ايماقتار • 14 مامىر، 2019

اقجايىقتاعى اۋقىمدى مىندەتتەر

829 رەتكورسەتىلدى

قاسىم-جومارت توقاەۆ باتىس قازاقستان وبلىسىنا جۇمىس ساپارى اياسىندا وڭىردەگى ءبىرقاتار نىساندى ارالاپ، وبلىس جۇرتشىلىعىمەن كەزدەستى.

ەڭ اۋەلى مەملەكەت باسشىسى ورال حالىقارالىق اۋەجايىن قايتا جوندەۋ جۇمىستارىنىڭ جوسپارىمەن تانىس­تى. 1979 جىلى ىسكە قوسىلىپ، بۇگىندە توزىعى جەتكەن ورال قالاسىنىڭ حالىقارالىق اۋەجايىنا قايتا جوندەۋ جانە كەڭەيتۋ جۇمىستارى بيىل شىلدە ايىندا باستالادى. جوسپار بويىنشا 2020 جىلدىڭ سوڭىندا اياقتالۋى ءتيىس قۇرىلىستىڭ ناتيجەسىندە تەرمينال كولەمى 4 مىڭنان 7 مىڭ شارشى مەتر­گە دەيىن كەڭەيەدى. قازىرگى ۋاقىتتا تەرمينالدىڭ وتكىزۋ قابىلەتى ساعاتىنا 200 جولاۋشى بولسا، جوندەۋدەن كەيىن 400-گە دەيىن جەتەتىن بولادى. ءقازىر جىلىنا 160 مىڭ جولاۋشىعا قىزمەت كورسەتىلسە، بولاشاقتا اۋەجاي 350 مىڭ جولاۋشىنى قابىلداپ-شىعارىپ سالۋعا مۇمكىندىك الادى.

قازاقستان پرەزيدەنتى اۋەجاي تەرمينالىن قايتا جوندەۋ باتىس قازاقستان وبلىسىندا جايلى ين­ۆەس­تيسيالىق احۋال قالىپتاستىرۋدىڭ العى­شارتى ەكەنىنە توقتالدى. «ورال – ەۋروپاعا شىعاتىن باستى قاقپامىز. شەتەل ينۆەستيسياسىنا تارتىمدى بولۋ ءۇشىن مۇنداي جوبانى ساپالى ءارى ۋاقتىلى ورىنداۋ كەرەك»، – دەدى ق.توقاەۆ. ورال حالىقارالىق اۋە­جايىن قايتا جوندەۋ جۇمىستارىنا بيز­نەس­تىڭ الەۋمەتتىك جاۋاپكەرشىلىگى اياسىندا «قاراشىعاناق پەتروليۋم وپەرەي­تينگ» كومپانياسى 2،4 ميلليارد تەڭگە بو­لگەن.

بۇدان كەيىن مەملەكەت باسشىسى ورال قالاسىندا بيىل اشىلعان «Uniserv medical center» كوپسالالى مەديسينا ورتالىعىن ارالاپ كوردى. زاماناۋي قۇرالدارمەن جابدىقتالعان دەنساۋلىق ساقتاۋ مەكەمەسى الدىن الا زەرتتەلىپ، سۇرانىسقا ساي بەيىمدەلىپ سالىنعان. بۇرىن وبلىس تۇرعىندارى ەمدەلۋ ءۇشىن كورشى ەلدىڭ قالالارىنا كوپتەپ باراتىن. ەندى جەرگىلىكتى حالىق وسى ورتالىقتان-اق ساپالى مەديسينالىق كومەك الىپ وتىر. جەكە ينۆەستيسيا ەسەبىنەن سالىنعان مەديسينا مەكەمەسى كوز جانە ءتىس اۋرۋلارى بويىنشا كونسۋلتاسيالىق-دياگنوستيكالىق قىزمەت كورسەتەدى.

قازاقستان پرەزيدەنتى ورتالىقتى ءوز قارجىسىنا سالىپ، ماماندارىن وڭتۇستىك كورەيادا، رەسەيدە وقىتقان ينۆەستورعا ريزاشىلىعىن ءبىلدىرىپ، مەديسينا قىزمەتكەرلەرىنىڭ جۇمىسىنا ساتتىلىك تىلەدى.

