– تاۋەلسىزدىكتىڭ العاشقى جىلدارىندا ەلىمىزدە جوعارى ساناتتى, بىلىكتى ساردارلار مۇلدە از بولدى. تۇڭعىش پرەزيدەنتىمىز ءار ساربازدى جىگەرلەندىرە وتىرىپ, ايبىندى اسكەر قۇردى. بۇگىندە ءبىزدىڭ كۇشتىك قۇرىلىمدارىمىز زاماناۋي تەحنيكا مەن تەحنولوگيانى مەڭگەرگەن. ولار كەز كەلگەن قاۋىپ-قاتەرگە قارسى سوققى بەرە الاتىن ايبىندى ءارى ءموبيلدى كۇشكە اينالدى. جاقىندا عانا وتكەن «ايبالتا-2019» وقۋ-جاتتىعۋى – سونىڭ ايقىن دالەلى, – دەدى قازاقستان پرەزيدەنتى.
سونىمەن قاتار, قاسىم-جومارت توقاەۆ ادام ءومىرىن ورتتەن, سۋدان اراشالاپ قالعان بەيبىت كۇننىڭ باتىرلارىنىڭ ەرلىكتەرى تۋرالى دا ايتتى.
– سىزدەردىڭ بەيبىت كۇندەگى ەرلىكتەرىڭىز بەن يگى ىستەرىڭىز وسكەلەڭ ۇرپاققا ۇلگى بولۋى ءتيىس. سوندىقتان, بۇگىن ءبىز ءمىنسىز اسكەري قىزمەتىمەن, ەرەن ەرلىگىمەن دارالانعان ازاماتتاردى ماراپاتتاۋ ءۇشىن جينالىپ وتىرمىز, – دەدى مەملەكەت باسشىسى.
سالتاناتتى شارادا ءى دارەجەلى «داڭق» وردەنىمەن قر قارۋلى كۇشتەرى باس شتابى باستىعىنىڭ ورىنباسارى الدابەرگەنوۆ ادىلبەك قاليبەك ۇلى, قر باس پروكۋروردىڭ ورىنباسارى كەنەنباەۆ ەرلىك ابدىراقىم ۇلى, قر قارۋلى كۇشتەرى قۇرلىق اسكەرلەرى باس قولباسشىسىنىڭ ورىنباسارى رىسباەۆ ۆاسيلي نەسىپقازى ۇلى ماراپاتتالدى.
ءىى دارەجەلى «داڭق» وردەنى قر ىشكى ىستەر مينيسترلىگى قوستاناي وبلىسى پوليتسيا دەپارتامەنتىنىڭ باستىعى ايماعامبەتوۆ بەكەت يمان ۇلىنا, الماتى وبلىسى بويىنشا قر ۇلتتىق قاۋىپسىزدىك كوميتەتى دەپارتامەنتىنىڭ باستىعى قۇرماناليەۆ ءسابيت تۇڭعىشباي ۇلىنا تاپسىرىلدى.
ءىى دارەجەلى «ايبىن» وردەنىمەن مەملەكەتتىك كۇزەت قىزمەتى پرەزيدەنت كۇزەتى قىزمەتىنىڭ باس ينسپەكتورى بالياسنيكوۆ ۆيكتور يۋرەۆيچ, سىبايلاس جەمقورلىققا قارسى ءىس-قيمىل ۇلتتىق بيۋروسى اقمولا وبلىسى بويىنشا دەپارتامەنت باسشىسى بەكباسوۆ قۋانىش بازار ۇلى, ۇلتتىق قاۋىپسىزدىك كوميتەتى دەپارتامەنتى باستىعىنىڭ ءبىرىنشى ورىنباسارى قوقىمباەۆ رينات تولەۋحان ۇلى, قورعانىس مينيسترلىگى 48386 اسكەري ءبولىمىنىڭ كومانديرى قۇسايىنوۆ تالعات اقتان ۇلى, ىشكى ىستەر مينيسترلىگى كريمينالدىق پوليتسيا دەپارتامەنتى باستىعىنىڭ ورىنباسارى وماربەكوۆ ەرلان بولات ۇلى, قورعانىس مينيسترلىگى 28738 اسكەري ءبولىمىنىڭ كومانديرى راسقۇلوۆ جانات ەسىم ۇلى, اتىراۋ قالاسىنىڭ جول-پاترۋلدىك پوليتسيا باتالونىنىڭ ينسپەكتورى سۋندۋتوۆ رۇستەمبەك بيسەمباي ۇلى, قازاقستان رەسپۋبليكاسى قارۋلى كۇشتەرى اسكەري-اۋە كۇشتەرى قولباسشىسىنىڭ ورىنباسارى توپاەۆ نۇربولات ەركەباي ۇلى, قورعانىس مينيسترلىگى 03858 اسكەري ءبولىمىنىڭ كومانديرى حامزين مەيرام وردالى ۇلى ماراپاتتالدى.
