قوعام • 11 مامىر، 2019

قاراعاندى وبلىسىندا جۇكتى كەلىنشىك پويىز ىشىندە باساندى

764 رەت كورسەتىلدى

قاراعاندى وبلىسىندا بالقاش قالاسىنا بارا جاتقان ساياق ەلدى مەكەنىنىڭ تۇرعىنى پويىز ىشىندە امان-ەسەن بوساندى.

وبلىستىق دەنساۋلىق ساقتاۋ باسقارماسىنىڭ بالقاش ايماقتىق وكىلدىگى ءبولىمىنىڭ ءباسپاسوز قىزمەتى حابارلاعانداي، جۇكتى ايەل ۋچاسكەلىك دارىگەردىڭ ۇيعارىمى بويىنشا كەسار وتاسىن جاساتۋ ءۇشىن جولعا شىققان ەكەن. الايدا، تولعاق اياق استىنان كەلىپ، 24 جاستاعى كەلىنشەك وزىمەن بىرگە ەرە شىققان ەكى دارىگەردىڭ كومەگىنىڭ ارقاسىندا ءسابيىن دۇنيەگە امان-ەسەن اكەلدى.

قازىرگى ۋاقىتتا جاس بوسانعان انا مەن بالپاناقتاي ۇل بالقاش قالاسىنداعى ورتالىق اۋرۋحانادا مەديتسينالىق تەكسەرىستەن ءوتىپ جاتىر. دارىگەرلەردىڭ ايتۋىنشا، ولاردىڭ دەنساۋلىعىنا ءتونىپ تۇرعان ەشقانداي قاۋىپ-قاتەر جوق.

وسى وقيعادان سوڭ دارىگەرلەر بوسانادى-اۋ دەگەن مەرزىمگە شامامەن 2-3 اپتا قالعاندا شالعايداعى ەلدى مەكەننەن قالاعا جەتىپ الۋ كەرەكتىگىن جەرگىلىكتى باق ارقىلى جۇكتى انالاردىڭ ەسىنە تاعى ءبىر مارتە سالدى.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار