- بۇگىننەن باستاپ ەفيردەمىز. «تالدىقورعاننان سويلەپ تۇرمىز», جەتىسۋدان جاڭالىق جەتكىزەمىز. راديو كۇنى ەفيرگە شىعۋدى مۇرات تۇتىپ ەدىك. تاڭەرتەڭگىلىك «شۇعىلا» حابارى اۋەتولقىنىنا شىقتى. بارلىق راديوجۋرناليستەردى بۇگىنگى مەرەكەسىمەن قۇتتىقتايمىن» - دەيدى بەلگىلى اقىن ءارى راديوجۋرناليست اينۇر تولەۋ.
«جەتىسۋلىقتار» دايىنداعان راديو حابارلار ەندى «99.9» جيىلىگى بويىنشا تارالاتىن «Nostalgie FM» راديوسىنىڭ باعدارلاماسىنان 4 ساعات بويىنا بەرىلەدى. بولاشاقتا تەلەارنا جەكە جيىلىك الىپ, دەربەس راديو ارناسىنا اينالۋدى جوسپارلاپ وتىر.
جالپى, تالدىقورعان اۋماعىندا جەرگىلىكتى راديو قىزمەتى وسىدان 22 جىل بۇرىن, وبلىستىڭ تاراتىلۋىمەن بىرگە جابىلعان بولاتىن. ال «جەتىسۋ» ارناسىنىڭ راديوحابار تاراتا باستاۋى وسى ۇزىلگەن ءداستۇردى جالعاپ, تىڭدارمانداردىڭ تىلەگىن ورىنداۋ بولماقشى.