مەملەكەت باسشىسى يندۋستريالىق-يننوۆاسيالىق دامۋ مەملەكەتتىك باعدارلاماسى اياسىندا ىسكە قوسىلعان ورال ترانسفورماتور زاۋىتىنىڭ دا جۇمىسىمەن تانىستى. ءوندىرىس وشاعى جىلىنا 10 مىڭ دانا ترانسفورماتور شىعارۋعا قاۋقارلى. 200-گە جۋىق ادامدى جۇمىسپەن قامتىپ وتىرعان ءوندىرىس ورنى جەرگىلىكتى وقۋ ورىندارىمەن ىنتىماقتاسا جۇمىس ىستەپ كەلەدى. تەحنيكالىق ماماندىقتار بويىنشا دۋالدى وقىتۋ نەگىزىندە ءبىلىم الاتىن ستۋدەنتتەر زاۋىتپەن تىعىز بايلانىس جاسايدى.

سونىمەن قاتار مەملەكەت باسشىسىنا وڭىردەگى جيھاز، ازىق-تۇلىك، قۇرىلىس جانە جەڭىل ونەركاسىپ ورىندارىنىڭ جۇمىستارى تانىستىرىلدى. «قاراپايىم زاتتار ەكونوميكاسى» باعدارلاماسىنا كاسىپ­كەرلەردى تارتۋ ارقىلى ەكونوميكانى ءار­تاراپتاندىرۋ جۇمىستارىن جالعاستىرۋ كەرەك. بۇل ماسەلە بويىنشا ۇكىمەت بەل­سەن­دى جۇمىس ىستەۋدە. جەر­گىلىكتى اكىمدىك تە وسى باعدارلاما ارقىلى وندىرىستەردى ۇل­عايتۋدى ويلاستىرۋى قاجەت»، دەدى قاسىم-جومارت كەمەلۇلى.

بۇدان كەيىن قازاقستان پرەزيدەنتى ورال اقپاراتتىق تەحنولوگيالار كوللەد­جىنىڭ وقىتۋشىلارىمەن جانە ستۋدەنت­تەرىمەن كەزدەستى. مەملەكەت باسشىسى سيفرلاندىرۋ باعىتىندا ءبىلىم بەرۋگە باسىمدىق بەرەتىن كوللەدجدىڭ جوبالارىمەن تانىستى. ەلىمىزدە العاش رەت عي­ماراتتاردىڭ ءپىشىنىن ءۇش ولشەمدى 3D مودەلدەۋ ادىسىمەن جوبالاي الاتىن كەشەن وسى اقپاراتتىق تەحنولوگيالار كوللەدجىندە ىسكە اسىرىلعان. ماماندار بۇل تەحنولوگيامەن جۇمىس ىستەۋ ءۇشىن 3 اي فينليانديادا وقىپ قايتتى.

سونىمەن قاتار مەملەكەت باسشىسىنا STEM ءبىلىم بەرۋ باعدارلاماسى تانىستىرىلدى. قازىرگى كەزدە ساپالى ءبىلىم بەرۋ جانە قاجەتتى ماماندىقتار بويىنشا وقىتۋ اسا ماڭىزدى. كوللەدجدەردە ءبىلىم بەرۋدىڭ جاڭا مازمۇنىن ەنگىزۋ جۇمىستارىن العاشقىلاردىڭ ءبىرى بولىپ سىزدەردىڭ وڭىرلەرىڭىزدىڭ باستاعانى قۋانتتى»، دەدى ق.توقاەۆ. مەملەكەت باس­شى­سىنا وڭىردە سيفرلاندىرۋ باعدارلا­ماسى اياسىندا قولعا الىنعان «اشىق اكىمدىك»، «SmartUralsk»، «IkomekUralsk» جو­بالارى تانىستىرىلدى. كەزدەسۋدەن كەيىن پرەزيدەنت كوللەدج ستۋدەنتتەرىمەن اڭگى­مەلەسىپ، ءبىلىم سالاسىن قولداۋ ءىسى جالعاسا بەرەتىنىن اتاپ ءوتتى.

