ايماقتار • 13 مامىر، 2019

قوسكولدىڭ ارناسى سۋعا تولا باستادى

708 رەتكورسەتىلدى

تارباعاتاي اۋدانىنداعى قوس­كول وزەنىنىڭ ارناسى سۋعا تولىپ، لاستانعان سۋى تازارا باستادى. وسىن­داي جاعىمدى جاڭالىقتى بىزگە «تارباعاتاي تابيعاتى» قو­­­­­عامدىق بىرلەستىگىنىڭ توراعاسى، اۋداندىق ءماسليحات دەپۋتاتى ەر­جان قۇتتىباەۆ سۇيىنشىلەي جەتكىزدى.

تابيعات جاناشىرىنىڭ ايتۋىنشا، ەكولوگيالىق جاعىنان تازا، قۇستارى كوپ (اسىرەسە، دالا ۇيرەك­تەرى)، اقسۋاتتىقتاردىڭ سۇيىك­­تى دەمالىس ورنىنا­­ اي­­­نالعان وزەننىڭ سۋى 5-6 جىل بۇرىن بۇزىلىپ، سۋعا ءتۇس­كەن ادام­­­دار­­­دىڭ دەنەلەرى ءبورتىپ شىعا كە­لىپتى. «سودان كەيىن جەرگىلىكتى تۇر­­عىنداردىڭ سۇ­راۋى بويىنشا كول سۋىن الىپ، اۋداندىق سەس مەكەمەسى ار­­­­قى­لى وسكەمەننىڭ زەرتحاناسىنا جىبەرگەنىمىزدە سۋدىڭ قۇرامىندا زياندى زات­­­­­تاردىڭ بارلىعى انىقتالىپ، قوسكولدىڭ سۋىنا ادامدار تۇسۋگە بولمايدى دەگەن قورىتىندى بەر­دى. وتكەنگە ءسال شەگىنىس جا­­­سا­­­­ساق، قوسكولدىڭ سۋى كەڭەس زا­­­ما­­نىندا قۇرعاقشىلىق جىلدارىندا ءبىر مارتە تارتىلىپ قالع­ان بولاتىن. مىنە، سول كەزدە اۋداندىق پارتيا كوميتەتىنىڭ ءبىرىنشى حاتشىسى تۇرسىنعازى قوباەۆ تابيعات قورعاۋعا ۇلكەن ۇلەسىن قوسىپ، امانگەلدى (قازىرگى كوكجىرا) سوۆحوزىنا تاپسىرما بەرىپ، قارىمساق توعانىنان سۋ اكەلدىرىپ، كولدىڭ كوزىن اشتىرىپ، قوس­كولدى قالپىنا كەلتىرىپ، امان الىپ قالىپ ەدى. بۇل جۇمىسقا مار­قۇم سەيسەكە ناعىمجانوۆ بەل شەشە كىرىسكەن ەدى. ەندى مىنە، وسىن­­داي يگىلىكتى ءىستى اۋدانىمىزعا جاڭا كەلگەن اكىم سەرىكقازى قۇ­­سايىن ۇلى جالعاستىرىپ، ۇزاق ۋاقىت پايدالانۋعا جارام­سىز بولىپ قالعان كولگە سۋ تارتقىزىپ، قالپىنا كەلتىرۋ جۇمىسىن باس­تاپ جىبەردى. 23 ءساۋىر كۇنى قا­رىمساق توعانىنان قوسكولگە سۋ تارتقىزدى. تۋرا سول كۇننەن باس­­تاپ قوسكولدىڭ ارناسى تولا باستادى. وسىنداي جاقسىلىقتى ەستىگەننەن كەيىن اۋداندىق ءماس­­ليحات حاتشىسى ساۋمەن جاقاەۆ، ءماس­ليحاتتىڭ اپپارات باسشىسى دانيار جاناتپەن بىرگە قوس­كولدىڭ باسىنا بارىپ، ءوز كوزى­مىزبەن كورىپ قايتتىق. بۇل ىسكە اتسالىسقان ساتباەۆ اۋىلىنىڭ ازاماتتارىنا، دەمەۋشى بولعان كاسىپكەر رۇستەم ىقىباەۆقا، «كوكجىرا» كووپەراتيۆىنىڭ ءتور­­­­­اعا­سى باعدات مىرزاعا، دەپۋتات كەنجەبەك شىنىباەۆقا اۋىل تۇر­عىندارى العىستارىن ايتۋدا. كول باسىندا ساتباەۆ اۋىلىنىڭ تۇرعىنى شۇكىرات قۇلمانوۆپەن كەزدەسكەنىمىزدە بىزگە وزەنگە يە بولاتىن قوجايىن كەرەكتىگىن ايتىپ: «سوندا كولگە كەلگەندەر ماشينالارىن جۋمايدى، قوقىس شاشپايدى» دەگەن ءوتىنىشىن جەتكىزدى»، – دەيدى ە.قۇتتىباەۆ.

 

شىعىس قازاقستان وبلىسى،

تارباعاتاي اۋدانى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار