ەلىمىزدە باستاۋ العان BIRGE جالپىۇلتتىق اكتسياسى اياسىندا ەل حالقىنىڭ ۇسىنىستارى مەن تىلەكتەرى كانديداتتىڭ سەنىمدى وكىلدەرى ارقىلى جينالاتىن بولادى. «بۇل اكتسيا قازاقستاننىڭ ودان ءارى تابىستى دامۋىنا, ەلباسى – قازاقستان رەسپۋبليكاسىنىڭ تۇڭعىش پرەزيدەنتى, Nur Otan پارتياسىنىڭ توراعاسى نۇرسۇلتان نازارباەۆتىڭ ستراتەگيالىق باعىتىنىڭ ساباقتاستىعى اياسىندا اتقارىلادى», دەدى ۇلاسبەك سادىبەك ۇلى.
اكتسيا اياسىندا سەنىمدى وكىلدەر سايلاۋشىلاردىڭ ۇسىنىستارى مەن تىلەكتەرىن كانديداتتىڭ ءتيىستى وبلىستاعى, اۋدانداعى, قالاداعى قوعامدىق قابىلداۋ بولمەسى ارقىلى, موبيلدىك ۇگىت توپتارىنىڭ جۇمىستارى كەزىندە قابىلدايدى. سونداي-اق «ەسىكتەن ەسىككە» اكتسياسى اياسىندا جانە سايلاۋشىلارمەن كەزدەسۋلەردە پارتيا بەلسەندىلەرى مەن كانديداتتىڭ سەنىمدى وكىلدەرى ارقىلى ارنايى پاراقشالاردا جينالاتىن بولادى. شتاب توراعاسىنىڭ ايتۋىنشا, ءاربىر ۇسىنىس, تىلەك تالدانىپ, قازاقستان رەسپۋبليكاسىنىڭ پرەزيدەنتتىگىنە Nur Otan پارتياسىنىڭ اتىنان ۇسىنىلعان كانديدات قاسىم-جومارت كەمەل ۇلى توقاەۆتىڭ سايلاۋالدى باعدارلاماسىنداعى باسىمدىقتاردى جۇزەگە اسىرۋ جولىندا ەسكەرىلەتىن بولادى. اكتسيا 13 مامىر مەن 7 ماۋسىم ارالىعىندا وتكىزىلمەك.
جيىن سوڭىندا ۇلاسبەك سادىبەك ۇلى تۇركىستان وبلىسىنىڭ تۇرعىندارىن BIRGE جالپىۇلتتىق اكتسياسىنا بەلسەندى تۇردە قاتىسۋعا شاقىردى. ال بەلسەندى جاستار حالىق كوپ شوعىرلانعان ورىنداردا تۇرعىنداردىڭ ۇسىنىس-تىلەكتەرىن جينادى.