ال ورال قالاسىنداعى وقۋشىلار سارايىندا وتكەن جيىنعا زيالى قاۋىم، ارداگەرلەر مەن كاسىپوداق ۇيىمدارى جانە جاستار وكىلدەرى، ءماسليحات دەپۋتاتتارى، مەملەكەتتىك قىزمەتشىلەر مەن جۋرناليس­تەر قاتىستى. مەملەكەت باسشىسى ءسوزىنىڭ باسىندا اقجايىق وڭىرىنەن شىققان ايتۋلى تۇلعالاردى اتاپ ءوتىپ، ءوڭىردىڭ ەلىمىزدى وركەندەتۋگە قوسقان ۇلەسى مەن دامۋ ەرەكشەلىكتەرىنە توقتالدى. ؛

«قازاقستاننىڭ دامۋىنا وڭ ىقپالىن تيگىزەتىن ماڭىزدى ولكەگە ەرەكشە كوڭىل بولىنەدى. وبلىستىڭ گەوگرافيالىق جاع­دايى، تابيعي بايلىعى مەن وندىرىستىك بازاسى ءوڭىردىڭ وركەندەۋىنە قولايلى. بۇگىندە اقجايىق ايماعى ءبىراز سالا بويىنشا ەلەۋلى جەتىستىكتەرگە قول جەتكىزىپ وتىر»، دەدى قاسىم-جومارت كەمەلۇلى.

قازاقستان پرەزيدەنتى ءوز سوزىندە ەل ۇكى­مەتىنە جانە ءوڭىر باسشىسىنا جۇكتە­لەتىن ناقتى مىندەتتەردى سانامالاپ ايتتى. ونىڭ ەڭ ءبىرىنشىسى – ءوڭىردىڭ ەكونو­ميكالىق الەۋ­ەتىن ارتتىرۋ، ينۆەستيسيا تارتۋ. «ين­ۆەس­تيسياسىز الەمنىڭ ەشبىر ەلى دامي المايدى. ۇكىمەت بۇل سالادا وبلىسقا قولداۋ كورسەتۋى كەرەك. سون­دىقتان وبلىس اكىمىنە ورال قالا­سىندا يندۋستريالىق ايماق قۇرۋ ءىسىن جەدەلدەتۋدى تاپسىرامىن»، دەدى مەملەكەت باسشىسى. ؛

پرەزيدەنت تاپسىرعان ەكىنشى مىندەت – اگروونەركاسىپ كەشەنىن دامىتۋ. «وڭىر­دە بۇل سالانى دامىتۋدىڭ جاقسى العى­شارت­تارى بار. وبلىس ەت ونىمدەرىنىڭ حالىق­ارالىق نارىعىنا شىقتى. قوي ەتىن ەۋ­روپا ەكونوميكالىق وداعى ەلدەرى مەن يرانعا ەكسپورتتاۋ 3،5 ەسە، سيىر ەتىن شەتكە شىعارۋ 21%-عا ءوستى. ءبىراق بۇل سا­لادا كەدەرگىلەر دە كەزدەسىپ وتىر. وبلىس اۋىل شارۋاشىلىعىنداعى ەڭبەك ونىم­دىلىگى جونىنەن ەلىمىزدە 15-ورىندا. ءوڭىر ەكو­نوميكاسىندا سوڭعى جىلدارى اۋىل شارۋا­شىلىعىنىڭ ۇلەسى ازايىپ كەتتى. بۇعان وڭىردەگى قۋاڭشىلىق اسەر ەتكەنى راس، دەگەنمەن، اۋىل شارۋاشىلىعى سەكتورىنىڭ الەۋەتىن ءوسىرۋ كەرەك. مۇندا ەتتى باعىتتاعى مال شارۋاشىلىعىن دامىتۋدىڭ بولاشاعى بار. سوندىقتان اكىمگە ۇكىمەتپەن بىرلەسە وتىرىپ اۋىل شارۋاشىلىعى سالاسىن دامىتۋ جونىندە كەشەندى جۇمىستاردى قولعا الۋدى تاپسىرامىن. اسىرەسە اگروسەكتورداعى جەردى دۇرىس پايدالانۋ، اۋىل شارۋاشىلىعى تاۋار­­لارىن ءوندىرۋشى كاسىپكەرلەردى قولداۋ، سالاعا زاماناۋي وزىق تەحنولوگيانى ەندىرۋ قاجەت. وسىنىڭ ءبارىن ءبىز تاياۋ­دا­عى 5 جىلدا اتقارۋعا مىندەتتىمىز»، دەدى پرە­زيدەنت. ؛

