اۋىل اكىمى ارداق كىسەنتاەۆتىڭ ايتۋىنشا, جاسى 94-كە كەلگەن ماعاز اتا اۋدانعا, اۋىلىنا سىيلى. تاۋ باۋرايىندا تۋىپ-وسكەن اتامىزدىڭ دەنساۋلىعى دا تۋعان جەرىنىڭ تابيعاتىمەن ۇندەستىك تاپقانداي. تىڭ.
1942 جىلى مايدانعا اتتانىپ, 2-ۋكراين مايدانى شەبىندە سوعىسقان, 2 رەت «ەرلىگى ءۇشىن», «گەرمانيانى جەڭگەنى ءۇشىن», «مارشال جۋكوۆ» مەدالدارىمەن, ءىى دارەجەلى «وتان سوعىسى» وردەنىمەن ماراپاتتالىپتى.
ماعاز ءبىرىمجان ۇلى ۇزاق جىل قوي باعىپتى, 1995 جىلى «ماعاز» شارۋا قوجالىعىن قۇرىپ, 2016 جىلعا دەيىن شارۋا قوجالىعىن باسقاردى. اۋدانداعى مال شارۋاشىلىعىن دامىتۋعا سۇبەلى ۇلەس قوستى. ەڭبەك قىزىل تۋ وردەنى, «ەڭبەكتەگى ەرلىگى ءۇشىن» مەدالىمەن ماراپاتتالعان. اۋداننىڭ قۇرمەتتى ازاماتى.
اقساقال بۇگىنگى كۇنى شارۋا قوجالىعىن باسقارۋدى, ياعني اتا تاياعىن ۇستاۋدى ۇلى جاڭبىربايعا بەرگەن. بايبىشەسى قوڭىرتاي اپا ەكەۋى 4 ۇل, 1 قىزدى ءتاربيەلەپ ءوسىردى. قازىرگى كۇنى 18 نەمەرەسى مەن 30-عا جۋىق شوبەرە-جيەندەرىنىڭ ورتاسىندا باقىتتى ءومىر ءسۇرىپ جاتىر.
– مەرەكە كۇنى ماعاز اتامىزدى قۇتتىقتاپ بارامىز. سوعىسقا قاتىسقان ارداگەرلەرگە ءبىر رەتتىك كومەك رەتىندە 150 مىڭ تەڭگە بەرىلەدى, – دەيدى اۋىل اكىمى.
كۇنى كەشە وبلىس اكىمى بولات باقاۋوۆ ماعاز اقساقالدى دا 9 مامىر مەرەكەسىمەن قۇتتىقتاپ, سىي-قۇرمەت كورسەتتى. مايدانگەردىڭ ۇرپاقتارى دا اكە شاڭىراعىنا جينالدى.
– وبلىس باسشىسى اكەمىزدى ەسكە الىپ, مەرەكەمەن قۇتتىقتاۋعا كەلگەنىنە قاتتى قۋاندىق, – دەيدى اتامىزدىڭ ۇلى بايانبەك.
پاۆلودار وبلىسى,
باياناۋىل اۋدانى
