ايماقتار • 16 مامىر، 2019

زاۋىت جۇمىسشىلارى جالاقىلارىن داۋلاپ، تولەنۋىن تالاپ ەتتى

667 رەتكورسەتىلدى

«زيكستو» اق كاسىپورنىنىڭ جۇمىسشىلارى قۇقىق قورعاۋ ورگاندارىنا ارىزدانىپ، جالاقىنىڭ كەشىكتىرىلىپ جاتقانىن اشىنا جەتكىزگەن.

ماسەلەگە پروكۋراتۋرا، ەڭبەك ينسپەكتسياسى ارالاسىپ،  ەڭبەكاقى قارىزى 95 ميلليون، ەلەكتر ەنەرگياسى ءۇشىن  40 ميلليون تەڭگە بولعانىن انىقتاعان. ونىڭ باستى سەبەبى رەسەيدەن ساتىپ الىناتىن قوسالقى بولشەكتەر باعاسىنىڭ تىم قىمباتتاۋىنا بايلانىستى ەكىتاراپتىق  كەلىسىمشارتتى ۇزۋگە تۋرا كەلگەن.

زاۋىت ديرەكتورى رەنات شامسۋددينوۆ، پروكۋراتۋرا وكىلدەرى ماسەلەنىڭ  ماۋسىم ايىنا دەيىن شەشىلىپ، احۋالدىڭ تۇراقتاناتىنىنا ۋادە بەردى.

«كاسىپورىن  جۇك ۆاگوندارىن شىعارۋمەن اينالىسادى. بىلتىر ەشقانداي كىدىرىس بولعان جوق. بيىل جىل باسىنان بەرى ءوندىرىس تسەحتارى توقتاپ تۇر.  باسشىلىق تۇراقتى جۇمىسپەن قامتاماسىز ەتۋدىڭ ورنىنا سىنىققا سىلتاۋ ىزدەگىلەرى كەلەدى. شىدامنىڭ دا شەگى بار ەمەس پە؟ بالا-شاعامىزدى اسىراپ، كرەديت تولەۋىمىز كەرەك»، دەيدى ىنتالى توپتىڭ مۇشەلەرى.

ايماق باسشىسى قۇمار اقساقالوۆ الەۋمەتتىك جەلىدەگى facebook پاراقشاسىندا كاسىپورىنعا قاتىستى ء وز پىكىرىن ءبىلدىردى.

«زيكستو» زاۋىتىندا ەڭبەكاقى بويىنشا قارىز ۆاگون قۇراستىرۋ ءۇشىن قاجەت بولشەكتەردىڭ دۇرىس جەتكىزىلمەۋىنەن تۋىنداپ وتىر. قازىر بالاما جولدارىن ىزدەستىرىپ جاتىرمىز. ءبىز زاۋىت جۇمىسشىلارى قۇقىعىنىڭ بۇزىلۋىنا جول بەرمەيمىز. جۇمىس بەرۋشى ءوز قىزمەتكەرلەرى الدىنداعى بارلىق مىندەتتەرىن ورىندايتىن بولادى. زاۋىت باسشىلىعى جاقىن ارادا قارىزدى جابۋعا ۋادە ەتتى. جاعدايدى ء وز باقىلاۋىمدا ۇستايمىن»، دەلىنگەن الەۋمەتتىك جەلىدەگى پاراقشاسىندا.

سوڭعى جاڭالىقتار

ۇقساس جاڭالىقتار