بيىل 60 ادامدى كەنە شاققان, ولاردىڭ 24-ءى – بالالار. قوعامدىق دەنساۋلىق ساقتاۋ دەپارتامەنتى قىزمەتكەرلەرىنىڭ ايتۋلارىنشا, ءوڭىر اۋماعىنىڭ باسىم بولىگى تۋليارەميانىڭ جانە كەنە بورتپە سۇزەگىنىڭ تابيعي وشاعى بولىپ سانالادى. ونىڭ ۇستىنە كۇننىڭ كۇرت جىلۋىنا بايلانىستى قان سورعىش جاندىكتەر ەرەكشە قاۋىپ توندىرەدى. وتكەن جىلى تۋليارەميانىڭ 1, كەنە ەنتسەفاليتىنىڭ 3 جانە كەنە بورتپە سۇزەگىنىڭ 20 وقيعاسى تىركەلگەن.
«كەنە ارقىلى تارالاتىن نەگىزگى اۋرۋلار – ۆيرۋستىق كەنە ەنتسەفاليتى, كەنە بورتپە سۇزەگى, يكسودتىق كەنە بوررەليوزى, گەمورراگيالىق قىزبالار, كەنەلىك تەڭبىل بەزگەگى. كەنە بورتپە سۇزەگى كەنە شاققاننان كەيىن 2-7 كۇن ىشىندە باستالىپ, دەنە قىزۋىنىڭ 38-40 گرادۋسقا دەيىن جەتۋى, السىزدىك, باستىڭ جانە بۇلشىق ەتتەردىڭ اۋىرۋى سەكىلدى بەلگىلەر بايقالادى. تەرى ءبورتىپ, كوبىنەسە كەۋدەدە, ارقادا, قولداردا پايدا بولادى», دەيدى دەپارتامەنتتىڭ ءبولىم جەتەكشىسى فاريدا مۇحامەدجانوۆا.
2017 جىلمەن سالىستىرعاندا بىلتىر كەنە شاعۋ وقيعاسى 300-گە ارتقان. وسى سەبەپتى ماماندار ورمانعا, تابيعات اياسىنا سەرۋەندەۋگە شىققاندا مۇقيات بولۋدى, ساقتىق شارالارىن بارىنشا ەسكەرۋدى, جابىق كيىم كيىپ, رەپەللەنتەردى قولدانۋدى ەسكەرتەدى.