ق.توقاەۆ تاپسىرعان ءۇشىنشى مىندەت – كاسىپ­كەرلىكتى تابىستى ەتۋ. «ازىرگە وبلىس اۋداندارىندا كاسىپكەرلىكتىڭ دامۋى بىركەلكى ەمەس. وبلىستا شاعىن جانە ورتا بيزنەس وندىرگەن تاۋارلاردىڭ 90%-ى جانە ەڭبەكپەن قامتىلعان ادامداردىڭ 80%-ى ورال قالاسى مەن ءبورلى اۋدانىنا عانا تيەسىلى. نەگە وزگە اۋدان باسشىلارى شاعىن كاسىپكەرلىكتىڭ دامۋى ءۇشىن جۇمىس ىستەمەيدى؟ ول ءوڭىر تۇرعىندارى مەملەكەت تاراپىنان شاعىن جانە ورتا بيزنەستى قولداۋعا ارنالعان باعدارلامالار تۋرالى حاباردار ما؟ مىنە، وسى سۇراقتاردىڭ جاۋابىن ءبىز تەز تابۋىمىز كەرەك»، دەدى مەملەكەت باسشىسى. ؛

اكىمدىكتەردىڭ كاسىپكەرلىكتى دامىتۋ ىسىنە جۇرتشىلىقتى كەڭىنەن تارتىپ، ادامداردى كاسىپكەرلىكتىڭ قىر-سىرىنا وقىتىپ، شاعىن نەسيەلەندىرۋ باعدارلامالارىن ءتۇسىندىرۋى كەرەكتىگىنە دە باسا نازار اۋداردى. جاڭا كاسىپورىندارعا ءۇشجىلدىق سالىق جانە ينۆەستيسيا نەسيەلەرى بەرىلەدى. «مونوپوليانىڭ جولىن قاتاڭ كەسەمىز، تاريفتەردىڭ ورىنسىز وسۋىنە جول بەرمەيمىز. وتاندىق تاۋار وندىرۋشىلەردىڭ تاسىمال شىعىندارىن سۋبسيديالاۋعا كوشەمىز. مىنە، وسىلاردى اتقارعاندا عانا ءبىز حالىقتىڭ تابىسىن ارتتىرىپ، الەۋمەتتىك تۇرمىسىن جاق­سارتا الامىز»، دەدى ق.توقاەۆ. ؛

تورتىنشى مىندەت – تۇرعىن ءۇي مەن ەكولوگيالىق تازالىقتىڭ قولجەتىمدىلىگى. وڭىردە تۇرعىن ءۇي قۇرىلىسى جەدەل ءجۇرىپ جاتىر. اپاتتى جانە كونە ۇيلەردىڭ ورنىنا جاڭا ءۇي قۇرىلىسى قولعا الىنعان. جىل سايىن 432 مىڭ شارشى مەتر تۇرعىن ءۇي الاڭى پايدالانۋعا بەرىلەدى. وڭىردە 200-دەي وتباسى «7-20-25» باعدارلاماسى بويىنشا باسپانالى بولعان. «شەتەلدىك ينۆەستيسيا ەسەبىنەن ەكى بىردەي الىس اۋداننىڭ ورتالىعىنا دەنە شىنىقتىرۋ جانە ساۋىقتىرۋ كەشەنىن سالۋ جۇمىستارى باستالدى. بۇل – وتە جاقسى كورسەتكىش. اكىمدىككە جاستار جىلى اياسىندا بارلىق اۋداندى وسىنداي دەنە شىنىقتىرۋ كەشەن­دەرىمەن قامتاماسىز ەتۋدى تاپسىرامىن»، دەگەن ق.توقاەۆتىڭ ءسوزىن با­تىس­­قا­زاقستاندىق جاستار قول شاپالاقتاپ قابىل الدى.

