سۋرەتتى تۇسىرگەن جەڭىس ىسقاباي
بوز كىلەمدە قارسىلاستارىن شاڭ قاپتىرىپ, ءا دەگەننەن جارىستىڭ شيرەك فينالىنا شىققان ەرنار قابدولداەۆ, جانىبەك دۇيسەمباەۆ, مۇحيت قويشىمان, نۇرسۇلتان امانجولوۆتار سياقتى بالۋاندار اقتىق سىندا «جەتىسۋ ءبورىسى» اتانۋ ءۇشىن ايانباي بەلدەستى. بەلدەسۋدىڭ ءون بويىندا قارسىلاس شىداتپاعان ەكى بالۋان ەرنار قابدولداەۆ پەن جانىبەك دۇيسەمباەۆ مارە باسىندا جولىقتى. «كۇش اتاسىن تانىماس» دەگەندەي, بۇل بەلدەسۋدە ەرناردىڭ ءباسى ارتىق ءتۇسىپ, جەڭىسكە جەتتى.
«جەتىسۋ ءبورىسى» اتانعان ەرنار قابدولداەۆ ءتۋرنيردىڭ باس جۇلدەسى – اۆتوكولىكتى ۇتىپ, ەندى «قازاقستان بارىسى» جارىسىندا ايماقتىڭ نامىسىن قورعاماق. ەكىنشى ورىن العان جانىبەك دۇيسەمباەۆ تا «قازاقستان بارىسىندا» ونەر كورسەتەتىن بولادى ءارى بۇل تۋرنيردە ول 1 ملن تەڭگە كولەمىندە جۇلدەنى قانجىعاسىنا بايلادى. ال «جەتىسۋدىڭ ءۇشىنشى ءبورىسى» اتاعى جاس بالۋان نۇرسۇلتان امانجولوۆقا بۇيىردى.
