فوتوداعى ارداگەردىڭ اتى – اناتولي لەوپولدوۆيچ گوليمبيەۆسكي. 1921 جىلى 15 شىلدە كۇنى پەتەربوردا تۋىپ, 2001 جىلى دۇنيەدەن وتكەن. ەكىنشى دۇنيەجۇزىلىك سوعىستىڭ ارداگەرى. رەسەيلىك اقپارات كوزدەرىنەن الىنعان دەرەككە ۇڭىلسەك, اناتولي اقساقال 1943 جىلى اقپان ايىندا نوۆوروسسيسك قالاسىنىڭ ماڭىنداعى «كىشى جەر» ءۇشىن بولعان شايقاسقا قاتىسىپ, «سووبرازيتەلنىي» ەسمينتساسىندا قىزمەت ەتكەن. قىسقاسى, تسەمەسسكى بۇعازىنداعى قىرعىندا ەكى اياقتان ايىرىلسا دا, امان قالعان از جاۋىنگەردىڭ ءبىرى.
ال مىنا وزدەرىڭىز كورىپ وتىرعان فوتوبەينە 1989 جىلى 9 مامىر كۇنى لەنينگرادتىڭ كەمە توقتايتىن تەڭىز ايلاعىندا ءتۇسىرىلىپتى. سۋرەتتى تۇسىرگەن لەنينگراد مەملەكەتتىك ۋنيۆەرسيتەتىنىڭ تۇلەگى, فوتوجۋرناليست, سول تۇستا «لەنينگرادسكايا پراۆدا» گازەتىنىڭ قىزمەتكەرى يۆان كۋرتوۆ. ارداگەرگە قۇرمەت كورسەتىپ تۇرعان ءتورت جىگىت ادميرال ناحيموۆ اتىنداعى پاروحودتىڭ جاۋىنگەرلەرى.
سۋرەت اۋەلى «لەنينسكوە زناميا», «سمەنا», «لەنينگرادسكايا پراۆدا» باسىلىمدارىندا جاريالانىپ, سوڭىنان يتار-تاسس ارقىلى «اسكەري-تەڭىز فلوتىنىڭ ارداگەرى اناتولي گوليمبيەۆسكيگە سالەم» دەگەن اتپەن دۇنيە جۇزىنە تاراعان. فوتوبەينە 1990 جىلى World Press Photo اتتى حالىقارالىق بەدەلى زور كورمەدە ءبىرىنشى ورىنعا يە بولىپ, اۆتورى «زولوتوي گلاز» («التىن كوز») سىيلىعىن جەڭىپ الىپتى.
