جيىرماعا جۋىق ەلدەن سپورتشىلار قاتىسقان ءدۇبىرلى باسەكەدە تۇركىستان وبلىسىنىڭ سپورتشىلارى 2 التىن جانە 2 كۇمىس مەدالعا قول جەتكىزدى. سونداي-اق تايلاندتا وتكەن بوكستان ەرەسەكتەر اراسىنداعى ازيا چەمپيوناتىندا تۇركىستاندىق بەك نۇرماعانبەت جەڭىمپاز اتاندى.
بۇل ءوڭىر سپورتشىلارىنىڭ سوڭعى ايلارداعى عانا جەتىستىگى. ەل ابىرويىن اسقاقتاتىپ جۇرگەن سپورتشىلار مەن باپكەرلەر تۇركىستان وبلىسىنىڭ اكىمى ومىرزاق شوكەەۆپەن كەزدەستى. ولاردىڭ قاتارىندا بوكستان قر ەڭبەگى سىڭگەن جاتتىقتىرۋشى مىرزاعالي ايتجانوۆ, توعىزقۇمالاقتان قر ەڭبەگى سىڭگەن جاتتىقتىرۋشى كاميلا كوپباەۆا, بوكستان قر حالىقارالىق دارەجەدەگى سپورت شەبەرى, ازيا چەمپيونى بەك نۇرماعانبەت, توعىزقۇمالاقتان قر ەڭبەگى سىڭگەن سپورت شەبەرى اسەل داليەۆا, توعىزقۇمالاقتان قر حالىقارالىق دارەجەدەگى سپورت شەبەرى, الەم چەمپيونى لينا كاريموۆا جانە توعىزقۇمالاقتان سپورت شەبەرى, الەم چەمپيوناتىنىڭ كۇمىس جۇلدەگەرى سايات جانداربەك بار. وبلىس اكىمى ەلىمىزدىڭ ابىرويىن اسقاقتاتقان سپورتشىلار مەن بىلىكتى جاتتىقتىرۋشىلارعا قۇرمەت كورسەتىپ, سىي-سياپات جاسادى. ءوز كەزەگىندە سپورتشىلار ءوڭىر باسشىسىنا ريزاشىلىقتارىن ءبىلدىرىپ, الداعى بايراقتى باسەكەلەردە جەڭىستى جولدى جالعاستىرۋعا كۇش سالاتىندارىن جەتكىزدى.
تۇركىستان وبلىسى
