ومىرزاق كوبەگەن ۇلى بەيسپەكوۆ, تالعات ءشاري ۇلى ماماەۆ, جايدار دابىر ۇلى ىڭكارباەۆ مەملەكەتتىك كىرىستەر كوميتەتى توراعاسىنىڭ ورىنباسارى بولىپ تاعايىندالدى.
ماماەۆ تالعات ءشاري ۇلى سالىق جۇيەسىندە 2005 جىلدىڭ مامىر ايىنان باستاپ جۇمىس اتقارادى. جامبىل وبلىسى بويىنشا سالىق كوميتەتىنىڭ ءبولىم باستىعى, باسقارما باسشىسى, توراعا ورىنباسارى قىزمەتتەرىن اتقاردى. 2008 جىلدان 2012 جىلعا دەيىن - شىعىس قازاقستان وبلىسى بويىنشا سالىق دەپارتامەنتىنىڭ باسشىسى, 2012 جىلدان 2014 جىلعا دەيىن - قاراعاندى وبلىسى بويىنشا سالىق دەپارتامەنتىنىڭ باسشىسى, 2014 جىلدان 2017 جىلعا دەيىن - اقتوبە وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى قىزمەتىن اتقاردى. 2017 جىلدان وسى ۋاكىتقا دەيىن - قازاقستان رەسپۋبليكاسى قارجى مينيسترلىگى مەملەكەتتىك كىرىستەر دەپارتامەنتى تسيفرلاندىرۋ جانە مەملەكەتتىك قىزمەتتەر دەپارتامەنتىنىڭ ديرەكتورى.
ومىرزاق كوبەگەن ۇلى بەيسپەكوۆ كەدەندىك ورگاندارىندا 1994 جىلدان باستاپ جۇمىس ىستەدى. ءار ءتۇرلى ۋاقىتتا كەدەن بەكەتتەرىنىڭ باسشىسى لاۋازىمدارىندا «قايراق», «مايقاپشاعاي», «دوستىق» كەدەنىندە, الماتى, پاۆلودار وبلىسى بويىنشا كەدەن باقىلاۋ دەپارتامەنتىنىڭ باسشىسى بولىپ قىزمەت ەتتى. 2010 جىلدىڭ مامىر ايىندا قازاقستان رەسپۋبليكاسىنىڭ قارجى مينيسترلىگىنىڭ كەدەن باقىلاۋ كوميتەتىنىڭ توراعا ورىنباسارى بولىپ تاعايىندالعان. 2014 جىلعى 17 اقپاننان - قازاقستان رەسپۋبليكاسى بەلارۋس رەسپۋبليكاسىنداعى ەلشىلىگىندە كەڭەسشى, 2018 جىلعى 4 قازاننان - اقمولا وبلىسى بويىنشا مەملەكەتتىك كىرىستەر دەپارتامەنتىنىڭ باسشى ورىنباسارى قىزمەتتەرىن اتقاردى.
جايدار دابىر ۇلى ىڭكارباەۆ الماتى قالاسى مەدەۋ, اۋەزوۆ اۋداندارى بويىنشا سالىق باسقارمالارىنىڭ باسشىسى, الماتى قالاسى بويىنشا سالىق كوميتەتىنىڭ توراعاسى, الماتى قالاسى بويىنشا مەملەكەتتىك كىرىستەر كوميتەتىنىڭ باسشىسىنىڭ ورىنباسارى, 2018 جىلعى 19 اقپاننان وسى ۋاقىتقا دەيىن قازاقستان رەسپۋبليكاسى قارجى مينيسترلىگى مەملەكەتتىك ساتىپ الۋلار كوميتەتىنىڭ توراعا ورىنباسارى قىزمەتتەرىن اتقاردى.
