ەكونوميكا • 15 مامىر، 2019

«Cامۇرىق–قازىنا» مەن «اتامەكەن» بيىل وتاندىق وندىرۋشىلەرمەن 10 وففتەيك-كەلىسىم جاسايدى

714 رەتكورسەتىلدى

«سامۇرىق–قازىنا» اق مەن «اتامەكەن» ۇلتتىق كاسىپكەرلەر پالاتاسى وتاندىق كاسىپكەرلىكتى بىرلەسىپ دامىتۋ تۋرالى كەلىسىمگە قول قويدى. قول قويۋ راسىمىنە قوردىڭ باسقارما توراعاسى احمەتجان ەسىموۆ پەن «اتامەكەن» ۇكپ پرەزيديۋمىنىڭ توراعاسى تيمۋر ق ۇلىباەۆ قاتىستى.

كەلىسىم-شارت وندىرىستىك كاسىپورىندارعا قور كومپانيالارىمەن ۇزاق-مەرزىمدى كەلىسىم-شارت جاساۋعا، بيزنەستىڭ دامۋىن قامتاماسىز ەتىپ، وتاندىق وندىرۋشىلەردى قولداۋ ماقساتىمەن ءتيىمدى شەشىمدەردى قابىلداۋعا باعىتتالعان.

«وتاندىق تاۋار وندىرۋشىلەردى قولداۋ – «سامۇرىق-قازىنا» اق ساتىپ الۋ جۇيەسىن دامىتۋداعى نەگىزگى ماقساتتاردىڭ ءبىرى. قازاقستاندىق تاۋار وندىرۋشىلەردىڭ دامۋىنىڭ ارقاسىندا قوردىڭ كومپانيالارى ساپالى تاۋاردى ءتيىمدى باعامەن ساتىپ الۋدا، سونىڭ ارقاسىندا ساتىپ الۋعا بولىنگەن قاراجات ايتارلىقتاي ۇنەمدەلۋدە»،- دەدى احمەتجان ەسىموۆ.

كەلىسىم-شارت شەڭبەرىندە جاڭا وندىرىستەردى قولداۋعا باعىتتالعان كەم دەگەندە 10 وففتەيك-كەلىسىم جاساۋ جوسپارلانعان. ەكى تاراپ تا ءوندىرىستى جاڭعىرتۋعا باعىتتالعان ۇزاقمەرزىمدى كەلىسىمدەر جاساۋ مەحانيزمىنىڭ تيىمدىلىگىنە سەنىمدى. جاڭا قۇرالداردىڭ ءبىرى – «اتامەكەن» پالاتاسى قۇراتىن «ساتىپ الۋدىڭ بىرىڭعاي تەرەزەسى». اتالعان قۇرال بيزنەسكە نارىقتىڭ اۋقىمىن شامالاۋعا مۇمكىندىك بەرەدى، ساتىپ الۋ ءۇردىسىنىڭ جاريالىعىن ارتتىرىپ، تاۋەكەلدەردى كەمىتەدى. ا. ەسىموۆ بيىلعى جىلى حولدينگارالىق ساتىپ الۋلاردى تاعى 30%-عا كەمىتۋ جوسپارلانعانىن اتاپ ءوتتى.

«كاسىپكەرلەرگە ايتارىم: قازىرگى جانە ۇسىنىلىپ وتىرعان قولداۋ شارالارى ادال بيزنەسكە ارنالعان. كاسىپكەرلەر ءوز كەزەگىندە جەرگىلىكتى ءوندىرىستى مودەرنيزاتسيالاۋ جانە تسيفرلاندىرۋ بويىنشا ۇسىنىستارىن ەنگىزۋى كەرەك. كەلىسىمدە قاراستارىلعان باستامالاردىڭ ىسكە اسۋى وتاندىق ونەركاسىپتەردىڭ جاڭا تەحنولوگيالاردى يگەرىپ، قوسىمشا قۇنى جوعارى تاۋارلاردى ءوندىرىپ، كورشى نارىقتارعا شىعۋىنا جاعداي تۋدىراتىنىنا سەنىمدىمىن»،- دەپ اتاپ ءوتتى تيمۋر ق ۇلىباەۆ.

