ءتورت ت ۇلىگىنەن اركىم-اق پايدا كورگىسى كەلەدى. ەت, ءسۇت باعاسى جىل ساناپ ءوسىپ بارادى. سەمىز مالدىڭ قۇنى جوعارى. وسىنىڭ ءبارىن وي ەلەگىنەن وتكىزگەن ليۋدميلا مەملەكەتتىك قولداۋ اياسىندا اشىلعان ارنايى كۋرستا ءدارىس الادى. ماماندىعى تەحنولوگ كەلىنشەك وتاعاسىمەن بىرلەسىپ وتىرىپ, قۇراما جەم دايىنداۋعا قاجەت نۇسقاۋلىق وقۋلىقتاردى وقيدى. قۇراما جەم دايىندايتىن تسەح قوندىرعىسىن رەسەيدەن ساتىپ الىپ, جۇمىسىن باستاپ كەتەدى.
شاعىن تسەح ازىرگە ايىنا 1 مىڭ 500 كەلى قۇراما جەم دايىنداۋعا مۇمكىندىگى جەتىپ تۇر. بويىندا مال سەمىرتۋگە قاجەت دارۋمەندەرگە باي ازىقتى ساتىپ العىسى كەلەتىندەر كوپ بولعاندىقتان ولار مەملەكەتتىك قولداۋ ارقىلى جەڭىل نەسيە الماق. وسىلايشا كاسىبىنىڭ اياسىن كەڭەيتپەك.
بيداي ۇنتاعى, كۇنجارا, جوڭىشقا مەن كالتسي فوسفاتى قوسىلعان قۇراما جەم ساۋىن سيىرلار مەن بورداقىداعى وگىزدەر ءۇشىن قۇنارلى تاعام. سوندىقتان دا سۇرانىس كوپ.
