداپ شەككەن. جاقسىسى, ولاردىڭ ومىرىنە قاۋىپ ءتونىپ تۇرعان جوق. ماككيۆەردىڭ ەكسپەديتسياسى يرلانديادان تانزانياعا 28 جەلتوقساندا اتتانعان. ال الپينيستەر شىڭدى باعىندىرۋدى 30 جەلتوقساندا باستاعان ەكەن.
زورلىقشىل جازاسىن الادى
وڭتۇستىك كورەيا سوتى جاسوسپىرىمدەردى زورلاعانى ءۇشىن ءبىر ازاماتتى حيميالىق جولمەن تارتتىرىپ جىبەرۋ جازاسىنا كەستى. ەلدە بۇل جازا پەدوفيلدەردى حيميالىق جولمەن اتەك ەتۋگە بايلانىستى زاڭ كۇشىنە ەنگەننەن كەيىن قولدانىلىپ وتىر.
«رەنحاپ» اگەنتتىگىنىڭ كەشە تاراتقان اقپاراتتارى بويىنشا, سوت قىلمىسكەرگە 15 جىل تۇرمەدە وتىرۋ جازاسىن تاعايىنداعان. وعان حيميالىق پرەپارات بوستاندىققا شىعۋىنا از مەرزىم قالعاندا ەگىلە باستايدى. پرەپاراتتى ول ءۇش جىل بويى قولدانۋعا مىندەتتى. پەدوفيل 2011 جىلدىڭ قاراشاسى مەن 2012 جىلدىڭ مامىرى ارالىعىندا بەس جاسوسپىرىمگە زورلىق كورسەتكەن. بۇل ەلدە اتالعان زاڭ 2011 جىلدىڭ شىلدەسىندە قابىلدانعان ەكەن.
قىسقا قايىرىپ ايتقاندا:
ۋكراينانىڭ ەكس-پرەمەرى يۋليا تيموشەنكوعا رادياتسيالىق ساۋلە مولشەرىن ولشەۋ ءۇشىن قاجەتتى قۇرىلعىنى قولدانۋعا رۇقسات ەتىلدى.
تاجىكستاننىڭ سوعدى وبلىسىندا شەكارا اسكەرلەرىنىڭ وفيتسەرى يحتيەر نەكااداموۆ اسا ءىرى كولەمدەگى ەسىرتكىمەن ۇستالدى. ودان 22,7 كيلو ەسىرتكى الىندى.
ليۆيا مەن فرانتسيا اراسىنداعى مامىلەگە دەلدالدىق جاساعان زياد تاكيەددين م.كاددافي رەجىمى ن.ساركوزيدىڭ سايلاۋالدى ناۋقانىن قارجىلاندىردى دەگەن ماسەلەنىڭ دۇرىستىعىن مويىندادى.
رەسەيلىك ەكى تۋريست ايەلدى زورلادى جانە تونادى دەگەن كۇدىكپەن تايلاندتىڭ ءۇش ازاماتى تۇتقىندالدى.
ينتەرنەت ماتەريالدارى نەگىزىندە ازىرلەندى.
