مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» كينوستۋدياسى تۇسىرگەن ءفيلمنىڭ كورسەتىلىمىنە قورعانىس ءمينيسترى نۇرلان ەرمەكباەۆ, مادەنيەت جانە سپورت مينيسترى ارىستانبەك مۇحامەدي ۇلى, پارلامەنت دەپۋتاتتارى مەن قوعام قايراتكەرلەرى, اۋعان سوعىسىنىڭ ارداگەرلەرى قاتىستى.
ەل ىشىندە «قارا مايور» اتانىپ كەتكەن تۇلعا جايىنداعى تولىقمەترلى دەرەكتى تۋىندىنىڭ ستسەناري اۆتورى جانە تەڭ رەجيسسەرى – اسەت ەرنازاروۆ پەن عازيز ناسىروۆ.
رەجيسسەرلەردىڭ ايتۋىنشا, اتالعان تۋىندىنى ءتۇسىرۋ بارىسىندا نەگىزىنەن ارحيۆ ماتەريالدارى مەن سوعىس ارداگەرلەرىنىڭ ەستەلىكتەرىنە باسىمدىق بەرىلىپتى. «ويتكەنى اۋعان سوعىسىنىڭ ارداگەرلەرى ءالى دە ارامىزدا ءجۇر. سول سەبەپتى دە فاكتىلەر مەن وقيعالاردى سويلەتۋدە بارىنشا دالدىك پەن دايەكتىلىككە نازار اۋداردىق» دەپ اتاپ ءوتتى رەجيسسەر اسەت ەرنازاروۆ.
كورسەتىلىم سوڭىندا اۋعان سوعىسىنىڭ ارداگەرلەرى ءفيلمدى تۇسىرگەن شىعارماشىلىق توپقا ءوز ريزاشىلىعى مەن العىس سەزىمدەرىن ءبىلدىرىپ, كوماندير بوريس كەرىمباەۆ پەن اۋعانستانداعى قىزمەتتەرى جايلى تۇشىمدى ەستەلىكتەرىمەن ءبولىستى. وسكەلەڭ ۇرپاققا باتاسىن بەرىپ, وتانىمىزدا ماڭگىلىك تىنىشتىق پەن بەيبىت ءومىردىڭ ورناۋىن تىلەدى. وسىلايشا, فيلم پرەمەراسىنا جينالعان اۋعان سوعىسى ارداگەرلەرى مەن اسكەري قىزمەتكەرلەر, جالپى كورەرمەن زالدان ريزا بولىپ تارقاستى.
