شاھارداعى «اينابۇلاق» ىقشاماۋدانىنداعى ساۋدا ورتالىقتارىنىڭ بىرىندە ورنالاسقان الەۋمەتتىك ورتالىق اپتا بويى تاڭعى 9.00-دەن كەشكە دەيىن ءۇزىلىسسىز جۇمىس ىستەيدى. مۇندا جاڭا تۋعان سابيلەردەن باستاپ قارت ادامدارعا ارنالعان ءتۇرلى كيىم-كەشەكتەردىڭ, ويىنشىق جانە گيگيەنالىق زاتتاردىڭ ءتۇر-ءتۇرىن تابۋعا بولادى. قايىرىمدىلىق ماقساتتاعى يگى باستامانى اكىمدىك قىزمەتكەرلەرىمەن قاتار كاسىپكەرلەر مەن ەرىكتىلەر قاۋىمى قولعا العان. مەيىرىمدى جانداردان جينالعان كيىمدەر ىرىكتەلىپ, ارنايى تازالاۋدان وتكەننەن كەيىن عانا دۇكەن سورەسىنە قويىلادى.
«بۇل ىسكە باستاپقىدا تۇرعىنداردىڭ وزدەرى اتسالىسقان, ءبىر جاعىنان مەملەكەت كومەكتەسسە, ەكىنشى جاعىنان قوعام دا قامقورلىعىن كورسەتىپ جاتىر. اتاپ ايتقاندا, كيىم جيناۋ, ونى ىرىكتەپ, جاقسىلارىن مۇقتاج جاندارعا تاراتىپ بەرۋ سەكىلدى جۇمىستار اتقارىلۋدا. وسى جۇمىستاردىڭ نەگىزىندە الەۋمەتتىك دۇكەندى اشىپ وتىرمىز. مۇقتاج جاندار كەلىپ, بۇل جەردەن وزىنە قاجەتتىسىن الىپ كەتە الادى. سونداي-اق بۇل الەۋمەتتىك دۇكەنگە ىسكە جارامدى زاتتاردى كومەك رەتىندە وتكىزۋگە بولادى», دەيدى جەتىسۋ اۋدانى اكىمىنىڭ ورىنباسارى ۆياچەسلاۆ ۆاۆيلين.
