ەكونوميكالىق تەرگەۋ دەپارتامەنتىنىڭ قىزمەتكەرلەرى سالىقتان جالتارعان كاسىپكەرلەرگە جالعان شوت-فاكتۋرالار بەرىپ كەلگەن ۇيىمداسقان قىلمىستىق توپتى اشكەرەلەگەن بولاتىن.
«جەدەل-ىزدەستىرۋ شارالارى ارقاسىندا ۇيىمداسقان قىلمىستىق توپ بىلتىر ماۋسىم ايىندا قۇرىقتالىپ, كەلىسىمدەردىڭ جالعاندىعى ناقتى فاكتىلەرمەن دالەلدەندى. تەرگەۋ امالدارى بارىسىندا مەملەكەت قازىناسىنا 2 ميلليارد تەڭگەدەن استام شىعىن كەلگەنى انىقتالدى. ولاردىڭ زاڭسىز قىزمەتىنە 300-دەن استام بيزنەس وكىلدەرى جۇگىنگەن», دەيدى ەكونوميكالىق تەرگەۋ دەپارتامەنتىنىڭ باستىعى نۇرىمجان اباتوۆ.
ونىڭ ايتۋىنشا, قازىرگى ۋاقىتتا 25 ميلليون تەڭگە بيۋدجەتكە قايتارىلعان. ال 206 تومنان تۇراتىن قىلمىستىق ءىس سوتقا جىبەرىلىپ, قىلمىسكەرلەر ءتيىستى جازاسىن الاتىن بولادى.
