وسىمەن ءۇشىنشى رەت باستاۋ العان شارا ەلىمىزدىڭ 3 ايماعىندا ءبىر مەزەتتە جالاۋىن كوتەردى. مامىر ايىنداعى مەرەكەلەرمەن ورايلاس كەلگەن فورۋم الماتى وبلىسىنداعى «بالداۋرەن-قاپشاعاي», تۇركىستان وبلىسىنداعى «بالداۋرەن-شىمكەنت» جانە اقمولا وبلىسىنداعى «بالداۋرەن» ورتالىقتارىندا وڭىرلەردىڭ جالىندى جاستارىن جينادى. ينتەراكتيۆتى رەجيمدە باستالعان جاستار فورۋمى ەكىن بويىنا تانىمال ادامدارمەن كەزدەسۋ, كوڭىلدى ويىندار مەن سپورتتىق شارالارعا تولى بولدى.
«بالداۋرەن - قاپشاعاي» وقۋ-ساۋىقتىرۋ ورتالىعىندا وتكەن فورۋمعا الماتى قالاسى, الماتى وبلىسى, قاراعاندى وبلىسى, شىعىس قازاقستان وبلىسى مەن جامبىل وبلىسىنان كەلگەن 320 جاس پاتريوت قاتىستى. پاتريوتتار اراسىندا « ۇلى دالانىڭ ۇرپاقتارى - ءاردايىم الدا» اتتى توپتىق جۇمىس جۇرگىزىلدى. ءار توپ پاتريوتتىق تاقىرىپتى اشىپ, ءارتۇرلى ويلارىن ورتاعا سالىپ ەسكەرتكىش فوتوعا ءتۇستى. ەڭ ۇزدىك فوتوسۋرەتتەر ينستاگرام جانە فەيسبۋك پاراقشالارىندا جاريالاندى.
جينالعان جاستارعا قاپشاعاي قالاسىنىڭ اكىمىنىڭ ورىنباسارى ساعدات نۇرعازيەۆ, «100 جاڭا ەسىم» جوباسىنىڭ جەڭىمپازى, اقىن ماقپال مىسا, دزيۋدودان ازيانىڭ كۇمىس جۇلدەگەرى دامير كۇزەمباەۆ, ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى ارمان ءجۇمادىلوۆ, «ارىستان» مامانداندىرىلعان ليتسەيى ديرەكتورىنىڭ تاربيە ءىسى جونىندەگى ورىنباسارى, پولكوۆنيك ۆاسيلي نەبىليتسا, اباي اتىنداعى قازۇپۋ كاسىبي باعدار ورتالىعىنىڭ ديرەكتورى نۇرمۇحان اۋەسبەك ۇلى شەبەرلىك ساعاتىن وتكىزىپ, تاعلىمدى اڭگىمە ايتسا, انشىلەر تورەعالي تورەالى ءاليحان بايسۇلتان جانە رامازان امانتاي كوتەرىڭكى كوڭىل كۇي سىيلادى.
جاس پاتريوتتار فورۋم بارىسىندا قاپشاعاي قالاسىمن ارالاپ, وسىنداعى الەۋمەتتىك قورعاۋ ورتالىعىنىڭ جۇمىسىمەن تانىستى.
