بۇگىن 8 مامىر كۇنى - اتىراۋدىڭ 200-گە جۋىق تۇرعىنى اسكەري وركەسترمەن بىرگە ەكىنشى دۇنيەجۇزىلىك سوعىس ارداگەرلەرىنىڭ سۋرەتتەرىمەن جەڭىس ساياباعىنداعى ماڭگىلىك الاۋعا گۇل شوقتارىن قويدى.
ءىس-شارا بارىسىندا باستارىن ولىمگە تىككەن ارداگەرلەرىمىزدىڭ ەرلىگىنە تاعزىم ەتكەن اتىراۋ قالاسى اكىمى ورىنباسارى ۇلىقبەك تناليەۆ تۇرعىنداردى مەرەكەمەن ارنايى قۇتتىقتادى.
- «ماڭگىلىك داڭق» - جەڭىس كۇنىنە وراي ەل تىنىشتىعى ءۇشىن, بەيبىت ءومىر ءۇشىن سۇراپىل سوعىستا جانىن اياماي جاۋ سوققىسىنا توتەپ بەرىپ, جەرىمىزدى قورعاپ قالعان اتا-بابالارىمىزدى, باتىر ارداگەرلەرىمىزدى ەسكە الۋعا ارنالعان,- دەدى قالا اكىمىنىڭ ورىنباسارى ۇلىقبەك تناليەۆ.
شارا سوعىستا قازا تاپقان ساربازدار مەن بۇگىندە ارامىزدا جوق مايدانگەرلەردى ءبىر مينۋت ۇنسىزدىكپەن ەسكە الۋمەن باستالدى.
اتىراۋ