پرەزيدەنتتىڭ ايتۋىنشا، وڭىردە تۇر­عىن ءۇي ساياساتىن ءالى دە جەدەلدەتىپ، قول­جەتىمدى پاتەر قۇرىلىسى مەن ونى ءبولۋ ءىسىن قاتاڭ باقىلاۋ قاجەت. بۇل جەردە ازاماتتىق قوعامنىڭ قاداعالاۋىن قام­تا­ماسىز ەتۋ كەرەك. ەڭ الدىمەن از قامتىل­عان، سونىڭ ىشىندە كوپ بالالى وتباسىلار­دى پاتەرمەن قامتۋ قاجەت. «قۇرىلىس سالاسىنا ينۆەستيسيا تارتۋ، سونىڭ ىشىندە شەتەلدىك كومپانيالاردى تارتۋ قاجەت، بۇل باعىتتا تاجىريبەلەرىڭىز بار»، دەدى ق.توقاەۆ.

پرەزيدەنت ءوز سوزىندە اقجايىق ءوڭىرى تۇر­عىندارىن ەرەكشە مازالايتىن جول جانە اۋىز سۋ ماسەلەسىنە توقتالدى. ء«بىزدىڭ ەلىمىز ءۇشىن وتە ماڭىزدى ءبىر ماسەلە بار، ول – اۋىل تۇرعىندارىنىڭ تازا سۋعا قول جەتكىزە الماۋى. باتىس قازاقستان وبلى­سىنداعى اۋىلدىق ەلدى مەكەندەردىڭ 45%-ى عانا ورتالىقتاندىرىلعان اۋىز سۋ­مەن قام­تىلعان. سوندىقتان اكىمدىك پەن ۇكى­مەتكە 2020 جىلعا قاراي بۇل كورسەتكىشتى 80%-عا جەتكىزۋدى تاپسىرامىن»، دەدى پرەزيدەنت. ؛

مەملەكەت باسشىسى جۇكتەگەن بەسىن­شى مىندەت – وڭىردە ءبىرىنشى كلاستى ين­فراقۇرىلىم قۇرۋ ماسەلەسى بولدى. اسى­رەسە وبلىستا جولداردىڭ 70%-ى قانا­عاتتانعىسىز كۇيدە. «بۇل – دابىل قاعاتىن ماسەلە. ويتكەنى ساپاسىز جول حالىقتىڭ كۇندەلىكتى تۇرمىسىن تومەندەتىپ قانا قويماي، ءوڭىردىڭ ەكسپورتى مەن كولىك تاسىمالى كورسەتكىشتەرىنە دە كەرى اسەر ەتەدى. ءقازىر ورىنبور باعىتىنا جانە ءوڭىردىڭ قازتالوۆ، جانىبەك جانە بوكەي ورداسى اۋداندارىنا جول سالىنىپ جاتىر. پرەزيدەنت ۇكىمەتكە وسى جولدىڭ قۇرىلىسىن 2021 جىلدىڭ سوڭىنا دەيىن اياقتاۋدى تاپسىردى. «بۇدان بولەك، وڭىردە ەلەكتر جەلىلەرى دە توزعان، بىلتىر وڭىردە ەلەكتر جەلىسىنەن اقاۋ شىققان 180 وقيعا تىركەلدى. تازا سۋى، جولى، ەلەكتر جەلىسى دامىماعان وڭىرگە ينۆەستيسيا كەلە مە، مۇنداي جەردە جاڭا جۇمىس ورنىن اشۋ مۇمكىن بە؟ ارينە، مۇمكىن ەمەس!» – دەدى ق.توقاەۆ. ؛

