ايماقتار • 09 مامىر، 2019

ريددەردە ماماندار قات

741 رەتكورسەتىلدى

ريددەر قالاسى ازەلدەن مەتاللۋرگتەرگە قۇتتى مەكەن سانالادى. سوڭعى جىلدارى شاھارداعى كە­­نىشتەردە ءوندىرىستى مەڭگەرىپ، تاۋ قوپارىپ، تاس جارىپ، ەسەلى ەڭبەك ەتىپ جۇرگەن قاراكوزدەردىڭ قاتارى كوبەيىپ كەلەدى. سونىڭ ءبىرى – «قازتسينك» جشس-ىنە قاراستى ريددەر مەتاللۋرگيا كەشەنىنىڭ قىزمەتكەرى، قىزىلوردا وبلىسى شيەلى اۋدانىنىڭ تۋماسى ماقسۇت سەيىتكامال. ماقسۇت 2014-2017 جىلدارى «سەرپىن» باعدار­لاماسى ارقىلى ريددەر اگرارلىق كوللەدجىن ءتامامدادى. سول جىلى بىردەن جۇمىسقا ورنالاستى.

ومىرلىك جارى الماگۇل امىرەنوۆامەن وسى وقۋ ورنىنىڭ قابىرعاسىندا تانىسىپ، كوڭىل جاراستىرىپ، شاڭىراق قۇردى. «2017 جىلى وقۋدى ءبىتىرىپ، كوشى-قون باعدارلاماسىنا كەزەككە تۇ­رىپ، پاتەر جالداۋعا سۋبسيديا ال­دىق. 2018 جىلى باسپانالى بول­دىق. قازىر وزىممەن بىرگە تۋعان ءىنىم ۇلان «قازتسينكتە» جۇمىس ىستەپ جاتىر. ريددەردە تۇرىپ جات­قانىمىزعا 5 جىلداي ۋاقىت بولدى. ۇيرەنىپ قالدىق. ەل جاققا بارىپ تۇرامىز»، دەيدى ماقسۇت.

2013 جىلدان بەرى جۇمىس كۇشى مول، حالقى تىعىز قونىستانعان وڭىرلەردەن (الماتى، قىزىلوردا، جامبىل، تۇركىستان، ماڭعىستاۋ وبلىستارى جانە شىمكەنت قالا­­سى) شىعىس قازاقستانعا، ونىڭ ىشىندە ريددەر قالاسىنا ەڭبەك رەسۋرستارىن تارتۋ جۇمىستارى بەل­سەندى جۇرگىزىلىپ جاتقانى بەل­گىلى. وسى ۋاقىت ارالىعىندا «جۇمىسپەن قامتۋدىڭ جول كارتاسى-2020» جانە «2017-2021 جىل­­­دارعا ارنالعان ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدار­لا­مالارى ارقىلى كەنشىلەر شا­ھارىنا 860 ادام قونىس اۋداردى (مۇنىڭ 193-ءى – جەتىم جانە اتا-اناسىنىڭ قامقورلىعىنسىز قالعان بالالار، 667-ءى – قونىس اۋدا­رۋشىلار، ونىڭ 20-سى «سەرپىن» باعدارلاماسىنىڭ تۇلەكتەرى). 170 وتباسى مەملەكەتتىك تۇرعىن ءۇي قو­رىنان پاتەرمەن قامتاماسىز ەتىلىپ، قالعان بولىگىنە ءبىر جىلعا تۇرعىن ءۇيدى جالعا الۋعا سۋبسيديا تولەندى. باتىس التايداعى شا­عىن شاھارعا ەلىمىزدىڭ ءار تا­رابىنان مىڭعا جۋىق ادام كوشىپ كەلسە دە، ءالى دە ماماندارعا ءزا­رۋ­لىك بار.

«ريددەرگە قونىس اۋدا­­­را­مىن دەۋشىلەرگە ەسىگىمىز اشىق. 283 جۇمىس ورنى بوس تۇر. بىزگە نەگىزىنەن مۇعالىمدەر مەن ءدا­رىگەرلەر كەرەك. ويتكەنى قا­زىر قالادا جۇمىس ىستەپ جۇرگەن مۇعالىمدەردىڭ 60 پايىزى زەينەتكەرلەر. 40-تان استام ادام زەي­نەتكەرلىك جاسقا جاقىنداپ قال­دى. دارىگەرلەر دە سولاي، ولاردىڭ 30 پايىزى زەينەتكەرلەر»، دەيدى قالا اكىمى جومارت مۇراتوۆ.

ريددەر قالالىق جۇمىسپەن قامتۋ ورتالىعىنىڭ ديرەكتورى اسەت ەرسايىنوۆ 2013-2019 جىلدار ارالىعىندا شاھارعا 66 مۇعالىم، 45 مەديتسينا قىزمەتكەرى (ونىڭ 12-ءسى دارىگەر)، 294 ءارتۇرلى ماماندىق يەلەرى (ماركشەيدەرلەر، جۇرگىزۋشىلەر، ەلەكتر گازىمەن دانەكەرلەۋشىلەر، مەتاللۋرگتەر، گەولوگتار، كەنشىلەر، باع­دارلاماشىلار، ت.ب) كەلگەنىن، 7 ادام قايتا دايارلاۋ كۋرسىنان وتكە­نىن، 3 ادام جاڭا بيزنەس-يدەيا­­لاردى ىسكە اسىرۋ ءۇشىن گرانت العانىن ايتادى. «ءبىز ريد­دەرگە قالامىزدا سۇرانىسقا يە مامانداردى شاقىرامىز. 2019 جىلى 35 وتباسىن (105 ادام) قو­نىستاندىرۋ جوسپارلانىپ وتىر. بۇگىنگى تاڭدا 20 وتباسى (47 ادام) قونىس اۋداردى»، دەيدى ول.


شىعىس قازاقستان وبلىسى،

ريددەر قالاسى

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار