راسىمنەن كەيىن بولعان اۋديەنتسيا بارىسىندا كورول 2001 جىلعى ءساۋىر ايىندا ورىن العان قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ نورۆەگياعا جاساعان رەسمي ساپارىن جىلى سوزبەن ەسىنە الدى. مونارح, ورتاق تاريحتى زەرتتەۋدىڭ جانە سپورتتى دامىتۋدىڭ ماڭىزدىلىعىن اتاپ ءوتىپ, قازاقستان مەن نورۆەگيا اراسىنداعى جان-جاقتى بايلانىستاردى نىعايتۋ قاجەتتىلىگىنە ەرەكشە كوڭىل اۋداردى.
كورول نورۆەگيالىق كونكيشىلەر الماتىداعى بيىك تاۋلى «مەدەۋ» مۇز ايدىنىندا الەم رەكوردتارىنا يە بولعاندىعىن نورۆەگيادا ۇمىتىلماعانىن راستادى. ول ەلشىلىكتىڭ نورۆەگيالىقتاردى قازاقستان ەلىمەن, تابيعاتىمەن, مادەنيەتىمەن, ەكونوميكالىق پەن ينۆەستيتسيا الەۋەتىمەن جاڭادان تانىستىرۋ ماقساتىن قۇپتادى.
حارالد V قازاقستانداعى ساياسي وزگەرىستەر مەن 9 ماۋسىمعا بەلگىلەنگەن پرەزيدەنتتىك سايلاۋ جايىنداعى اقپاراتتى قىزىعۋشىلىقپەن قابىل الدى. ە.احينجانوۆ قازىرگى مەملەكەت باسشىسى قاسىم-جومارت توقاەۆ حالىققا ارناعان جولداۋىندا سايلاۋدىڭ ادال, اشىق جانە ءادىل وتكىزىلۋىنە كەپىلدىك بەرگەنىن اتاپ ءوتتى.
«نورۆەگيا قازاقستاننىڭ تاۋەلسىزدىگىن العاشقى تانىعان مەملەكەتتەردىڭ ءبىرى بولعانىن ەلىمىز ۇمىتپاعان. شيرەك عاسىر بويى ءسىزدىڭ ەلىڭىزقازاقستاندىق رەفورمالاردىڭ كوبىنە, ۇلتتىق قوردى قۇرۋدى قوسا العاندا, ۇلگى بولدى. بۇگىنگى كۇندە ءبىز تۇراقتى ەكونوميكا مەن قوعامعا يە جاپپاي ءال-اۋقاتتى مەملەكەتتى قۇرۋ سالاسىنداعى اسا وزىق دامۋ مودەلدەردى قولدانۋعا ىنتالانۋدامىز. ءبىز قىزىعاتىنىمىز: جاڭعىرمالى ەنەرگيا, اقىلدى قالالار, اكۆامادەني جانە باسقا دا وزىق سالالار» - دەپ ايتتى ەلشى. سونداي-اق, ە.احينجانوۆ قازاقستاننىڭ شىعىس قىتايدان سولتۇستىك ەۋروپاعا كونەينەرلەردى بۇگىندە ەكى اپتانىڭ ىشىندە جەتكىزۋگە مۇمكىندىك بەرەتىن جاڭا جىبەك جولىن قۇرۋ شارالارى تۋرالى ايتىپ بەردى.
ەلشىنىڭ پىكىرىنشە, قازاقستان مەن نورۆەگيانى ۇيلەسىمدى, قاۋىپسىز ءارى بەرەكەلى الەمدى قۇرۋعا باعىتتالعان ورتاق ىنتالار بىرلەستىرەدى. ول يادرولىق سىناقتاردان اسا قيانات كورگەن الەمدەگى ەلدەردىڭ ءبىرى قازاقستان ەكەنىن ەسكە سالدى. قايعىلى تاجىريبەگە جانە حالىقتىڭ ازابىنا نەگىزدەنە وتىرىپ, تۇڭعىش پرەزيدەنت نۇرسۇلتان نازارباەۆ قازاقستان مۇرا ەتىپ العان بارلىق يادرولىق الەۋەتىن بولشەكتەۋ تۋرالى تاريحي شەشىم قابىلدادى. ە.احينجانوۆ 29 تامىزدا سەمەي قالاسىنىڭ وڭىرىندە تۇڭعىش يادرولىق جارىلىس وقيعاسىنا 70 جىل تولاتىندىعىن مالىمدەدى.
كورولدىڭ اۋديەنتسياسىن كەيىن ۇكىمەتتىك قابىلداۋ ۇيىندە سەنىم گراموتالارىن تاپسىرۋ راسىمىنە وراي سالتاناتتى فۋرشەت ءوتتى.
