سۋرەتتەردى تۇسىرگەن: ولگا ۆارەنيوۆا
اشىق ەسىك كۇنى ارقىلى ستۋدەنتتەر كاسىپورىنداردا سۇرانىسقا يە بوس ورىندارعا نازار اۋدارادى. كەز كەلگەن ستۋدەنت زاۋىتتاعى وندىرىستىك جۇمىس بارىسىن كورىپ, ماماندارعا سۇراقتار قويا الادى.
جەرگىلىكتى كاسىپورىن وكىلدەرى وندىرىستىك قىزمەتتىڭ ەرەكشەلىكتەرىن, ەۋرازيالىق توپتىڭ جەتىستىكتەرى مەن جوسپارلارىن تانىستىرىپ, وندىرىستىك الاڭدارعا ەكسكۋرسيالىق تانىستىرۋ وتكىزدى.
– اشىق ەسىك كۇنى ستۋدەنتتەرگە ءوندىرىستىڭ بارلىق ەرەكشەلىكتەرىن تۇسىنۋگە كومەكتەسەدى, تاڭداعان ماماندىعىن تەرەڭىرەك تانۋعا مۇمكىندىك بەرەدى, – دەدى ەۋرازيالىق توپتىڭ باسقارما توراعاسىنىڭ الەۋمەتتىك ماسەلەلەر جونىندەگى ورىنباسارى يننا گۋبارەۆا.
ال كاسىپورىندار, ءوز كەزەگىندە, ءوز ماسەلەسىن شەشەدى: ءىس-شارانىڭ ءاربىر قاتىسۋشىسى – كومپانيانىڭ بولاشاقتاعى الەۋەتتى قىزمەتكەرى, بىلىكتى مامانى دەگەن ءسوز.
اشىق ەسىك كۇنى شاراسى وندىرىستە ەڭبەك ەتكىسى كەلەتىن, تەحنيكالىق ماماندىقتا وقىپ, ءبىلىم الىپ جۇرگەن جاستاردى جۇمىسقا شاقىرۋعا كومەكتەسەدى.
ۋنيۆەرسيتەتتىڭ «ەلەكتروتەحنيكا جانە اۆتوماتتاندىرۋ» كافەدراسىنىڭ اعا وقىتۋشىسى يۋليا پوپوۆەتستىڭ سوزىنشە, كاسىپورىندارعا ەكسكۋرسيالار ۇيىمداستىرۋ–جوعارى وقۋ ورىندارىنىڭ تۇلەكتەرىن جۇمىسقا تارتۋدىڭ ءتيىمدى جولى.
– بىزگە كاسىپورىنداردىڭ وكىلدەرى ءجيى كەلىپ, وندىرىستىك تاقىرىپتارعا ساي تانىستىرىلىمدار جاسايدى. ال ءدال وسىلاي ەكسكۋرسياعا شاقىرىپ, ستۋدەنتتەردىڭ وندىرىسپەن تانىستىرۋ – ءارى قىزىقتى, ءارى قاجەت. ستۋدەنتتەرگە بۇل وتە پايدالى دەر ەدىم.
- اشىق ەسىك كۇنى شاراسى بارىسىندا ماماندىعىمدى دۇرىس تاڭداعانىما كوز جەتكىزدىم. مەن «سەرپىن» باعدارلاماسىمەن تاراز قالاسىنان كەلدىم. مەكتەپتە وقىپ جۇرگەندە پاۆلودار اليۋميني زاۋىتى جايلى ەستىپ-بىلگەن ەدىم. ەندى, مىنە سول زاۋىتتى كوردىم. العان اسەرىم شەكسىز. الداعى ۋاقىتتا, تاجىريبە جيناقتاپ ءبىلىمىمدى شىڭداعىم كەلەدى, – دەيدى ءتۇستى مەتاللۋرگيا كوللەدجنىڭ ستۋدەنتى ارمان تاسۋل.
قازىر كومپانيا كاسىپورىندارى ورنالاسقان وڭىرلەردەگى ۋنيۆەرسيتەت پەن كوللەدجدەردە ERG كۇندەرى وتۋدە. ماقسات-ستۋدەنت جاستاردى وندىرىستىك تەحنيكالىق ماماندىقتارعا تارتۋعا باعىتتالعان.
سونىمەن قاتار, ستۋدەنتتەر اراسىندا بيزنەس-كەيستەردى شەشۋ ءۇشىن كونكۋرس باستالدى.
مامىر ايىندا ينتەللەكتۋالدىق جارىستاردىڭ جەڭىمپازدارى نۇر-سۇلتان قالاسىندا وتەتىن عىلىمي-تەحنيكالىق كونفەرەنتسياعا شاقىرىلادى.
