توتەنشە جاعدايلار دەپارتامەنتىنىڭ باسشىسى راميل كامالوۆتىڭ ايتۋىنشا, اگرارشىلاردىڭ سالعىرتتىعى مەن اكىمدەردىڭ باقىلاماۋى سالدارىنان وسىنداي وقىس جايتتار ءجيى ۇشىراسادى. ەڭ باستىسى, قاۋىپسىزدىك تالاپتارى قاتاڭ ساقتالا بەرمەيدى.
«وبلىس اۋماعىندا 32 ءورت ءسوندىرۋ بەكەتى, 411 ورتكە قارسى ەرىكتى قۇرام جاساعى جۇمىس ىستەيدى. قولدانىستاعى زاڭعا سايكەس, ەگەر ەلدى مەكەندە مەملەكەتتىك ورتكە قارسى قىزمەت بولماعان جاعدايدا ورمان جانە ورماندى القاپتارداعى ءورتتى ءسوندىرۋ اۋدان اكىمىنىڭ تىكەلەي قۇزىرەتىنە كىرەدى. سوعان قاراماستان كومەك قولىن سوزۋدان باس تارتقان ەمەسپىز», دەيدى ر. كامالوۆ.
ەگىس تاناپتارىندا قۇرعاق ءشوپتى, ساباندى جاعۋ, قاراۋسىز قالدىرىپ كەتۋ سوڭى دا ءورتتىڭ تارالۋىنا بىردەن-ءبىر سەبەپكەر بولىپ وتىر. سوڭعى كۇندەرى 6 ورمان ءورتى تىركەلگەن. 39 تۇلعا اكىمشىلىك جاۋاپكەرشىلىككە تارتىلىپ, 300 مىڭ تەڭگە ايىپپۇل سالىنعانىمەن, وڭ ناتيجە بايقالمايدى.
«سەبەبى بۇعان ەتتەرىڭىز ابدەن ۇيرەنىپ كەتكەن. جىل سايىن اعاشتار وتقا ورانادى, تابيعاتقا ۇلكەن زالال كەلتىرىلەدى. كىنالىلەردى جازالايتىن دالەلدەرىڭىز دە, ىنتالارىڭىز دا جوق. ەگەر رەسپۋبليكالىق تراسسا ماڭىندا اعاشتار كۇيىپ جاتسا, «قازاۆتوجول»-دى جازالاۋ قاجەت. اۋداندىق ماڭىزى بار جولدار بويىندا ورىن السا, اكىمدەردەردى جاۋاپكەرشىلىككە تارتىڭىزدار», دەدى وسى ماسەلە بويىنشا تالقىلانعان وتىرىستا ايماق باسشىسى قۇمار اقساقالوۆ.
سولتۇستىك قازاقستان وبلىسى
