رۋحانيات • 16 مامىر، 2019

ەفيردە – قامقورلىق جوباسى

724 رەتكورسەتىلدى

ورتالىق كوممۋنيكاسيالار قىزمەتىندە كوپ بالالى وتبا­سى­لارعا كومەك كورسەتۋگە ارنالعان «اناشىم، ءبىز ۇيدەمىز» اتتى الەۋمەتتىك جوبانىڭ تۇساۋكەسەرى ءوتتى. اقپارات جانە قوعامدىق دامۋ مينيسترلىگىنىڭ قولداۋىمەن «31 ارنا» ارقىلى جۇزەگە اساتىن تەلەجوبادا كوپ بالالى 24 شاڭىراقتىڭ ءۇيى تۇبەگەيلى جوندەۋدەن وتەدى.

قولى قىسقا كوپ بالالى وتباسىلار ءۇشىن باسپاناسىن جوندەۋ وڭاي شارۋا ەمەس. كورپەسىنە قاراي كوسىلۋدى ءجون سانايتىن وسى وتباسىلاردى قۋانتۋ ماقساتىندا جۇزەگە اسقالى وتىرعان جوباعا مەملەكەتتەن 130 ملن تەڭگە قارجى بولىنگەن. بۇعان «31 ارنانىڭ» دا قوسار ۇلەسى بار. ؛

«الەۋمەتتىك از قامتىلعان وتباسىلاردى دەمەۋ – ەلدەگى باستى باعىتتاردىڭ ءبىرى. ماسەلەن، جىل سايىن كوپ بالالى وتباسى­لاردى قولداۋ ماقساتىندا كوپتەگەن مەملەكەتتىك باعدارلامالار جۇ­زەگە اسىرىلادى. بيىل اتاۋلى الەۋمەتتىك كومەكپەن قاتار، 40 مىڭ جالدامالى پاتەر قۇرى­لى­سىنا قاتىستى جاڭا ءىس-شارالار قولعا الىندى. اقپارات جانە قوعامدىق دامۋ مينيسترلىگى دە كوپ بالالى وتباسىلارعا بايلانىستى باستامالاردى قولداۋعا ءاردايىم دايىن. جاڭا جوبا اياسىندا كوپ بالالى وتباسىلاردىڭ پاتەرلەرى مەن ۇيلەرى تولىق جاڭارتىلادى. جوبادا بارلىق ءوڭىر قام­تى­لادى. لوگيستيكا سياقتى قيىن­دىق­تارعا قارامايمىز. ەڭ باستى ماق­ساتىمىز – مۇقتاج وتباسىلارعا كومەكتەسۋ. باسپانانى جوندەۋ كەزىندە پاتەر جالدانىپ، وتباسى سوندا ۋاقىتشا تۇرادى. تەلەۆيزيالىق جوبا بولعان سوڭ ۇزاق ءتۇسىرىلۋى مۇمكىن. جوبا باسىندا ءۇي قانداي بولدى، سوڭىندا قانداي بولادى دەگەن سۇراق كورەرمەنگە قىزىق بولۋى ءتيىس»، دەدى اقپارات جانە قوعامدىق دامۋ ءمينيسترى داۋرەن اباەۆ.

جوباعا كولەمى 55 شارشى مەتر شاماسىنداعى جەكە تۇرعىن ۇيلەرى بار كوپ بالالى وتباسىلار عانا قاتىسا الادى. بۇل ءۇشىن ساۋالناما پاراعىن تولتىرىپ، تۇرعىن ءۇيدىڭ فوتوسۋرەتتەرىن ۇسىنۋ قاجەت. وتىنىشتەر 15 مامىردان باستاپ dom@31.kz ەلەكتروندى پوشتاسى ارقىلى قابىلدانادى. «31 ارنانىڭ» كوميسسيا مۇشەلەرى ءوتىنىش بىلدىرگەن وتباسىلاردىڭ الەۋمەتتىك جاعدايىمەن تانىسىپ، تولىق ماعلۇمات العان سوڭ عانا كومەك كورسەتۋگە شەشىم شىعارادى. تەلەباعدارلاما 11 تامىزدان باستاپ كورەرمەنگە جول تارتپاق. ؛

«كوپ بالالى وتباسىنىڭ كۇندەلىكتى تۇرمىسىندا وزەكتى ماسەلەلەر جەتەرلىك. ولاردىڭ كوبى باسپانا ماسەلەسىنە قاتىستى. بۇل جوبا ولاردىڭ ۇيلەرىندەگى ينتەرەردى جاڭارتىپ قانا قويماي، شاڭىراقتارىنا شاتتىق سىيلايدى دەپ سەنەمىز. ءاربىر سەريا – جەكە شىعارىلىم، وندا ءبۇتىن ءبىر وتباسىنىڭ جەكە تاريحى قامتىلادى. جىل سوڭىنا دەيىن جوباعا 24 وتباسى قاتىسادى. قايىرىمدى باعدارلامانىڭ جالعاساتىنىنا سەنەمىن»، دەدى «31 ارنانىڭ» باس ديرەكتورى يۋريي برودسكيي.

مايگۇل سۇلتان،

«Egemen Qazaqstan»

باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

«جوعالمايسىڭ، جوقتاۋشى حالقىڭ باردا...»

رۋحانيات • 20 قىركۇيەك، 2019

ايماقتىڭ ەكسپورتتىق مۇمكىندىگى ارتۋدا

ايماقتار • 20 قىركۇيەك، 2019

ۇقساس جاڭالىقتار