ايماقتار • 08 مامىر، 2019

كەنتاۋ قالاسىندا 180 وتباسى باسپانالى بولدى

788 رەت كورسەتىلدى

وتان قورعاۋشىلار مەرەكەسى كۇنى، ۇلى جەڭىستىڭ 74 جىلدىعى قارساڭىندا كەنتاۋ قالاسىندا 180 وتباسى باسپانالى بولدى.

60 پاتەرلى كوپقاباتتى 3 تۇرعىن ءۇيدىڭ 90 پاتەرى - كوپبالالى وتباسىلارعا، ال 37-ءسى - جەتىم بالالارعا، قالعان 53 پاتەر – «نۇرلى جەر» باعدارلاماسىمەن بەرىلىپ وتىر. پاتەر كىلتىن سالتاناتتى تابىستاۋ راسىمىندە وبلىس اكىمى ومىرزاق شوكەەۆ تۇرعىنداردى قۇتتىقتادى. «باسپانا بەرۋ رەتى ەرەجەگە سايكەس كەزەك بويىنشا بەرىلىپ وتىر. دەگەنمەن، الەۋمەتتىك وسال توپتاعى تۇرعىنداردى، كوپبالالى وتباسىلاردى باسپانامەن قامتۋعا باسىمدىق بەرىلگەن. تاعى ءبىر ايتار قۋانىشتى جاڭالىعىمىز كەنتاۋ قالاسىنىڭ جاڭا مولتەك اۋدانىنان كوپقاباتتى 10 ءۇيدىڭ قۇرىلىسى باستالىپ، ىرگەتاسى قالاندى. دەمەك، كەلەر جىلى تاعى 600-گە جۋىق وتباسى ءوز باسپانالارىنا قول جەتكىزەتىن بولادى. وسىنىڭ بارلىعى قۇرىش قولدى قۇرىلىسشىلاردىڭ ەڭبەگى، حالقىمىزدىڭ اۋىزبىرشىلىگى مەن ىنتىماعى، ەلباسىنىڭ حالىققا دەگەن قامقورلىعى»- دەدى وبلىس اكىمى.

«نۇرلى جەر» باعدارلاماسى اياسىندا بوي كوتەرگەن تۇرعىن ۇيلەر زاماناۋي ۇلگىدە سالىنعان. اعىمداعى جىلدىڭ سوڭىنا قاراي تاعى 2 كوپقاباتتى تۇرعىن ءۇي پايدالانۋعا بەرىلمەك. جالپى جىل سوڭىنا دەيىن كەنتاۋ قالاسىنىڭ 300-گە جۋىق وتباسىن باسپانامەن قامتۋ جوسپارلانىپ وتىر.

تۇركىستان وبلىسى

سوڭعى جاڭالىقتار

ۇقساس جاڭالىقتار