ايماقتار • 09 مامىر، 2019

تۇركىستان وبلىسىندا مەيىربيكەلەر ماراپاتتالدى

880 رەت كورسەتىلدى

حالىقارالىق مەيىربيكەلەر كۇنى قارساڭىندا تۇركىستان وبلىستىق تۋبەركۋلەزگە قارسى ديسپانسەرىنىڭ 127 مەيىربيكەسى 50 مىڭ تەڭگەدەن سىياقى، تاعى التاۋى تابيعاتى تاماشا بۋراباي شيپاجايىنا جولداما الدى.

مەكەمەنىڭ باس دارىگەرى بولاتحان ساعىمبەكوۆ  دەنساۋلىق ساقتاۋ سالاسىنىڭ دامۋىنا  وزىندىك ۇلەسىن قوسىپ، ءمىنسىز قىزمەت ەتكەن  مەيىربيكەلەردى ارنايى مەدالمەن، العىس حاتپەن ماراپاتتادى. «مەيىربيكەلەردىڭ – مەديتسينا سالاسىندا الار ورنى بولەك.  ءتۇرلى اپاتتاردا، توتەنشە جاعدايلاردا حالىققا العاشقى مەديتسينالىق كومەك كورسەتىپ،  ءومىرىن اراشالاپ قالۋعا ەرەكشە سەپتىگىن تيگىزەتىن وسى مەيىربيكەلەر. سىزدەر 70-80 پايىز ۋاقىتتارىڭىزدى ناۋقاستارعا ءبولىپ، ولارعا قامقورلىق پەن مەيىرىمدەرىڭىزدى ايامايسىزدار»،- دەدى  مەكەمە باسشىسى سالتاناتتى جيىندا. ال وتىز جىلعا جۋىق وسى سالانىڭ ىستىعى مەن سۋىعىنا ءتوزىپ كەلە جاتقان ديسپانسەردىڭ باس مەيىربيكەسى جۇپاركۇل ناۋرىزباەۆا پسيحولوگيالىق تۇرعىدان اۋرۋ ەكەنىنە سەنبەي، دەرتىن اسقىندىرىپ كەلەتىن ناۋقاستارمەن جۇمىس ىستەۋدىڭ قيىن ەكەنىن جاسىرمادى. «تۋعان-تۋىسقاندارى بىلمەسىن دەپ جاسىرىنىپ كەلەتىندەر كوپ. مۇنداي جاعدايدا مەيىربيكەلەرىمىز ناۋقاستارعا ەم-دوم جۇرگىزۋمەن قاتار جىلى سوزدەرىن اياماي، پسيحولوگيالىق كومەك كورسەتىپ جاتادى»،- دەيدى جۇپاركۇل تاشكەنبايقىزى. مەرەكەلىك ءىس-شارا بارىسىندا قىزمەتكەرلەر ءوزارا سپورتتىق سايىسقا ءتۇسىپ، كىل مىقتىنى انىقتادى.

ايتا كەتەيىك، بۇگىنگى تاڭدا وبلىستىق تۋبەركۋلەزگە قارسى ديسپانسەردە 380-گە جۋىق ورتا بۋىندى مەديتسينا قىزمەتكەرى جۇمىس ىستەيدى. ولاردىڭ 77،5 پايىزى ءتۇرلى ساناتتارعا يە.

تۇركىستان وبلىسى

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار