- ەلباسى نۇرسۇلتان نازارباەۆ ءوز جولداۋىندا «پەداگوگ مارتەبەسى تۋرالى» زاڭنىڭ جوباسىن قابىلداۋدى ۇسىنىپ, ۇستازدار قاۋىمىنا ەرەكشە نازار اۋدارعان بولاتىن. وسى ورايدا جەتىسۋلىق جاس جەتكىنشەكتەردىڭ ۇستاز مارتەبەسىنە دەگەن قۇرمەتىن ارتتىرۋ ءۇشىن ارنايى بايقاۋ جاريالاۋدى ويلادىق. شىعارما جازۋشىلار قاتارى كوپ بولعانى ءبىزدى قۋانتتى. بۇل جاستار اراسىنداعى مۇعالىم بەدەلىنىڭ جوعارى ەكەنىن, ءالى دە ۇستاز ماماندىعىنا دەگەن قىزىعۋشىلىقتىڭ جوعالماعانىن كورسەتتى, - دەيدى الماتى وبلىستىق ءبىلىم جانە عىلىم قىزمەتكەرلەرى كاسىپوداق ۇيىمىنىڭ باسشىسى سادىق نۇرساپا ۇلى.
«ۇستاز بولعىم كەلەدى» شىعارمالار بايقاۋى ەكى كەزەڭنەن تۇردى. العاشقىدا مەكتەپشىلىك جانە اۋداندىق, قالالىق دەڭگەيىندە ىرىكتەۋى ءوتىپ, وعان قاتىسقان 89 ۇمىتكەردىڭ اراسىنان جيىرما ءبىر وقۋشى وبلىستىق كەزەڭگە جولداما الدى. ناتيجەسىندە, جۇزدەن جۇيرىك شىعىپ, باس جۇلدەنى الاكول اۋدانى, جىلاندى ورتا مەكتەبىنىڭ 11- سىنىپ وقۋشىسى ۇلان بازارباەۆ, ءى ورىندى پانفيلوۆ اۋدانى, اۋليەاعاش ورتا مەكتەبىنىڭ 11-سىنىپ وقۋشىسى الۋا اسقار, ءىى ورىندى ەسكەلدى اۋدانى, باقتىباي جولبارىس ۇلى اتىنداعى ورتا مەكتەپتىڭ 11 سىنىپ وقۋشىسى ارايلىم تازابەكوۆا, ءىىى ورىندى تەكەلى قالاسى, №4 ورتا مەكتەپتىڭ 11-سىنىپ وقۋشىسى ەكاتەرينا سۋگاكوۆا يەلەندى. جەڭىمپازدارعا ديپلومدار, اقشالاي سىيلىقتار جانە الماتى وبلىستىق ءبىلىم جانە عىلىم قىزمەتكەرلەرى كاسىپوداق ۇيىمى مەن ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى كاسىپوداق فيليالىنىڭ شاكىرتاقى تاعايىنداۋ تۋرالى سەرتيفيكاتى تاپسىرىلدى.