ءىىى دارەجەلى «ايبىن» وردەنى مەملەكەتتىك كۇزەت قىزمەتىنىڭ وبەكتىلەردى قورعاۋ قىزمەتى «ايبىن» پرەزيدەنتتىك پولكىنىڭ اعا مامانى – اتقىشى قۇسايىنوۆ امانگەلدى مىرزاباي ۇلىنا تاپسىرىلدى.
«قۇرمەت» وردەنىمەن باس پروكۋراتۋرانىڭ قىزمەت باستىعىنىڭ ورىنباسارى دۋباەۆا راديمحان ماراپاتتالدى.
«ەرلىگى ءۇشىن» مەدالى قر ىشكى ىستەر مينيسترلىگى ۇلتتىق ۇلاننىڭ «ورتالىق» وڭىرلىك قولباسشىلىعى 6697 اسكەري ءبولىمىنىڭ ساربازى بالابيەۆ مەدەت سەرىكالى ۇلىنا, قر ىشكى ىستەر مينيسترلىگى نۇر-سۇلتان قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ №1 ءورت ءسوندىرۋ ءبولىمى باستىعىنىڭ ورىنباسارى كەنجەشوۆ ايانبەك باۋىرجان ۇلىنا, قر قورعانىس مينيسترلىگى 35411 اسكەري ءبولىمى ارتيللەريالىق ديۆيزيونىنىڭ مامانى قاناتوۆ قۋاندىق قانات ۇلىنا, قر ىشكى ىستەر مينيسترلىگى قاراعاندى وبلىسى توتەنشە جاعدايلار دەپارتامەنتىنىڭ ءورت ءسوندىرۋ جانە اۆاريالىق-قۇتقارۋ جۇمىستار قىزمەتى № 1 ءورت ءسوندىرۋ ءبولىمىنىڭ بولىمشە كومانديرى ميناەۆ الەكساندر گەنناديەۆيچكە, قر ىشكى ىستەر مينيسترلىگى سولتۇستىك قازاقستان وبلىسى پوليتسيا دەپارتامەنتى تايىنشا اۋدانى پوليتسيا ءبولىمىنىڭ ۋچاسكەلىك ينسپەكتورى ىبىراەۆ ەرلان ماۋلي ۇلىنا تاپسىرىلدى.
«جاۋىنگەرلىك ەرلىگى ءۇشىن» مەدالىمەن ورتالىق كوماندالىق پۋنكتى باستىعىنىڭ ورىنباسارى – قر قارۋلى كۇشتەرى باس شتابى ورتالىق كوماندالىق پۋنكتىنىڭ جەدەل كەزەكشىسى ابراموۆ ۆلاديمير ميحايلوۆيچ, قر ۇلتتىق قاۋىپسىزدىك كوميتەتىنىڭ باسقارما باستىعى جانايداروۆ جاسلان تالعاتبەك ۇلى, قر قورعانىس مينيسترلىگى 35950 اسكەري ءبولىمى شتابىنىڭ اعا وفيتسەرى مادياروۆ اسحات جاڭبىرشى ۇلى, قر قورعانىس مينيسترلىگى 55652 اسكەري ءبولىمى اۆياتسيالىق ەسكادريلياسى اۆياتسيالىق بۋىنىنىڭ اعا ۇشقىشى مىرزاتاەۆ كوبەگەن ەرسىنتاي ۇلى, قر قورعانىس مينيسترلىگى 35748 اسكەري ءبولىمى تانك باتالونىنىڭ كومانديرى ونتاقوۆ اسىلبەك ناتى ۇلى ماراپاتتالدى.
شارا سوڭىندا قاسىم-جومارت توقاەۆ ماراپاتتالۋشىلارعا ءمىنسىز قىزمەتى ءۇشىن العىسىن ءبىلدىرىپ, ولارعا زور دەنساۋلىق, وتباسىلارىنا بەرەكە, جاڭا تابىستار تىلەدى.
