- بۇل ورتالىق قىزىلوردا وبلىستىق حالىق دەپۋتاتتارى كەڭەسى اتقارۋشى كوميتەتىنىڭ 1990 جىلعى 19 قىركۇيەكتەگى «قىزىلوردا قالاسىندا بالالارعا ارنالعان پسيحونەۆرولوگيالىق ينتەرنات ءۇيىن اشۋ» تۋرالى شەشىمەن قۇرىلعان. حالىقتى الەۋمەتتىك قورعاۋ سالاسىندا ستاتسيونارلىق جانە جارتىلاي ستاتسيونارلىق 7 باعىت بويىنشا ارناۋلى الەۋمەتتىك كومەكتەر كورسەتەدى. جالپى ورنى 150 ادامعا شاقتالعان. 100-ءى ستاتسيونارلىق, ال 50-ءى جارتىلاي ستاتسيونارلىق قىزمەتكە ارنالعان. ناقتى كەزەڭدە 100 بالعىن كومەك الىپ جاتىر, - دەدى حالىق قالاۋلىلارىنا مەكەمە باسشىسى ايگۇل شامشاتوۆا.
مۇمكىندىگى شەكتەۋلى مۇگەدەك بالالارعا مەديتسينالىق, الەۋمەتتىك جاعداي جاساۋدا عيماراتتىڭ قىزمەت كورسەتۋگە ارنالعان ءاربىر بولمەسى زاماناۋي قۇرال-جابدىقتارمەن جابدىقتالعان. مۇندا نەگىزىنەن دتسپ, روپتسنس, ەپيلەپسيا, داۋنا, گيدروتسەفاليا اۋرۋلارى, سونداي-اق, اقىل-ەسىنىڭ اۋىتقۋشىلىعى بار ناۋقاس بالالار ەمدەلەدى. قازىر ستاتسيوناردا - 64, ال جارتىلاي ستاتسيوناردا - 46 مۇمكىندىگى شەكتەۋلى بالعىندار تاربيەلەنىپ, ەم الىپ جاتىر ەكەن.
ءماجىلىس دەپۋتاتتارى ورتالىق قىزمەتىمەن تانىسقاننان كەيىن سالا قىزمەتكەرلەرىمەن دە جۇزدەستى. تۇڭعىش پرەزيدەنت - ەلباسى نۇرسۇلتان نازارباەۆتىڭ مۇمكىندىگى شەكتەۋلى ازاماتتارعا, سونىڭ ىشىندە بالعىندارعا, از قامتىلعان جانە كوپ بالالى وتباسىلاردى قولداۋعا باعىتتالعان الەۋمەتتىك باستامالارىن جۇزەگە اسىرۋ جونىندەگى ماسەلەلەردى جان-جاقتى ءسوز ەتتى.
- ءبىز بىرنەشە كۇننەن بەرى وبلىستاعى بىرقاتار اۋماقتا بولىپ, شالعاي ەلدى مەكەندەردىڭ دە جاعدايىمەن تانىستىق. ول جەرلەردە دە ءتۇرلى الەۋمەتتىك نىساندار پايدالانۋعا بەرىلگەندىگىن كوزىمىزبەن كوردىك. بالالار ورتالىعى, بۇل - مۇمكىندىگى شەكتەۋلى بالعىندارىمىز ءۇشىن وتە قاجەت دۇنيە. مۇندا بارلىق جاعداي جاسالعان ەكەن. ال وبلىس بويىنشا جەرگىلىكتى تۇرعىندارمەن كەزدەسۋ بارىسىندا بايقاعانىمىز, ارناۋلى الەۋمەتتىك كومەكتىڭ ەسەپتەلۋىندەگى ماسەلەلەر ءجيى ءسوز بولدى. ءبىز بۇل ماسەلەلەر بويىنشا جۇمىس ىستەيتىن بولامىز, - دەدى ءماجىلىس دەپۋتاتى نۇرجان التاەۆ.
حالىق قالاۋلىلارى وبلىستاعى كەزدەسۋلەر بارىسىنداعى جيناقتالعان ماسەلەلەردى ۇكىمەت نازارىنا ۇسىناتىندىقتارىن ايتتى.
