قازاقستان • 11 مامىر، 2019

«نۇر-سۇلتان–پاۆلودار» اۆتوبان جولىنىڭ قۇرىلىسىن بىتىرۋگە 3 اي ۋاقىت بەرىلدى

831 رەت كورسەتىلدى

يندۋستريا جانە يننوۆاتسيالىق دامۋ ءمينيسترى رومان سكليار وڭىردە جۇمىس ساپارىمەن بولدى.

 ساپار بارىسىندا قۇرىلىسى ۇزاققا  سوزىلعان «نۇر-سۇلتان – پاۆلودار» اۆتوجولىنىڭ شىدەرتى كەنتىنىڭ ماڭىنداعى ۋچاسكەسىندە بولدى. 

«قازاۆتوجول» ۇك» اق جەرگىلىكتى فيليال باسشىلارى ءمينيستردى جۇمىس بارىسىمەن تانىستىردى    

  جالپى، فيليال مالىمەتىنشە، ەلىمىزدە «نۇرلى جول» باعدارلاماسى اياسىندا "ورتالىق-شىعىس" اۆتوجول ءدالىزىنىڭ پاۆلودار وبلىسى اۋماعىندا 2014 جىلى استانا-پاۆلودار باعىتىنداعى 383 شاقىرىم ارالىقتا جۇمىس باستالدى.

بۇل اقمولا وبلىسى شەكاراسىنان وڭىرىمىزدەگى لەنين كەنتىنە دەيىن 215 شاقىرىم جانە پاۆلوداردان شىعىس قازاقستان وبلىسىنا دەيىنگى 168 شاقىرىم جەر.

ياعني، ماڭىزدى جول قۇرىلىسى  I-ا كاتەگورياسىنا سايكەس، تورتجولاقتى قوزعالىسپەن-ءار جاققا ەكى جولاقتى قوزعالىس، بەتوندى جانە اسفالتبەتوندى جابىندى توسەلىپ، قورشاۋلارمەن قورشالىپ جاسالادى.

جۇمىس استانا-پاۆلودار، پاۆلودار-سەمەي اۆتوموبيل جولدارىن قايتا جاڭعىرتۋ بويىنشا 15 جول بولىكتەرىندە ىسكە اسىرىلۋدا.

بۇل اۋقىمدى جوبانىڭ قۇنى 202،8 ملرد.تەڭگە،  2014-2016 جىلدارى 104،7 ملرد.تەڭگە يگەرىلدى.

 مىسالى، اقمولا وبلىسىنىڭ شەكاراسىنان ەكىباستۇزعا دەيىن 34 شاقىرىم اسفالت جابىندىسى، ەكىباستۇزدان لەنين كەنتىنە دەيىن 56 شاقىرىم تسەمەنت بەتوندى جابىندىسى جاسالدى.

 اقمولا وبلىسىنىڭ شەكاراسىنىن ەكىباستۇزعا دەيىنگى بولىكتەگى 99 شاقىرىمدىق جولدا قيىرشىق تاس اسفالت-بەتون توسەلەدى.

جول 5 قاباتتان تۇراتىن بولادى. ەكىباستۇزدان لەنين كەنتىنە دەيىنگى 116 شاقىرىم جولعا  بەتون پايدالانىلادى.

جوبا بويىنشا شىدەرتى جانە قالقامان بەكەتتەرى ماڭىنداعى «ەرتىس-قاراعاندى» كانالى ارقىلى 2 كوپىر سالۋ قارالعان.

كولىك قوزعالىسىنىڭ قاۋىپسىزدىگىنە بايلانىستى كەدەرگى قورشاۋلارىن ورناتىلۋى كەرەك.

بارلىق قۇرىلىس بولىكتەرىندە، قايتا جاڭعىرتۋ جانە جوندەۋ، 5 ساتىلى جول ساپاسىن باقىلاۋ جۇمىسى مەردىگەردىڭ ساپا كەڭسەسى، اۆتورلىق كەڭسە، تەحنيكالىق قاداعالاۋ كەڭسەسى، رمم «پاۆلودارجولزەرتحاناسى»، تاپسىرىس بەرۋ ساپا كەڭسەسى قاداعالايدى،- دەلىندى.

 ەندى  قازىر نۇرسۇلتان-پاۆلودار دەپ اتالاتىن  ەكى ارالىقتاعى  اۆتوبان  پايدالانۋعا بەرىلۋى ءۇشىن جولدىڭ بىرنەشە ۋچاسكەسىندەگى  قۇرىلىس جۇمىستارىن 2019 جىلى قالايدا  اياقتاۋ كەرەك.

حالىق بولسا، شاڭى شىققان جولدان ابدەن شارشادى. اپاتتى وقيعالار  دا ازايماي تۇر.                                                                     

 جوبا  قاشان اياقتالادى دەپ جۇرت كۇتىپ وتىر.

جەرگىلىكتى فيليالدا اۆتوبان قۇرىلىسى بىتكەنشە بىرنەشە  باسشى دا اۋىسىپ ۇلگەردى.

اۆتوبان قۇرىلىسىن ابىرويمەن  تاپسىرۋدىڭ ورنىنا-جىلعا جەتەر-جەتپەس ۋاقىتتا  تاپسىرىلعان مىندەتتى ورىنداماي  كەتە  بارادى.  

ال، رومان سكليار مەردىگەرلەردەن جول قۇرىلىسىن تەز ارادا اياقتاۋدى تالاپ ەتتى. 

-ءۇشىنشى، ءتورتىنشى مەردىگەر كەلدى.  2017 جىلى تەندەر وتكىزۋ ۇزاققا سوزىلدى. ەندى سىزدەرگە 3 اي مەرزىم بەرەمىز! -دەدى مينيستر.

وڭىردە بيىل وبلىستىق جانە اۋداندىق ماڭىزداعى جولداردى جوندەۋدىڭ بارلىق تۇرلەرىنە 200 ملرد تەڭگە بولىنگەن.                                                            

     پاۆلودار

سۋرەتتى تۇسىرگەن:  ۆالەري  بۋگاەۆ

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار