ايماقتار • 16 مامىر، 2019

ەلىمىزگە كوپفۋنكتسيونالدى اۆانترون ەمدىك اپپاراتى اكەلىندى

812 رەتكورسەتىلدى

ب.و.جاربوسىنوۆ اتىنداعى ۋرولوگيا عىلىمي ورتالىعىنا كوپفۋنكتسيونالدى بىرەگەي ەكستراكورپورالدى ماگنيتتىك شيرىقتىرۋ (ەمش) جامباس بۇلشىقەتتەرىنە ارنالعان اپپارات – اۆانترون اكەلىندى. ەندى ول جامباس بۇلشىقەتتەرىن ەمدەۋ ءۇشىن عىلىمي ورتالىق پاتسيەنتتەرىنە قولجەتىمدى.

بۇل جۇيە پاتسيەنتتەر ءۇشىن وتە قولايلى، ويتكەنى  تەراپيا بارىسىندا ارنايى مەديتسينالىق قۇرالداردى (پلاستىر، گەل، كونتاكت، زوند) قاجەت ەتپەيدى. العاش رەت ەكستراكورپورالدى ماگنيتتىك شيرىقتىرۋ اپپاراتى اقش-تا پايدا بولعان. قازىرگى تاڭدا الەمنىڭ 47 مەملەكەتى بۇل اپپاراتتى قولدانىسقا ەنگىزدى. ەلىمىز بويىنشا بۇل اپپارات تەك ب.و جاربوسىنوۆ اتىنداعى ۋرولوگيا عىلىمي ورتالىعىندا عانا بار.   3 ميلليوننان استام ناۋقاس بۇل اپپاراتتىڭ جوعارى  تيىمدىلىگىمەن قوسا قاۋىپسىز ءارى اۋىرسىنۋسىز جۇزەگە اساتىنىنا  ەمنىڭ ناتيجەسىندە كوز جەتكىزدى.

اتالمىش قۇرىلعى ەر ادامداردىڭ  سوزىلمالى جامباس اۋرۋى، ۋاقىتتان بۇرىنعى ەياكۋلياتسيا، ەرەكتيلدى ديسفۋنكتسيا (بەلسىزدىك)، جالپى پروستاتەكتوميا وپەراتسياسىنان كەيىنگى وڭالتۋ جاعدايلارىندا قولدانىلادى.

ال ايەل ادامداردا ءزار ۇستالماۋى، جىنىستىق ديسفۋنكتسيا، انورگازميا، گينەكولوگيالىق دەرتتەردە (سوزىلمالى ەندومەتريت، جاتىرىشىلىك سينەحيالار، جۇكتىلىك كەزىندەگى قيىندىقتار، جاتىردىڭ گيپوپلازياسى،  ءساتسىز ەكۇ (ەكو)، وپەراتسيادان كەيىنگى جامباس استاۋىنداعى سپايكالىق اسقىنۋلار كەزىندە كوپ كومەگىن تيگىزەدى.

«ەلەكتروماگنيتتى يمپۋلستار جامباس بۇلشىقەتتەرىنىڭ كەزەكتى تارتىلۋى مەن بوساڭسۋىنا، سونداي-اق توقىشەك، قۋىق، جاتىر، قۋىقاستى بەزىنە تىكەلەي اسەر ەتەدى. ناتيجەسىندە قان اينالىم جاقسارىپ، ىركىلىستىڭ جويىلۋى مەن بۇلشىقەتتىڭ جاتتىعۋىنا سەپتىگىن تيگىزەدى. ەمدىك شارا 20-30 مينۋتتاي بولادى»، -  دەيدى ب.و جاربوسىنوۆ اتىنداعى ۋرولوگيا عىلىمي ورتالىعى باسشىسىنىڭ  كلينيكالىق ىستەر بويىنشا ورىنباسارى شارافاددين ازيزوۆ.

ۋرولوگيا عىلىمي ورتالىعىنىڭ ۋرولوگ-دارىگەرى دوسجان سليامقۇلوۆ اۆانترون اپپاراتىنىڭ بالالارعا دا پايداسى زور ەكەنىن ايتادى. دارىگەردىڭ سوزىنشە، بالالاردىڭ وزدىگىنەن وتىرا الاتىن 3-4 جاسىنان باستاپ ءىش قاتۋ، ءزار ۇستالماۋى (ەنۋرەز)، ۇلكەن دارەتتىڭ ۇستالماۋى (ەنكوپرەز) سەكىلدى ءتۇرلى جامباس  اۋرۋلارى كەزىندە  اۆانترون تاپتىرماس قۇرال.

الماتى

سوڭعى جاڭالىقتار

كۇلكى (تريپتيح)

ادەبيەت • بۇگىن، 10:30

تامىرلاستىق تامىرشىسى

رۋحانيات • بۇگىن، 07:39

مەملەكەت اشقان تۇلعا

تانىم • بۇگىن، 06:44

بۋراباي باۋرايىنداعى عاجايىپتار

رۋحانيات • بۇگىن، 06:36

سوعىلماعان سوڭعى قوڭىراۋ

ءبىلىم • بۇگىن، 06:31

ۇقساس جاڭالىقتار