شارۋالار اۋىل شارۋاشىلىعى جەرلەرىن ءارتاراپتاندىرۋ ماقساتىندا سوڭعى جىلدارى ماقتا ەگىستىگىنىڭ كولەمىن ەداۋىر ازايتۋدا. ياعني, ەرتە كوكتەمگى قىرىققابات, باكلاجان, بالعار بۇرىشى سەكىلدى داقىلداردى وسىرۋگە بەيىمدەلۋدە. بۇل ءوز كەزەگىندە ءساۋىر ايىنىڭ ورتاسىندا العاشقى ءونىم الىپ, پايدا تابۋعا مۇمكىندىك بەرەدى. سونداي-اق ءبىر جەردەن ەكى رەت ءونىم الۋعا وزىندىك سەپتىگىن تيگىزەدى. بۇگىندە 178 مىڭنان استام حالىق تۇراتىن اۋداندا ماقتا داقىلىنان بولەك, باقشا, كوكونىس, جەمىس-جيدەك جانە ەرتە كوكتەمگى داقىلدار وسىرىلەدى.
قازىردىڭ وزىندە جەتىسايلىق شارۋالار 15 مىڭ گەكتارعا جۋىق ەگىستىك القاپقا اق التىن ءدانىن سەۋىپ ۇلگەردى. سونداي-اق اۋداندا 13 مىڭ 813 گەكتارعا جۋىق ەگىستىك جەرگە باقشا داقىلدارى ەگىلدى.
