Nur Otan پارتياسى قىزىلوردا وبلىستىق فيليالىنداعى سايلاۋالدى قوعامدىق شتابتىڭ قۇرامى پارتيا وكىلدەرى مەن ەلگە تانىمال قوعام قايراتكەرلەرى, پارتيا فيليالىنىڭ ساياسي كەڭەسىنىڭ مۇشەلەرىنەن قۇرالدى. وبلىستىق سايلاۋالدى شتابىن وبلىستىق پارتيا فيليالى توراعاسىنىڭ ءبىرىنشى ورىنباسارى اقمارال ءالنازاروۆا باسقارادى.
وبلىستىق شتاب توراعاسى پارتيانىڭ كەزەكتەن تىس ءXىح سەزى شەشىمىمەن قازاقستان پرەزيدەنتتىگىنە ۇمىتكەر رەتىندە قاسىم-جومارت كەمەل ۇلى توقاەۆتىڭ كانديداتۋراسى ۇسىنىلعانىن ەسكە سالىپ, وبلىستىق شتاب جۇمىسىنىڭ نەگىزگى مىندەتى – Nur Otan پارتياسىنىڭ اتىنان ۇسىنىلعان ۇمىتكەرگە قولداۋ كورسەتۋ ەكەنىن ايتتى.
- وبلىس بويىنشا 10 شتاب جۇمىس جاسايدى. ونىڭ 1-ءى وبلىستىق, 2-ءۋى قىزىلوردا, بايقوڭىر قالالارىندا جانە 7 اۋداندا. شتابتار ءوزىنىڭ جۇمىسىن, قازاقستان رەسپۋبليكاسىنىڭ سايلاۋ تۋرالى زاڭدارىنا سايكەس, 11 مامىردان رەسمي تۇردە جۇزەگە اسىراتىن بولادى. قازىر وبلىس بويىنشا 366 سايلاۋ ۋچاسكەسى ناقتىلاندى. بارلىق ۋچاسكەگە 1098 سەنىمدى وكىلىمىز تىركەلدى. شتابتاردىڭ بارلىعى ماتەريالدىق-تەحنيكالىق قۇرالدارمەن جابدىقتالعان. سايلاۋ ناۋقانىندا جۇمىس جاساۋعا دايىن, - دەدى اقمارال ءالنازاروۆا.
سىر وڭىرىندە Nur Otan پارتياسىنىڭ 51 مىڭنان استام مۇشەسى توپتاسقان 272 باستاۋىش پارتيا ۇيىمى بار.