قازاقستان پرەزيدەنتى ءتيىمدى مەملە­كەت­تىك باسقارۋ – ەل الدىنداعى اسا ماڭىزدى مىندەتتەردىڭ ءبىرى ەكەندىگىن باسا ايتتى. «اكىمدىك ءتيىمدى باسقارۋ تەحنولوگيالارىن ەندىرۋ كەرەك. مەنىڭ ۇستانىمىم – مەملەكەتتىك باعدارلامالاردى جۇزەگە اسىرۋ جانە بيۋدجەت قارجىسىن جۇمساۋ ماسەلەسىندە جاۋاپكەرشىلىكتى ارتتىرۋ. حالىق قازىناسىنا قول سالۋ، ونىڭ دۇرىس جۇمسالۋىنا سالعىرت قاراۋ سەكىلدى قىلمىستار قاتاڭ جازالاناتىن بولادى. مەن وسىعان ۋادە بەرەمىن. حالىق قارجىسىن ۇرلاۋعا، تالان-تاراج ەتۋگە ەشكىمگە جول بەرىلمەيدى! ءبىز مەملەكەتتىك ساتىپ الۋ ىسىندە ءتارتىپ ورناتۋىمىز كەرەك. بۇل سالاداعى سىبايلاستىق شەكتەن شىعىپ بارادى. ءتىپتى ۇلتتىق قاۋىپسىزدىگىمىزگە نۇقسان كەلۋدە. سوندىقتان ءبىز سىبايلاس جەمقورلىققا، سونىڭ ىشىندە مەملەكەتتىك ساتىپ الۋ سالاسىنداعى قىلمىسپەن كۇرەسكە نازار اۋدارىپ، ناقتى ىستەردى قولعا الامىز. ءقازىردىڭ وزىندە ناقتى جوسپارىمىز دا بار»، دەدى ق.توقاەۆ. ؛

«بىز ءقازىر قوعامنىڭ وسال توپتارىنا الەۋمەتتىك كومەك ماسەلەسىنە ەرەكشە كوڭىل ءبولىپ جاتىرمىز. ءوڭىر بيۋدجەتىنىڭ جارتىسىنان استامى الەۋمەتتىك سالاعا جۇمسالادى. بيۋدجەت قارجىسى قاتاڭ باقىلانىپ، ءار تەڭگە ءوز يەسىن تابۋى ءتيىس. ءوڭىر باسشىلىعى بۇل ىسكە ازاماتتىق سەكتوردى تارتۋى ءتيىس. بارلىق دەڭگەيدەگى اكىمدەر حالىقپەن كەدەرگىسىز قارىم-قاتىناس جاساۋى كەرەك»، دەدى پرەزيدەنت. ؛
جەتىنشى مىندەت – جاستاردى جان-جاقتى قولداۋ ماسەلەسى دە پرەزيدەنت بايانداماسىنان تىس قالمادى. «جاستار – دامۋدىڭ نەگىزگى قوزعاۋشى كۇشى. ولاردى جۇمىسپەن قامتۋ، ءوز قابىلەتىن اشۋىنا جاعداي جاساۋ مەملەكەتتىڭ ەرەكشە نازارىندا بولادى. ءبىز جاقىندا ۆولونتەرلەر فورۋمىن ۇيىمداستىرامىز. بۇل – وتە ماڭىزدى، الەۋمەتتىك قاجەتتى شارا. جاستاردىڭ باستامالارىنا دەمەۋ كورسەتۋ، ولارعا ارنالعان مەملەكەتتىك الەۋمەتتىك ليفت جۇمىسىنىڭ اشىق ءارى ءادىل بولۋى قامتاماسىز ەتىلەدى. وسى ورايدا ەلىمىزدىڭ ءار وڭىرىنەن بايقاۋ ارقىلى 300 جاس ماماندى ىرىكتەپ الىپ، پرەزيدەنتتىك رەزەرۆ جاسايمىز. ولار بولاشاقتا ەلىمىزدىڭ باسقارۋ ەليتاسىنا اينالادى دەگەن ۇمىتتەمىز. بۇل جۇمىس ونىمەن توقتامايدى، جاستاردى بارلىق وڭىردە جاپپاي جاۋاپتى قىزمەتتەرگە تارتامىز، ولاردىڭ ءوز بويىنداعى الەۋەتىن تو­لىق كورسەتۋىنە جاعداي جاسايمىز. ءبىز مەم­لەكەت تۇتقاسىن ۇستاپ قالاتىن جاس بۋىن­دى تاربيەلەۋىمىز كەرەك»، دەدى ق.توقاەۆ.