كەلىسىم شەڭبەرىندە وتاندىق بيزنەستى قولداۋعا باعىتتالعان بىرقاتار شارا جوسپارلانعان. بيىلعى جىلى قور، «اتامەكەن» جانە سالالىق قاۋىمداستىقتاردىڭ قاتىسۋىمەن يمپورتتىڭ ورنىن الماستىرۋ ماقساتىمەن «قاراپايىم زاتتار ەكونوميكاسىنىڭ» (جەڭىل ونەركاسىپ، جيھاز قۇراستىرۋ، ازىق-ت ۇلىك ونەركاسىبى، قۇرىلىس ماتەريالدارىن شىعارۋ، ماشينا قۇراستىرۋ) ونىمدەرىن ارتتىرۋعا باعىتتالعان جوبا كەڭسەسى اشىلادى. كەڭسە ساراپتاماسىنا سۇيەنە وتىرىپ، «اتامەكەن» پالاتاسى يمپورتتىڭ ورنىن الماستىرۋ پوتەنتسيالىن انىقتاپ، قازاقستاندىق وندىرۋشىلەردى قولداۋ جانە دامىتۋدىڭ ناقتى ستراتەگياسىن قۇراستىرادى. «اتامەكەن» پالاتاسى يندۋستريالدى سەرتيفيكات ەنگىزۋ شەڭبەرىندە وتاندىق وندىرۋشىلەر شىعاراتىن تاۋارلاردىڭ تۇگەل قامتىلۋىن قامتاماسىز ەتەدى. اتالعان سەرتيفيكاتتارى بار وندىرۋشىلەر الدىن-الا كۆاليفيكاتسيالىق ىرىكتەۋدەن وتكەندە قوسىمشا 20% بالل الادى.  

بيىلعى جىلدىڭ باسىندا قور مەن «اتامەكەن» ۇكپ «كابەلدىك-وتكىزگىش ءونىم» جانە «ارنايى اياق كيىم» كاتەگوريالارى بويىنشا ساتىپ الۋ ستراتەگيالارىن بەكىتتى. بۇل ستراتەگيالار بويىنشا قوردىڭ ساتىپ الۋلارىنداعى ۇنەمدەۋ 439 ملن تەڭگە بولادى دەپ كۇتىلۋدە. سونىمەن قاتار، ەكىجاقتى ىنتىماقتاستىقتىڭ ارقاسىندا جوعارعى ۆولتتى ترانسفورماتورلار وندىرەتىن «ازيا-تراففو» زاۋىتى  بۇرىن قىتاي، رەسەي مەن ۋكراينادان ساتىپ الىنعان قۇرىلعىلاردى وندىرە باستادى. بۇل جوبالار ىشكى ينۆەستيتسيالاردى ارتىرىپ، 200-دەن استام جۇمىس ورنىن قۇرۋعا جاعداي تۋعىزدى.

ەسكە سالا كەتسەك، بۇعان دەيىن «قوردىڭ تاۋار، ەڭبەك جانە قىزمەت ساتىپ الۋ ەرەجەلەرىنە» قور ىشىندەگى ساتىپ الۋ ۇلەسىن ازايتۋعا باعىتتالعان وزگەرىستەر ەنگىزىلگەن. وسىلايشا، اشىق تەندەر ارقىلى ساتىپ الىناتىن ءونىم كولەمى 387 ملرد تەڭگەدەن شامامەن 1 ترلن تەڭگەگە دەيىن جەتتى. 2018 جىلى قور ىشىندەگى ساتىپ الۋلار بارلىق ساتىپ الۋلاردىڭ 90%، نەمەسە 3 ترلن تەڭگەنى قۇراعان بولاتىن.

2018 جىلدىڭ قورىتىندىسى بويىنشا، ساتىپ الۋداعى ۇنەمدەۋ 121 ملرد تەڭگەنى قۇرادى. حولدينگارالىق ساتىپ الۋلاردىڭ كولەمى 4500 تاۋار پوزيتسياسىنان 409 پوزيتسياعا دەيىن قىسقاردى، ياعني قۇنى 309 ملرد تەڭگە بولاتىن ساتىپ الۋلار باسەكەلى ورتاعا بەرىلدى. جاڭا ءتاسىل 22 ملرد تەڭگەنى ۇنەمدەۋگە مۇمكىندىك بەردى. سونىمەن قاتار، 8000 كاسىپكەرلىك سۋبەكت قوسىمشا تاپسىرىس الدى. بيىل جاڭا تاسىلدەردىڭ ارقاسىندا ۇنەمدەۋ كولەمىن 146 ملرد تەڭگەگە دەيىن جەتكىزۋ جوسپارلانىپ وتىر.

سوڭعى جاڭالىقتار

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

ۇقساس جاڭالىقتار