«قازاقستاندىق مەملەكەتتىك-جەكەشەلىك ارىپتەستىك ورتالىعى» اق ديرەكتورلار كەڭەسىنىڭ شەشىمىمەن تالعات مۇستافا ۇلى ماتاەۆ باسقارما توراعاسى بولىپ سايلاندى.
ۇلتتىق ەكونوميكا ءبىرىنشى ۆيتسە-ءمينيسترى ارمان جۇمابەكوۆ ۇجىمعا جاڭا توراعانى تانىستىرا كەلىپ, تالعات ماتاەۆتىڭ 2015 جىلى رف پرەزيدەنتى جانىنداعى رەسەي حالىق شارۋاشىلىعى مەن مەملەكەتتىك قىزمەت اكادەمياسىندا «ەۋرازيالىق ەكونوميكالىق وداق (قازاقستاننىڭ ۇلگىسىندە) جاعدايىندا كاسىپكەرلىكتى دامىتۋداعى مەملەكەتتىك-جەكەشەلىك ارىپتەستىكتىڭ ادىستەمەلىك نەگىزدەرى» تاقىرىبىندا دوكتورلىق ديسسەرتاتسيا قورعاعانىن اتاپ ءوتتى.
تالعات مۇستافا ۇلى قازاق مەملەكەتتىك باسقارۋ اكادەمياسىن, قازاق مەملەكەتتىك زاڭ اكادەمياسىن, يەل ۋنيۆەرسيتەتىنىڭ مەنەدجمەنت مەكتەبىن (اقش), رەسەي فەدەراتسياسىنىڭ پرەزيدەنتى جانىنداعى رەسەي حالىق شارۋاشىلىعى مەن مەملەكەتتىك قىزمەت اكادەمياسىن, جوعارى كورپوراتيۆتىك باسقارۋ مەكتەبىن بىتىرگەن. ىسكەرلىك اكىمشىلەندىرۋ دوكتورى (DBA) دارەجەسىنە يە.
تالعات ماتاەۆ ءتۇرلى جىلدارى ەۋرازيالىق ەكونوميكالىق كوميسسيانىڭ كاسىپكەرلىك قىزمەتتى دامىتۋ دەپارتامەنتىنىڭ كەڭەسشىسى, «قىزىلوردا» الەۋمەتتىك-كاسىپكەرلىك كورپوراتسياسى» اق باسقارما توراعاسىنىڭ ورىنباسارى, «وڭتۇستىك» قارجى كومپانياسى» اق قىزىلوردا وبلىسى بويىنشا فيليالىنىڭ ديرەكتورى, «وڭتۇستىك» الەۋمەتتىك-كاسىپكەرلىك كورپوراتسياسى» ۇك» اق قىزىلوردا وبلىسى بويىنشا وكىلدىگى ديرەكتورىنىڭ ورىنباسارى بولىپ جۇمىس ىستەگەن.
قىزىلوردا وبلىسى اكىمدىگىندە ءتۇرلى لاۋازىمداردى اتقاردى; كاسىپكەرلىك جانە ونەركاسىپ باسقارماسىنىڭ باسشىسى, وبلىستىق ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى بولدى. قىزىلوردا وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ باسقارماسىن باسقارىپ, قىزىلوردا وبلىسى بويىنشا سالىق كوميتەتى توراعاسىنىڭ ورىنباسارى قىزمەتىن اتقاردى.
2017-2019 جىلعى مامىر ارالىعىندا «قازاقستاندىق مەملەكەتتىك-جەكە مەنشىك ارىپتەستىك ورتالىعى» اق باسقارما توراعاسىنىڭ ورىنباسارى بولعان.