پرەزيدەنت اقجايىق جۇرتشىلىعىمەن كەزدەسۋىندە سويلەگەن ءسوزىنىڭ ءتۇيىنىن بيلىكتىڭ حالىق الدىنداعى جاۋاپكەرشىلىگى ماسەلەسىنە ارنادى. «مەن پرەزيدەنت رەتىندە وڭىرلەردە جەرگىلىكتى ءوزىن-وزى باسقارۋ جۇيەسىن دامىتۋدى قولدايمىن. بىزگە مەملەكەتتىك شەشىم قابىلداۋ ىسىنە ازاماتتاردىڭ بەلسەندى قاتىسقانى جانە باقىلاعانى كەرەك. شەنەۋنىكتەردىڭ داڭعوي-داراقىلىعى قاتاڭ جازالاناتىن بولادى. جالپى العاندا، بىزگە جاڭا جۇمىس ستيلىنە كوشۋ كەرەك. قايتالاپ ايتامىن، شەنەۋنىك ءوزىن قاراپايىم ۇستاۋى ءتيىس. جاڭا باسشى ءوز ءىسىن كابينەتىن جوندەۋدەن باستايتىن ورىنسىز ءىستى توقتاتامىز. ۇكىمەتكە مەملەكەت، بيزنەس جانە ۇكىمەتتىك ەمەس ۇيىمدار اراسىندا جاۋاپكەرشىلىكتى ءبولىسۋ ءۇشىن 2025 جىلعا دەيىن ازاماتتىق قوعامدى دامىتۋ تۇجىرىمداماسىن جاساۋدى تاپسىرامىن. بەلسەندى، ەل ىسىنە بەيجاي قاراي المايتىن ازاماتتار مەملەكەتتىڭ نەگىزگى تىرەگى بولۋى ءتيىس. ادەتتە كەمشىلىكتى ەڭ الدىمەن ازاماتتىق قوعام كورەدى، سولار دابىل قاعادى. بيلىك ول ادامداردى ەستۋى ءتيىس»، دەدى ق.توقاەۆ. ؛

ايتا كەتەيىك، مەملەكەت باسشىسىنىڭ ءسوزىن اقجايىق ءوڭىرىنىڭ جۇرتشىلىعى ەرەكشە ىقىلاسپەن قابىل الدى. مۇنى پرەزيدەنت بايانداماسىنان كەيىن ءسوز العان اقىن، مەملەكەتتىك سىيلىقتىڭ لاۋرەاتى اقۇشتاپ باقتىگەرەەۆانىڭ، ايگىلى كەمە جاساۋشى «زەنيت» زاۋىتىنىڭ باسشىسى ۆياچەسلاۆ ۆاليەۆتىڭ، بوكەي ورداسى اۋدانىنىڭ تۇرعىنى، قاراپايىم زەينەتكەر حايروللا سابىروۆتىڭ، «بايتەرەك» مۇگەدەك بالالار قاۋىمداستىعىنىڭ باسشىسى مەرۋەرت سانكاەۆا مەن «07 Life» جاستار قوزعالىسىنىڭ جەتەكشىسى جانبولات ساپارعاليدىڭ لەبىزدەرىنەن انىق بايقادىق. ؛

جيىن سوڭىندا قازاقستان پرەزيدەنتى ەلىمىزدىڭ الەۋمەتتىك-ەكونوميكالىق جا­نە مادەني دامۋىنا قوسقان ۇلەسى ءۇشىن «سترويكومبينات» جاۋاپكەرشىلىگى شەك­­تەۋلى سەرىكتەستىگىنىڭ ديرەكتورى باقىت­­جان نۇرباەۆتى، «اۆتوكومبينات» جاۋاپ­­كەر­­شىلىگى شەكتەۋلى سەرىكتەستىگىنىڭ ديرەك­­تورى ۆالەريي گولوۋحوۆتى، باتىس قازاق­­ستان وبلىستىق پەريناتالدىق ورتا­لىعىنىڭ باس دارىگەرى نيكولاي دميت­ريەنكونى جانە سىرىم اۋدانى جىمپيتى اۋىلىنداعى ق.مىرزاليەۆ اتىنداعى ور­تا مەكتەپتىڭ تاريح ءپانىنىڭ ءمۇعالىمى گۇلدانا نۇعمانوۆانى العىس حاتتارمەن ماراپاتتادى.

باتىس قازاقستان وبلىسى


باننەر
سوڭعى جاڭالىقتار

ۇقساس جاڭالىقتار