سايلاۋ • 15 مامىر، 2019

قىزىلوردا وبلىسىندا قوعامدىق قابىلداۋ بولمەسى اشىلدى

673 رەتكورسەتىلدى

قازاقستان پرەزيدەنتتىگىنە ۇمىتكەر قاسىم-جومارت كەمەل ۇلى توقاەۆتىڭ قىزىلوردا وبلىسىنداعى شتابىندا قوعامدىق قابىلداۋ بولمەسى اشىلدى.

كانديداتتىڭ كابىلداۋ بولمەسىنىڭ اشىلۋىنا وبلىستىق شتاب باسشىسى، Nur Otan پارتياسى قىزىلوردا وبلىستىق فيليالى توراعاسىنىڭ ءبىرىنشى ورىنباسارى اقمارال ءالنازاروۆا باستاعان ءبىر توپ قوعام قايراتكەرلەرى مەن پارتيا اردەگەرلەرى،كانديداتتىڭ سەنىمدى وكىلدەرى، جەرگىلىكتى تۇرعىندار قاتىستى.

العاشقى ءسوزدى قازاقستان پرەزيدەنتتىگىنە ۇمىتكەر قاسىم-جومارت توقاەۆتىڭ قوعامدىق قابىلداۋ بولمەسىنە جەتەكشىلىك ەتۋشى، پارتيا اردەگەرى ماقسۇت باەەكەەۆ الىپ، كانديداتتىڭ «قوعامدىق قابىلداۋ بولمەسى بارشا جۇرت ءۇشىن اشىق ەكەندىگىن ايتتى. ودان اركىم ءوزىن تولعاندىرعان ماسەلەلەرگە، ۇسىنىستارعا، تالاپ-تىلەكتەرىن ايتىپ، تولىمدى جاۋاپ الۋعا مۇمكىندىكتەرى بار ەكەندىگىن جەتكىزدى.

جالپى، قازاقستان پرەزيدەنتتىگىنە ۇمىتكەر قاسىم-جومارت كەمەل ۇلى توقاەۆتىڭ قىزىلوردا وبلىسى بويىنشا 10 قوعامدىق شتابى جانە ولاردا ارنايى قوعامدىق قابىلداۋ بولمەلەرى جۇمىس ىستەيدى.

سوڭعى جاڭالىقتار

ۇقساس جاڭالىقتار